Yobkwi 30:12 - NTSHOB NSI

¹² O lo' njoṅ yàm nekua' fa nkaṅ tsiaṅte yi. O sô bam vù bu àm, ntôg nzwe nswe tun àm,

Yobkwi 30:12 Iomraidhean Croise

Neto'te 49:6

Me ke nsi tsin nsi tsham bag à bo. Me ke nsi te ku ntùm mbumte yub. Nummbe bo be nzwite benntùn ndùse bo ya ntù là. Bo be nkù ntù nekag mfaṅ njam nku mfotmfô.

Esta 8:16

Nku'ni bo tsiaṅte, neṅwate bo ghamte bèn mbe netèt ba Yuda.

Esta 9:22

Men ndé'njù là b'a mi bo na' ntshu' wut tshob mbu ghakeban, mfite ntùm bwe là. A tshob mbe bo ke nkwimte ṅwù ze nenywin na' nkaṅ ntù' tsiaṅte, nge' kaṅ ntù' jùa là, ndo' tshen lé'njù jùa, lé' mànjù là ntùm tsiaṅte, nke ntum nda' bin bin, mbèn nke ngabte tshu ghayennge'.

Yobkwi 13:6

Tu wul àm, me yab ntù àm num nu yôg s'a fe wù là. A bwô ndù me yob kwi Tshùaben num numebwô z'a ghù me là.

Yobkwi 145:2

Me nsi ke ghamte lén so njoṅ lé'njù fa, me nsi nyàmte lén so njoṅ ndù fa, nyàmt'é matmat.

Yobkwi 16:9

Ndùlala ntù àm b'a ntùm tsiaṅte, ywèt tshàm nke ṅwate, wul àm tswe ndù kam ntùm fite,

Yobkwi 44:8

Là, a b'a wù bèn nke ntshu' yag mbu ghakeban tshage, nke nso tuswe num ben tse bo be ntsho' nku mag kebàn na.

Yobkwi 57:8

Ntù àm tswe'te, o Nsi, ntù àm tswe'te. Me nsi yob kwi, me nsi bù'te nze tshu nebu'u!

Yobkwi 71:14

Mba me là, me nsi nywinte njoṅ ndù fa, me nsi ke nyàmt'é yàm yàme.

Yobkwi 71:23

Me nsi be ghamt'o ghù tsiaṅte num nkub ntshu màm, tsiaṅte be ntùm ntù àm z'o na' ntshu' i là.

Esaya 61:3

ndù me fà kétmbùm ghayennge' Sion ke b'a bwembwôge, ndù me fà mfèt tsiaṅte bo ke b'a mi nsivù, ndù me fà nzwe nyàmte bo ke b'a ywèt nenywine. A nsi tshùa ndùlala bo tsiaṅ yub térébintô nunetsine, ntù mi Tshùaben bwe num ghamt'é là.

Lukas 19:40

A bùnte ntshob ndù: Me tshob bin ndù: A be ze bo mi' là, mba ndoṅ nsi kua'a.

Mfa' Ghantum 4:20

Nummbe mba bag là, bag ke' ku'ni nebe ke tshob tshu tse bag na' njen mbèn nju' là.

Apokalipse 7:12

ntshob ndù: Amén, nyàmte, nkuni, zenu, nelabte, ghamte, neta, mba ba ngù' be Nsi yag ngu'ngu'. Amén.