Yobkwi 28:9 - NTSHOB NSI

⁹ Yôg yu nzwit mèn, naṅ mbotni num ju tsi' o. Be ngabéb yub mba yub ntom njoṅ ndù fa.

Yobkwi 28:9 Iomraidhean Croise

2 Samuél 21:3

David tshob ba Gabaon ndù: Ke ze be me ghù bin à? Be lo' à ke ntamte fa yi, ndù bin nyàmte ntsi' Tshùaben à?

2 Samuél 7:7

Njoṅ dù' fa ze bag bon Israél zin nèn nà, me lo to' tshob sàm nu mo' ta' nzwit Israél ze me tshob yi ndù a tshagte yàm nzwit mèn Israél là ké? Me lo to' bètte yub ndù bo be ke kut ta' ba' sédra me numke di ké?

1 Fenfen 8:51

nummbe bo b'a yu nzwit mèn, mbe ntsi' mu, ndù o lo sô yub ntùm ngô Egipto netèt ndà mbwôg z'a ku'ni neghù tùn yag là!

1 Fenfen 8:53

Tshùaben Nsi, o lo fagte yub num tsemo' nzwit fa num nsitsha'a, ndo' yub ngù ntsi' mu yi, ndaṅndaṅ mb'o na' ntshob ngafa' o Mosé ndùs'o ke nsô tà tshag ntùm ngô Egipto là.

Esdra 1:4

Mba yà lo dù' ze tshé' nzwit Tshùaben ke'e, nke nkô nebèn Israél là, mb'a bwô ndù ba yen dù' là fà silba, gol, tshu boa nyàm mba ba nda' num nu ba' Tshùaben z'a be Yérusalém nà.

Yobkwi 14:7

O, we z'a nsi ghù ndù netshu' Israél tum mà Sion à? Ngelaṅ Tshùaben nsi lo' kuan ze nzwit mèn bèn yi njam nà, Yakob nsi ṅwate. Israél tsiaṅte.

Yobkwi 25:22

O! Nsi àm, tshu' Israél, num njoṅ nge' tse fa.

Yobkwi 78:71

a lo' i njam njùmbwe tse bon ke nyô yub là. Num neghù ndù a ke ntshagte Yakob; ze nzwit mèn, mba Israél z'a be ntsi' mi là.

Esaya 40:11

A nsi tshagte bwoṅ nyàm i mba ngabéb mbwe là; a nsi ket njùmbwe num ndaṅ bu i, kab yub ndàntù i. A nsi tshagte mbwe tse bo tshwèt nyô bon nà.

Esaya 46:3

A bwô ndù tunndà Yakob ju' àm, tshé' tunndà Israél tse bo ke' ntùn nà lèn ndù me lo ket zin fe lé'njù se bo bwe zin nà, ndù me lo tomte zin fa tà bam mà zin.

Esaya 63:9

Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.

Yérémia 10:16

Là, mèn z'a be mi ntsi' Yakob là ke' b'a ndùlala. A b'a yi na' mbèn nabte njoṅ tshu fa. Israél b'a kua' ze nzwit mèn. Lén se b'a Tshùaben tàndà ntsho.

Yérémia 31:7

Tshù mba Tshùaben tshob li: Bin tshag nze zin tù ntùm tsiaṅte num nzwit Yakob, bin tshèn ngoṅ ntùm ṅwate ndo' nsoṅte ngôngô yi. Bin fà là sin tù, bin yob nkwi, nke ntshob ndù: Tshùaben, tshu' yu nzwit mèn, tshé' ba Israél!

Mika 5:2

A ndùlala, Nsi nsi ghua' yube, tà nkum ndùse mènnzwi z'a bwô ndù a bwe nsi bwe, tshé' fèt tse bèn njam ntamte num bon Israél là.

Mika 5:4

A yi nsi bèn lo' fite se' yi! Ndùse Asiria nsi tsho ntùm ze be ngô, ndùs'a nsi nyiaṅte tse be tsha' nku là, yen ngelaṅ nà bag nsi ghù ghatshagte sammbàa lo nsi num i, mba kamkam benntùn fome.

Mika 7:14

Lo' shua' so ntshagte yu nzwit mèn yi, bwoṅ nyàm z'a be yu ju ntsi' là, a ke ntswe à tù' i mum fèn netèt Karmél! A bwô ndù bo fèt nenà num Basan mba Galad, mb'a na' mbe num mo' ngelaṅ njù là.

Matio 2:6

Wù Bétléhém ngô Yudéa, o ke' b'a metsit ngô netèt ngô ndùbndùb Yudéa, nummbe mfen z'a nsi tshagte, bèn béb bon tshàm ba Israél là, nsi tum à wù.

Efésô 1:18

mfà nka' miag ntù tsine, ndù bin lèn nenywinte ze netshaṅ i te mbwe bin nà, mbèn ndèn nkuni ndùb mi a be ntùm ntsi' mi mi a lem ben nelàn nà,

Nebwôgte 1:31

mba kônkwa là. A bwe là z'o na' njen Tshùaben Nsi o kel o mba mèn be nket nshum i là me Israél. A lo ghù ndùlala num manze fa ze bin zin bwe tà nse' nkum nsen ni là.

Nebwôgte 32:9

nummbe ze kam Tshùaben b'a ze ze nzwit mèn; nzwit Yakob b'a mi ntsi' mi a lo' là.

Nebwôgte 9:26

Me le'te Tshùaben ntshob ndù: Tshùaben, kà biagte yu nzwit mèn, ntsi' mu, z'o tshùa njam yu nezi ntshu' i, ntshùa njam bu o ze neta nsô i Egipto là.

Nebwôgte 9:29

Mba tà ndùlala, bo b'a yu nzwit mèn, mbe mu ntsi'i, ndù o bèn nsô yub Egipto njam ngù' o ze ndùb mba njam bu o z'o nyit là.