Yobkwi 28:2 - NTSHOB NSI

² Ju' mba me tshwèt nde't'o ngelaṅ me tshwèt nkua' ntsiaṅ o là, ngelaṅ me tshwèt mbù' mbu màm ntshag nze mbaṅ ndà o ze nelàn nà.

Yobkwi 28:2 Iomraidhean Croise

1 Fenfen 6:19

Salomon yab dù' nelàn à tà mà tôg ndà Nsi, num nete Koṅ Kàn Tshùaben bwe.

1 Fenfen 6:5

A kut ndaṅ ba' ndo' ndam kumba' yi mbume, men ndaṅ ba' là diaṅ nkumba' mbume, ndà Nsi, dù' nelàn ntshùate. A ghù nto'ndà bwe ndù a latte dù' ntshù' ndiaṅ mbume.

1 Fenfen 8:38

a be ze ta' mèn, a be ze njoṅ yu nzwit mèn Israél fa ke nde't'o, nke ma' mbu wù, mba we lo lèn ze mfaṅ z'a ntù i, nyit mbu mi ntshag num yen ba' li là,

2 Kronika 6:13

Nummbe Salomon lo ghù mo' ṅate dù', ndo' à tùn fôgtab nkut yi. A te yen ṅate dù' là netèt bam ntshundà; yen ju là ghù mbu mbàa kam num kum tse kuà fa, nèn tù ta' bu kam. Salomon tsin bwe, nte nkekwi' mi nsi mbwe njoṅ ntse'te bon Israél fa, ntshag mbu mi mfe kamànyam ntshob ndù:

Yobkwi 125:5

Là, a bwô Tshùaben yoṅ ben tse bo tam num manze ts'a lamte là boa ben tse bo be ngù nukebwô là. A bwô ndù fite be num Israél.

Yobkwi 130:2

Tshùaben ju' mba me tsiaṅ o là. A bwô ndù o kù' ntoṅ nju' nze tshàm le'te.

Yobkwi 134:2

Bin tshag mbu min nze dù' ze ndà Tshùaben ze nelàn be bwe là njoṅ tèttswe' fa, nke ngamte Tshùaben.

Yobkwi 138:2

Me be nkwim ntunkekwi' màm nsi mbwe ndà o ze nelàne, me be ngamte lén so, num kondèn o mba num nenùn o, nummb'o lo ghù ntshob mu ju'ni, mbù't'é num njoṅ tshu fa.

Yobkwi 140:6

ben tse bo be mbùn nkù tun nku màm nà, ghako'te wut tse bo bùn ywi' mba nkù num ntshùa màm, njab ywi' num manz'àm nà.

Yobkwi 141:1

Yobkwi David. Tshùaben, me tshwèt ntsiaṅ o, se' mbaṅ àm ndende. Kù' ntoṅ nju' nz'àm ngelaṅ me tsiaṅ o là.

Yobkwi 141:2

A bwô ndù yàm le'te be mbwe o mba tshu nelamte là, netshag mbu màm tù be mba ju bwôntù mfetnjù là.

Yobkwi 143:6

Me nyit mbu màm ntshag wù, ntù àm be mbwe o à mba dù' tsha' njum nà.

Yobkwi 5:7

o be mbiagte ghatatte. Tshùaben be mbàn ghafètte lem mba ghamfùm.

Yobkwi 63:4

Nummbe kondèn o tanjoṅ ntshùa yôg, nkub ntshu màm be nyàmt'o.

Nsindàvù 2:19

Lo nsi, tsham zwe mba num sit laṅ njù lo tèttswe'. Sate ntù o mba ntse be nsa là mbwe Tshùaben. Tshag mbu mu tù, nde't'é num tu bon tsho, tse bo tshwèt nkwù nziku' num ntôg njoṅ manze fa là.

Daniel 6:10

A tshùa ndùlala mfen Darius kite kàn bo ntshù'.

Daniel 6:11

Ndùse Daniel ju' ndù bo kite ntshù' là, a lo nèn ndà i, num laṅ ba' s'a tù, tôndà nke ndôte nze bag Yérusalém nà. A nke nte ntunkekwi' mi nsi, nde'te Nsi i, nyàmt'é, mb'a ke nto' ngù mbwembwe là.

1 Timôtio 2:8

Ndùlala me kô ndù bandum ntùm njoṅ ndù fa, be le'te Nsi mbù' mbu nelàn tù, ke ya ntù, ke kam ntsha.