Yobkwi 3:4 - NTSHOB NSI

⁴ Là, wù Tshùaben, o b'a yàm tshètntsho, mbe yàm ghamte; o be mbéb ntù àm.

Yobkwi 3:4 Iomraidhean Croise

Neto'te 15:1

Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

Yobkwi 119:114

O b'a yàm ndàlem mba yàm tshètntsho. Me be nywinte num nka'ni o.

Yobkwi 138:3

O lo bùnte me, nkwi'te neta ntùm ntù àm lé'njù se me kua' wù là.

Yobkwi 18:3

Tshùaben b'a ngabloṅ àm, sàm fùn, ngatshu' àm! Nsi àm, ngabloṅ àm, me nsi yen dù' nefite bwe à num o! O b'a yàm tshètntsho, mbe neta z'a be njôg àm nà, mbe yàm ndàlem.

Yobkwi 2:6

A me bèn njo' yàm mfen, num mbat Sion, mbal àm ze nelàne!

Yobkwi 27:6

Tshù, tu àm dut ghakeban tshàm tse bo diaṅ àm mbum nà nèn tù. Me nsi fà tshule'te Nsi ntùm ntàb i, mbe fà nke ntô nta. Me nsi yob kwi, me nsi ghamte Tshùaben.

Yobkwi 28:7

Tshùaben b'a yàm neta mba yàm tshètntsho. Ntù àm be njab à num i, a ywimt'àm. Me tshwèt ṅwate tshàm ntùm ntù àm, nke nyàmt'é ntùm njobkwi màm.

Yobkwi 34:4

Bag bin ghamte Tshùaben! Bag bin ghamte lén se njoṅ be fa.

Yobkwi 34:6

A num mbe ngelaṅ mèn kaṅ wul i nke ndôt'é là, mba tsiaṅte nsi ke tum num ng'é, tuswe ke bèn nkut se i.

Yobkwi 43:3

Tum nka' o mba nenùn o, bo ke ntshagt'àm, bo ke ntshagt'àm num mbal o ze nelàne, mba ntùm tsho dù'ntswe!

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

Yobkwi 62:8

Yôg sàm mba ghamt'àm ke mb'a num Nsi. A b'a ngabloṅ z'a be nkabt'àm nà, yàm ndàlem b'a num Nsi.

Yobkwi 84:12

Nummbe Tshùaben Nsi b'a lagnyam mba tshètntsho. Tshùaben be mfà kondèn mba ghamte. A ke' be gha sàm numebwô ben tse bo be nzin ntùm nenùn nà.

Yobkwi 89:19

Nummbe Tshùaben b'a yag tshètntsho, Nelàn Israél b'a yag mfen.

Yobkwi 91:15

A nsi tsiaṅ àm, me bùnte yi. Me nsi be bag yi mum nge'. Me nsi tshu' i, me nsi ghù nku'ni yi.

Yobkwi 99:9

Bin ghamte Tshùaben Nsi yag, ngwù nsi mbwe mbal i ze nelàne! Nummbe Tshùaben Nsi yag b'a nelàne.

Tànkùt 2:7

A be ndem yôg ben tse bo be ben ndaṅndaṅ nà, ndem tshètntsho ben tse bo be nzin ntùm nenùn nà.

Esaya 65:24

Me nsi bùnte bo ke be ndù bo yoṅ ntsiaṅ àm. Me nsi ju' le'te yub ke be ndù bo yoṅ ntsin ntshob nu me.

Nsindàvù 3:56

O lo ju' nz'àm: Kà fùn ntoṅ mu num yàm netsham zwe bo nkua' màm.

Matio 7:7

Bin lon bo a' fà bin; bin diage, bin a' fon; bin ke'te, bo a' tsho' bin.

Yakobo 5:13

Mo' mèn netèt bin tshwèt njen nge' ké? A le'te Nsi! A tshwèt ntsiaṅte ké? A yob kwi!