Yobkwi 28:1 - NTSHOB NSI

¹ Yobkwi David. Tshùaben, me ke nkua' à wù. Ngabloṅ sàm, ju' nz'àm, kà vù mbu'u, mbwôg ndù a be z'o nèn ngùanesà ke bùnte me là, kà me tù' mba ben tse bo be nswe' ntsho ntùm tô là.

Yobkwi 28:1 Iomraidhean Croise

ṄWA'NI YOB 33:28

A lo tshètte ntù àm, ke bam ndù a nèn ntùm gheme; ndonni yôg b'a bam nelàne.

Yobkwi 142:1

Yobkwi David. Ngelaṅ a na' mbe num ngabloṅ nà. Le'te.

Yobkwi 142:2

Me be nkua' ntsiaṅ Tshùaben, me be nkua' nde'te Tshùaben.

Yobkwi 143:7

Tshùaben, se' nde mbùnte me, me b'a ntshufi, kà lem àm se o, mba me nsi be netèt ben tse bo nèn mum tô là.

Yobkwi 18:2

A tshob ndù: O Tshùaben, me num nkô o, o b'a yàm neta.

Yobkwi 22:2

Nsi àm, Nsi àm! O ghua' àm numke? O nèn ngùanesà ke ywimt'àm, ke ju' nkua' màm numke?

Yobkwi 3:4

Là, wù Tshùaben, o b'a yàm tshètntsho, mbe yàm ghamte; o be mbéb ntù àm.

Yobkwi 30:4

Tshùaben! O lo ghù zwiag sàm ko' mà ntùm ngô fe ben. O lo ghù me bèn njôg ngùanesà mbaṅ ben tse bo swe' nèn ntùm tô là.

Yobkwi 30:9

Tshùaben, me lo kua' wù, Tshùaben, me lo tsiaṅ o:

Yobkwi 35:22

Tshùaben, o be njene, kà tswe ntshu mi'i. Tshùaben, kà nèn ngùanesà mbaṅ àm.

Yobkwi 39:12

O be ntshobte mèn, naṅ ntsha tu i num mfànnu mi. O be mfèt ju z'a tanjoṅ yi là ndaṅndaṅ mba bangùa be mfèt tshu là. Ṅ, mba zit mèn no b'a mba ywèt ntshu là.

Yobkwi 42:9

Tshùaben lo ke mfà kondèn i me mbwôgtshù, me be tèttswe' nke njob kwi ngamt'é yi. Me lo ke mfà le'te Nsi z'a ghù yôg sàm nà.

Yobkwi 5:2

Tshùaben! Kù' ntoṅ nju' ntshob màm, ju' mba me tshwèt ndàn wù là!

Yobkwi 69:15

Sô àm ntùm netob, ndù kà me bèn nswe' nèn nsi. A bwô ndù o tshu' àm mbu ghakeban tshàm, mbèn nsô àm lamntse.

Yobkwi 77:1

Ntshagte yobkwi, num ze mat Yétudun. Yobkwi Asaf.

Yobkwi 83:1

Yobkwi Asaf.

Tànkùt 1:12

be mi i ntùn mba ngô fe ben nà, a nswe' mba ben bo nèn ntùm ghem nà.

Esaya 26:4

Bin yab ntù num Tshùaben matmat. Nummbe Tshùaben, kua' yi b'a gholoṅ s'a tswe ngu'ngu' là.

Esaya 38:18

A ke b'a ngô fe ben bèn nke nyàmt'o. A ke b'a vùkob bèn ke ghamt'o. Ben tse bo swe' nèn ntùm ghem nà ke' bèn ndèn yu nenùne.

Apokalipse 20:3

a ma' i ntùm ghem njam nsi mfùne, nte sitam num bwe ndù k'a bèn netatte ngôngô tà nkum ngelaṅ ngu' ntsha' mbùm bumte là.