Yobkwi 30:1 - NTSHOB NSI

¹ Yobkwi. Yobkwi num netsho' Ndà Nsi. Yobkwi David.

Yobkwi 30:1 Iomraidhean Croise

2 Samuél 20:3

David bèn njam ndà i Yérusalém. Mfen lo' màndà tse gham ts'a na' mfaṅ ndù bo ke mbéb ndà là, njab yub mo' dù' bo nke mbéb yube. A ghù bo nke nabte yube, nda' ndù a ke nèn mbaṅ bo. Bo fùn yub ndùlala tà nkum sob lé'njù vùkob, bo nke njôg à mba ba mfôg là.

2 Samuél 24:25

David kut ta' tômbwôg Tshùaben bwe. A ton ba nyàm bwe, mfà tshule'te tse nefà me bam. Ndùlala ntù Tshùaben fite num ngô, nge' tum ntùm ngô Israél.

2 Samuél 5:11

Hiram mfen Tiro tum benntùn David, ntum ntshwèn sédra, ghako' tuba' boa ghatshua'te ndoṅ, bo kut ta' ba' David.

2 Samuél 6:20

David bèn ndà i num netam ntse ze tunndà. Mikal ngon Saulo tum mbumte bo yi, ntshob ndù: Mfen Israél so mo' lén ndùb tu wul i sènni. A la'te wul i mbwe ghafa' tse bènnzwi tse bo ke mfa' ghafa' tse, tse bandum nà tunntôg, ngù mba kua' mèn banban nà.

2 Samuél 7:2

ndùlala, a tshob ngatshob ntshob Nsi Natan ndù: Tshù, me tshwèt ntswe ntùm ba' ze bo lo' sédra nkut yi là, nda' ndù Koṅ Nsi nke ntswe bam ta' ntàb.

1 Fenfen 8:63

Salomon zwite nyàmna' ntsha' ntshob bàa ṅam mbàa boa mbwe ntsha' bon bàa nkù mba jule'te Nsi ze nelon fite yi Tshùaben nà. A tshùa ndùlala mfen boa bon Israél jù jùa num ba' Tshùaben.

1 Kronika 21:6

Yoab lo ke siaṅ ben Lévi boa tse Benjamin, nummbe ntshob mfen na' mbe num miag mi à mba tshùaya'nu là.

Yobkwi 13:4

Tshùaben Nsi àm, lôt'àm, mbùnte me. Ghù ndù miag màm ké'é, ndùlala ndù kà me bèn nzi miaglo vù.

Yobkwi 140:8

Tshùaben z'a be Tshùaben, mba neta ngayôg àm nà, o be nkabte tu àm mum lé'njù ntsho.

Yobkwi 145:1

Yobkwi David. Nsi àm, mbe mfen àm, me nsi nyàmt'o. Me nsi ghamt'o njoṅ ndù, ghamt'o matmat.

Yobkwi 25:2

Nsi àm, me ke njab ntù àm à num o, kà bam ndù tuswe ko àm. Kà bam ndù ghakeban tshàm tsiaṅte num àm.

Yobkwi 27:6

Tshù, tu àm dut ghakeban tshàm tse bo diaṅ àm mbum nà nèn tù. Me nsi fà tshule'te Nsi ntùm ntàb i, mbe fà nke ntô nta. Me nsi yob kwi, me nsi ghamte Tshùaben.

Yobkwi 28:9

Yôg yu nzwit mèn, naṅ mbotni num ju tsi' o. Be ngabéb yub mba yub ntom njoṅ ndù fa.

Yobkwi 35:19

Kà ben tse bo be mbàn àm banban nà tsiaṅte tshob num àm. Kà ben tse bo be mbàn àm ke ntun nà lo' mvèn miag mub ntshabt'àm yi!

Yobkwi 41:11

Wù Tshùaben, ko ndèn màm, mbù' àm nsi. Me nsi ba' ju z'a ku'ni num bo là bo.

Yobkwi 66:17

Me lo kua'a, ntsiaṅ i ntshu àm, ghamt'é yoṅ mbe tun lém sàm.

Yobkwi 79:10

Be ba tum tshob ndù: Nsi yub b'a yà numke? A bwô ndù bo lèn mbwe bag, netèt ba tum, ndù o yagte mba' lem ghafa' tsho, lem tse bo na' mfètte là!

Yobkwi 79:4

Bag tù' à ju tshabte mbwe ba ndùla' bag. Ntù' ju komzwi mba ju tuswe mbwe ben tse bo diaṅ yag mbum nà.

Nsindàvù 2:15

Njoṅ ghatshùagntù fa tshwèt mbu'te mbu num o, nke ntôte fin, nke nyi'te tu num ngon Yérusalém, nke ntshob ndù: A kua' tusô se bo ke ntsiaṅ i bwônja' li ké? Z'a b'a tsiaṅte nsitsha' fa li là ké?

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Nebwôgte 20:5

Yen nà nsi be tôg ba tàndà ntsho tshob nu ngô, ntshob ndù: We z'a nsen ni ndù a kut ba' nswe ke yoṅ ntswe ntùm bwe à? Ng'é bèn njam ntùm ndà i, mbwôg ndù k'a kwù tshwèt ntsho mo' mèn tswe ntùm ba' i.