Yobkwi 28:7 - NTSHOB NSI

⁷ Tshùaben b'a yàm neta mba yàm tshètntsho. Ntù àm be njab à num i, a ywimt'àm. Me tshwèt ṅwate tshàm ntùm ntù àm, nke nyàmt'é ntùm njobkwi màm.

Yobkwi 28:7 Iomraidhean Croise

Neto'te 15:1

Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

Yobkwi 13:5

Ndùlala kà ngakeban tshob ndù: M'a' tshùa i, mba ndù kà ghakeban tshàm tsiaṅte ngelaṅ me tiag là.

Yobkwi 13:6

Tu wul àm, me yab ntù àm num nu yôg s'a fe wù là. A bwô ndù me yob kwi Tshùaben num numebwô z'a ghù me là.

Yobkwi 19:14

Tshètte ngafa' o mba num ghako'tewut. Kà bam ndù bo tô ntù àm, ndùlala me nsi be kelo', be mbu' num nukebwô ndùbndùb.

Yobkwi 21:1

Ntshagte yobkwi. Yobkwi David.

Yobkwi 22:4

Là ndù o b'a nelàne. O te ko'fen num njoṅ mi njobkwi Israél fa.

Yobkwi 28:8

Tshùaben b'a ze neta ze nzwit mèn, mbe ndàlem mba ngayôg ze ngayo' mfèt.

Yobkwi 3:3

Ben yàme be ntshob num àm ndù: Ywimte ke' bèn mbe yi mbaṅ Nsi.

Yobkwi 3:4

Là, wù Tshùaben, o b'a yàm tshètntsho, mbe yàm ghamte; o be mbéb ntù àm.

Yobkwi 33:21

Nummbe ntù yag yab ze tsiaṅte num i, nummbe bag yab ntù yag num lén se se nelàne.

Yobkwi 37:39

Yôg ben netsin ke mfe à Tshùaben, a b'a ngakabte yub ngelaṅ nge'.

Yobkwi 40:3

A lo sô àm ntùm gheme, ntùm gheme nebagte, mà ntùm netob. A te nku màm num ngabloṅ, ngù nku màm ta nsi.

Yobkwi 43:2

Wù Nsi àm ngakabt'àm, numk'o nke ma' àm njam à? Numke me nke nzin ntùm nenywine, bam ngùtni ngakeban à?

Yobkwi 46:1

Ntshagte yobkwi. Se bon Koré. Ntùm medub màndô. Yobkwi.

Yobkwi 46:2

Nsi b'a yag ndàlem mba yag dù' neyé'te bwe. A b'a ywimte z'a ke' be tag bag ngelaṅ nge' là.

Yobkwi 69:30

Tu wul àm, me b'a ntùm ngùtni mba ntùm nge', o Nsi, a bwô ndù yu ywimte bèn mbù't'àm.

Yobkwi 84:11

Mebwô b'a netswe lé'njù ntshù' mum tsho ntshundà, ntshùa netswe lé'njù ntsha' mbùm dù' ghua. Me kô netsin num nkù'ndà Ndà Nsi àm, ntshùa netswe bam ba ntàb ghatshùagntù.

Yobkwi 91:4

A nsi lo' mfe mi kabt'o yi. O nsi fon ndàlem bam mbàb mi. Nenùn i b'a tshètntsho mba nzwe tùne.

Esaya 12:2

Yen mbe Nsi b'a ngatshu' àm, me yab ntù àm num i koṅkoṅ, me ke nsi bèn bwôg sàm ju. Nummbe Tshùaben, Tshùaben bèn mbe yàm neta, bo yàm tunu nenyàmte. A yi na' mbèn njôg àm.

Esaya 45:24

Bo nsi tshob me ndù nunetsin bo neta ke ntswe à nda' num Tshùaben tù' i; njoṅ benntùn fa tse bo na' nja ntù num i là nsi se' tèl i, tuswe ko yube.

Esaya 61:10

Me nsi tsiaṅte num Tshùaben. Ntù àm nsi dun ṅwate num Nsi àm, nummb'a ma' nzwe yôg num àm, ndaṅndaṅ mba tshe' ndu ngon be nkwi wul i, ndaṅndaṅ mba nkwa mi ménngon be nkwi wul i yi kà ntsin mbwe ndu i là.

Efésô 6:10

Njôg mbe, bin be ben neta num Tshùaben mba ntùm ngù' neta i.

Apokalipse 15:3

bo yob kwi Mosé, ngafa' Nsi, mba kwi mén njùmbwe, ntshob ndù: Tshùaben, Nsi ngatô njù, mfa' mu b'a mi ndùb mba mi nekuni; mfen ngôngô, manze tsho b'a tse netsine, mbe tse nenùne.

Apokalipse 5:9

bo yob kwi nswe ntshob ndù: o ku'ni nekwé ṅwa'ni, mbétte sitam tse, nummbe bo lo se tô o, o tshùa njam lem tsho, ntshu' benntùn ntùm njoṅ tunndà fa, njoṅ ntshob fa, njoṅ ngô fa, njoṅ nzwit fa, mfà yub Nsi,