Yobkwi 3:3 - NTSHOB NSI

³ Ben yàme be ntshob num àm ndù: Ywimte ke' bèn mbe yi mbaṅ Nsi.

Yobkwi 3:3 Iomraidhean Croise

Neto'te 15:1

Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

Neto'te 40:13

A tù' lé'njù tat Faraon bèn mbù' o tù, njab o num fa' so; o nsi bèn fà ndô ntùm mbu mi mb'a na' mbe matnu wù, ndùs'o na' mbe ngama' ndu' i là.

2 Fenfen 18:30

Kà Ezékia neghù bin mi nke njab ntù num Tshùaben, nke ntshob ndù: Tshùaben nsi tshu' yage, sen tusô li ke nsi vù ntùm mbu mfen Asiria.

2 Fenfen 18:32

tà nkum ndùse me se' lo' zin nèn yi ntùm ngô z'a fute zine, ntùm ngô ngefet bo ndu', ngô bàn bo ntù ndu', ngô nten mfèt bo ṅwa'a, dù' ze bin nsi yôge, ke kwù là. Kà bin ju' ju ze Ezékia tshob là, nummb'a ghù nefùte zin ntshob ndù: Tshùaben nsi tshu' be.

2 Fenfen 25:27

Yoyakin mfen Yuda lo be tswe ndà kuan ngu'njù ntshob sammbàa ṅam ntat, a be mum lé'njù ntshob sammbàa ṅam mbàa, mum ṅwù ntshob bàa gham, Evil-Merodak mfen Babilon ghù mebwô Yoyakin mfen Yuda, nsô i ndàtsha. A lo be be ndù Evil-Merodak ghù num fen tamngu'.

Yobkwi 110:7

A nsi nu ntse mum koṅntse ngelaṅ z'a tshùa nze là, a ndùlala, a nsi bù' tu i nsi.

Yobkwi 119:114

O b'a yàm ndàlem mba yàm tshètntsho. Me be nywinte num nka'ni o.

Yobkwi 18:2

A tshob ndù: O Tshùaben, me num nkô o, o b'a yàm neta.

Yobkwi 27:6

Tshù, tu àm dut ghakeban tshàm tse bo diaṅ àm mbum nà nèn tù. Me nsi fà tshule'te Nsi ntùm ntàb i, mbe fà nke ntô nta. Me nsi yob kwi, me nsi ghamte Tshùaben.

Yobkwi 28:7

Tshùaben b'a yàm neta mba yàm tshètntsho. Ntù àm be njab à num i, a ywimt'àm. Me tshwèt ṅwate tshàm ntùm ntù àm, nke nyàmt'é ntùm njobkwi màm.

Yobkwi 4:3

Bon benntùn, bin nsi tsin netshabte ghamt'àm à ndùke? Bin nsi faṅ nekô tshu banban mba nediag tatte Nsi à ndùke?

Yobkwi 62:7

Ṅ, a b'a nda' yi bèn mbe yàm ngabloṅ mba ngayôg àm, yàm mà neta ndàlem. Me ke nsi zi tiag tshàm.

Yobkwi 84:11

Mebwô b'a netswe lé'njù ntshù' mum tsho ntshundà, ntshùa netswe lé'njù ntsha' mbùm dù' ghua. Me kô netsin num nkù'ndà Ndà Nsi àm, ntshùa netswe bam ba ntàb ghatshùagntù.

Esaya 45:25

A nsi tshùa njam Tshùaben njoṅ nzwit Israél fa tù' ben netsine, bo bèn ngamte yube.

Esaya 60:19

Lagnyam ke nsi bèn mfà nelàn wù mbwôgtshù, maṅwù ke bèn nké' nelàn i num o: Là Tshùaben nsi bèn be yu nelàn z'a tswe matmat là, Nsi o nsi be yu ghamte.

Lukas 2:32

A b'a nka' z'a nsi lànte miag ghakelèn Nsi, mbe nkuni ben tsho ba Israél là.

Nebwôgte 33:29

Israél o be tsho a mènfen! We z'a be mba wù à? O b'a nzwit mèn ze Tshùaben tshu' i là. A b'a yu tshètntsho, mbe ṅwi nkuni mu. ghakeban tsho nsi se' ma' mbu wù, là o nsi nyiaṅte tshob dù' neṅate ntùm ngô nku mu.

Apokalipse 21:11

ndù a ghù nkuni Nsi là, ze neziagte fute mo' loṅ tanjoṅ, loṅ Yabsi s'a be mba Kristal là;

Apokalipse 21:23

Nka' lagnyam mba nka' maṅwù ke' be ywimte ngô mo' ju, nummbe nkuni Nsi num nké' num i, mén njùmbwe be lambo se.