Yobkwi 27:9 - NTSHOB NSI

⁹ Kà lemt'àm se o, kà tèn ngafa' o ntùm yantù. O b'a ngaywimt'àm, kà kag àm, kà ghua' àm, Nsi ngayôg àm.

Yobkwi 27:9 Iomraidhean Croise

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

Yobkwi 102:2

Tshùaben, ju' le't'àm, nju' nkua' màm a se' tà nkum mbaṅ o!

Yobkwi 102:3

Kà lem àm se o mum lé'njù nge' sàm. Ben toṅ o num àm ngelaṅ me kua' wù là. Nànte nju' nkua' màm!

Yobkwi 119:121

Me be nze ntshù' mba nunetsine, kà ghua' àm mum mbu ghama'ni àm.

Yobkwi 13:1

Ntshagte yobkwi. Yobkwi David.

Yobkwi 143:7

Tshùaben, se' nde mbùnte me, me b'a ntshufi, kà lem àm se o, mba me nsi be netèt ben tse bo nèn mum tô là.

Yobkwi 24:5

A nsi kwé mbotni mi a fe Tshùaben nà, kwé nunetsin z'a fe Nsi ngayôg i là.

Yobkwi 44:24

Tshùaben, bam num miaglo, numk'o nke nzi à? Bam num miaglo, kà tèn yag yoṅ ntshù'.

Yobkwi 51:11

Tsho' lag so num nukebwô tshàm. Bwete njoṅ mfànnu màm fa.

Yobkwi 69:17

Tshùaben, bam le't'àm, nummbe kondèn o zi neshu. Tshùa njam kondèn o ze ndùb ntam lag so num àm.

Yobkwi 69:18

Kà lem ngafa' o se o. Mba me b'a ntùm nge' là, nànte mbam le't'àm.

Yobkwi 88:1

Yobkwi bon Koré. Ntshagte yobkwi. Num neyob ntam. Yobkwi Héman, mèn Ezrak.

Esaya 50:1

Tshùaben tshob ndù: Ṅwa'ni nefagte nandà ze me na' ndo' nsô mà zin yi là yà? Me na' nswèn zin à zit mèn netèt tshàm ghanjo à? A kua' nu nefètte lem na' mbèn nswèn zine. A nukebwô tsin na' mbèn ngù kà bo nsô mà zin.

Esaya 59:2

Là, a b'a nukebwô tsin bèn nte fagte netèt bin, netèt bin bin à Nsi zin. A b'a mfànnu min bèn ngù kà se i ntsho' num bin, ntshètt'é ndù kà ju' nze zin.

Yérémia 32:40

Bag à bo nsi wat kàn s'a tswe matmat là. Me ke nsi bèn sô wul àm num bo, m'a' ke ngù numebwô bo. M'a' yab bwôg àm ntù bo, ndùlala ndù kà bo bèn nke nkù àm nekùù.

Héber 13:5

Kà nkôni nkàb tô nkwate zin, là bin tsiaṅte num ju ze bin ghù là, nummbe tu wut Nsi tshob ndù: Me ke nsi faṅ o, me ke nsi ghua' o.

1 Samuél 7:12

Samuél lo' ta' loṅ nte netèt Mitspa bo Shen, ntsiaṅ lén se ndù Eben-Ezer, ntshob ndù: Tshùaben ywimte yag tà nkum nsen ni.