Yobkwi 28:5 - NTSHOB NSI

⁵ Nummbe bo ke' be kù' ntoṅ num mfa' Tshùaben, num mfa' mbu mi. A nsi ma' yub nsi, a ke nsi bèn bù' yube.

Yobkwi 28:5 Iomraidhean Croise

2 Samuél 7:13

A yen mèn nà bèn kut ta' ba' num lén sàm, me ghù diaṅkwa nufen se ghum matmat.

2 Samuél 7:27

Nummbe tu wut Tshùaben tàndà ntsho, Nsi Israél, o lo la'te ngafa' o ntshob ndù: Me nsi te ta' tunndà wù. A ndùlala ze ngafa' o me kagtùn netsin mbwe o nde't'o là.

1 Fenfen 11:38

A be z'o ghù nu ndaṅndaṅ num miag màm, nze ntshù' màm boa nkàn màm, mba ngafa' àm David na' ngù là, mba me nsi be bag wù, kut ta' ba' z'a tswe là wù mba me na' nkut David là, mbèn mfà Israél wù.

Yobkwi 10:5

Njoṅ mfa' mi fa num ngwù lag njoṅ ndù fa. Njoṅ tse tsho'te ntsha Nsi fa b'a ngùanesà mbaṅ i, a be ntôg ntsi num ghamaṅt'é.

Yobkwi 104:24

Tshùaben, mi' mfa' mu yàm neshu, o lo lo' zenu mfa' njoṅ i fa yi; mfa' mu dun num njoṅ nsitsha' fa.

Yobkwi 8:3

O be ntshùa num bônke' mba bonfi nte dù'ntswe o ze neta mbwe ghakeban tsho, mbiagte ghakeban mba ghatatu.

Esaya 22:11

Bin tshwèt nabte dù' nenaṅ ntse bwe netèt kumba' bàa, num nenaṅ ntse njwèn diaṅnkat ntse bwe. Là, bin ke tshwèt ndôte mèn z'a nabte tshen tshu là, ke lôte mèn z'a bam ndù tshen tshu là be fe ndùke lo là.

Esaya 40:26

Bin bù' miag min mfe tù, ndôte! We z'a nabte tshen tshu là fa à? We z'a num ngù bo tum fafa mba ntshu ntsho z'a bwô l'à? A be ntsiaṅ njoṅ yub fa lén sobe. A tshùa njam mba' i ze ndùb bo neta ngù' i, sàm ta' i mba ntshù' ke be fàn nze.

Esaya 45:12

A b'a me na' nabte tsha'a, mbèn mbom mènntùn njab bwe. A b'a kua' me, a kua' mbu màm na' mbèn nyitte kamànyam. Be kua' me na' mbèn ntete ntshu ntsho tshob bwe.

Esaya 45:18

Tshù ju ze Tshùaben z'a nabte kamànyam, z'a be ta' Nsi tù' i, z'a nabte tsha' kà nte i tù, ke nabt'é a ndù a be banban, là, ndù benntùn ke ntswe bwe, tshob li: Me b'a Tshùaben, mbe ndù mo' ke' bèn mbe.

Esaya 45:8

Kamànyam bam ndù meme' swe' mfe tù, ndot ghù ndù nunetsin lo! Tsha' gha' nte nge, ndù yôg be, ngù nunetsin bile, nke nte'e. A b'a me Tshùaben bèn nabte njoṅ i fa.

Esaya 5:12

Bo be nkô loṅe, loṅ nse', lammbé, medub bo ndu' ndùse bo tshwèt njù jùa là. là, mbe se' mba fa' Tshùaben nà, bo ke lo' mba ju là, ke te lag num mfa' mbu mi.

Yérémia 31:4

Me nsi bèn te o, bo bèn mbù't'o me ngô Israél; ba la' tsho nsi kwi wut, ma' lammbé mbe' bo tum tsho ntùm tsiaṅte tshu nenyiaṅe.

ṄWA'NI OSÉ 14:9

Ke ze Efraim bèn nke' ngù bo neto à? Tu wul àm me be mbùnte yi, nke ndôt'é. Me be yi à mba tshom s'a te' là. O ghù neyen ndô tshom num àm.

Nesiaṅe 23:23

Nebètte nu mo' ju ghua ke' be Yakob. Nebètte nu ka ke' be Israél.

Yohané 12:37

Mba mb'a na' ngù ba nsà yàm mbwe bo là, bo ke bam i.

Roma 1:20

Fe ngelaṅ njù be là, lén Nsi tse be mènntùn ke ku'ni neyen nà, yen nà b'a ndù: Neta i ze yoṅ ntshù', mba ze nebe Nsi, be mènntùn yen, nummbe zenu i ku'ni nelèn yub ntùm tshu tse Nsi nabte là: Ndùlala ndù kà nu latnta be.

Roma 1:28

Mba bo na' mbe ke kô nelèn Nsi là, Nsi ma' yub ntùm yôg kagni ndù bo ghù ju z'a ke' bwô neghù là.