Yobkwi 27:6 - NTSHOB NSI

⁶ Tshù, tu àm dut ghakeban tshàm tse bo diaṅ àm mbum nà nèn tù. Me nsi fà tshule'te Nsi ntùm ntàb i, mbe fà nke ntô nta. Me nsi yob kwi, me nsi ghamte Tshùaben.

Yobkwi 27:6 Iomraidhean Croise

Neto'te 40:13

A tù' lé'njù tat Faraon bèn mbù' o tù, njab o num fa' so; o nsi bèn fà ndô ntùm mbu mi mb'a na' mbe matnu wù, ndùs'o na' mbe ngama' ndu' i là.

Neto'te 40:20

A lo be mbatte lé'njù tat, lé'njù se bo bwe Faraon nà be, a jù jùa boa njoṅ ghafa' tse fa; a bù' mfen ghama' ndu' tù mba mfen ghana bàn netèt ghafa' tse:

2 Samuél 22:1

David yob sen kwi li Tshùaben ndùs'a na' ntshu' i mum mbu njoṅ ghakeban tse fa mba bu Saulo là,

2 Samuél 22:49

O num ngù me ko' tu ghamaṅt'àm me Nsi. O num ntshu' àm bu ghafètte lem.

2 Samuél 7:9

me lo ke mbe bag wù njoṅ dù' fa o ke nèn nà; me lo biagte ghakeban tsho fa num miag mu, ngù lén so ju'ni, mfute se ben ndùbndùb tse bo num nsitsha' là;

2 Fenfen 25:27

Yoyakin mfen Yuda lo be tswe ndà kuan ngu'njù ntshob sammbàa ṅam ntat, a be mum lé'njù ntshob sammbàa ṅam mbàa, mum ṅwù ntshob bàa gham, Evil-Merodak mfen Babilon ghù mebwô Yoyakin mfen Yuda, nsô i ndàtsha. A lo be be ndù Evil-Merodak ghù num fen tamngu'.

1 Kronika 22:18

Bin à Tshùaben Nsi zin ke bèn mbe ké? A ke' fà fite bin njoṅ bag tse fa ké? Tshù, a lo swèn ba ntùm ngô mum mbu màm, ngô bèn mbam nte' mbwe Tshùaben mba mbwe ze nzwit mèn.

Yobkwi 107:22

A bwô ndù bo fà tshule'te Nsi tse fa' kondèn, nsoṅ mfa' mi ntùm tshu'te tsiaṅte.

Yobkwi 110:7

A nsi nu ntse mum koṅntse ngelaṅ z'a tshùa nze là, a ndùlala, a nsi bù' tu i nsi.

Yobkwi 119:108

Tshùaben, bam nka'ni mi a tum ntshu àm nà, ntswit'àm ntshù' mu.

Yobkwi 138:5

bo nsi ghamte tse manze Tshùaben, nummbe nkuni Tshùaben b'a mi ndùb.

Yobkwi 21:1

Ntshagte yobkwi. Yobkwi David.

Yobkwi 21:13

Nummb'o nsi ghù bo kaṅ mvèn yub. O nsi lo' két so tam yub yi.

Yobkwi 3:3

Ben yàme be ntshob num àm ndù: Ywimte ke' bèn mbe yi mbaṅ Nsi.

Yobkwi 3:4

Là, wù Tshùaben, o b'a yàm tshètntsho, mbe yàm ghamte; o be mbéb ntù àm.

Yobkwi 47:1

Ntshagte yobkwi. Se bon Koré. Yobkwi.

Yobkwi 57:8

Ntù àm tswe'te, o Nsi, ntù àm tswe'te. Me nsi yob kwi, me nsi bù'te nze tshu nebu'u!

Yobkwi 81:1

Ntshagte yobkwi, num loṅe, yobkwi Asaf.

Yobkwi 95:1

Bin se' bag bin yob kwi ṅwate mfà Tshùaben. Bag bin tshag nze ben tù, ntsiaṅ gholoṅ yôg be ntùm tsiaṅte.

Esaya 12:6

Ben bo be Sion nà tshag nze yub tù ntùm tsiaṅte, nke ṅwate! Nummbe ze Mèn Nelàn Israél b'a mèn ndùb netèl o.

Yérémia 31:7

Tshù mba Tshùaben tshob li: Bin tshag nze zin tù ntùm tsiaṅte num nzwit Yakob, bin tshèn ngoṅ ntùm ṅwate ndo' nsoṅte ngôngô yi. Bin fà là sin tù, bin yob nkwi, nke ntshob ndù: Tshùaben, tshu' yu nzwit mèn, tshé' ba Israél!

Yérémia 33:11

tshu'te tsiaṅte, nkwi ṅwate, ju' nze ndungon bo ze nzwingùn, ju' tshu'te ben tse bo nsi yob kwi là. Bo nsi ke tshob ndù: Bin ghamte Tshùaben tàndà ntsho, nummb'a b'a mbwô mèn, kondèn i nke ntswe matmat! Nze ben tse bo ke mfà tshule'te tse nenyàmte là be ntùm ndà Tshùaben. Nummbe me nsi lo' kuan ngô bèn yi njam, tete yub mb'a be mbwembwe là. Tshùaben bèn ntshob ndùlala.

Sakaria 9:9

Ṅwate tsho me ngon Sion, tshag nz'o tù ntùm tsiaṅte me ngon Yérusalém! Tshù mfen o là z'a tshwèt nse' tèl o là a b'a mbétni mèn, mbe ngayob ngu'u, a mbétni mèn ndù a ko' num kekwène, num kekwèn z'a b'a metsit mén kekwèn nà!

Héber 13:15

Ndùlala be fà jule'te Nsi ghamte Nsi njam i njoṅ ndù fa, yen nà b'a tàm nkub ntshu mi a num mbam lén se là.

1 Pétro 2:5

Mba tu wut tsin tse bin be mba ndoṅ ntùn nà, bin tamte nkut ba' Ywèle, ntù' ntshufa' le'te Nsi ze nelàne, ndù bin fà tshule'te Nsi tse Ywèt ts'a bwô Nsi njam Yésu Kristô là.

Apokalipse 15:3

bo yob kwi Mosé, ngafa' Nsi, mba kwi mén njùmbwe, ntshob ndù: Tshùaben, Nsi ngatô njù, mfa' mu b'a mi ndùb mba mi nekuni; mfen ngôngô, manze tsho b'a tse netsine, mbe tse nenùne.

Apokalipse 5:9

bo yob kwi nswe ntshob ndù: o ku'ni nekwé ṅwa'ni, mbétte sitam tse, nummbe bo lo se tô o, o tshùa njam lem tsho, ntshu' benntùn ntùm njoṅ tunndà fa, njoṅ ntshob fa, njoṅ ngô fa, njoṅ nzwit fa, mfà yub Nsi,