Yobkwi 27:5 - NTSHOB NSI

⁵ Nummb'a nsi kabt'àm ntùm ntàb i mum lé'njù nge'. A nsi lem àm bam netshaṅ ntàb i. A nsi te àm num ngabloṅ.

Yobkwi 27:5 Iomraidhean Croise

2 Kronika 22:12

Yoas tswe ntùm Ndà Nsi boa bo ngu'njù ntôge, nke ndeme. Atalia na' mbèn nke ntô ntùm ngô.

Yobkwi 10:1

Tshùaben, numk'o nke ntswe ngùanesà, nke ndem ngelaṅ nge' à?

Yobkwi 119:114

O b'a yàm ndàlem mba yàm tshètntsho. Me be nywinte num nka'ni o.

Yobkwi 138:7

A be ze me zin mba ntùm nge' là, mb'o a' ghù me yôg, o be mbù' bu o ntshag num ghakeban tshàm, bu o ze zwim yôg àm.

Yobkwi 17:8

Lem àm mba nyilag mèn nà, lem àm bam mbàb mu.

Yobkwi 18:33

A b'a Nsi na' nso neta num àm, ntshagt'àm ntùm manze ndaṅndaṅ.

Yobkwi 31:20

Tshù mba bwôntù o zi njene, bwôntù z'o lé' nefà ben tse bo be mbwôg o, z'o be nkwé nta ben tse bo be ndiag yub dù' lem num o yi, mbwe bon mèn nyiaṅtu là!

Yobkwi 31:21

O be ndem yub bam netshaṅ se o num ben tse bo be ntsho' nku mu kebàn nà. O be ndem yub ntùm ntàb o num ben tse bo be nkamte yub là.

Yobkwi 40:2

Me lo yab yàm nenywinte num Tshùaben; a ben wul i num àm, nju' nkua' màm.

Yobkwi 40:3

A lo sô àm ntùm gheme, ntùm gheme nebagte, mà ntùm netob. A te nku màm num ngabloṅ, ngù nku màm ta nsi.

Yobkwi 46:1

Ntshagte yobkwi. Se bon Koré. Ntùm medub màndô. Yobkwi.

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

Yobkwi 57:1

Ntshagte yobkwi. Kà sate. Yobkwi David. Ndùs'a kù ndem mum ngabloṅ ngelaṅ Saulo ke nta' i là.

Yobkwi 61:2

O Nsi, ju' nkua' màm. Kù' ntoṅ num yàm le'te.

Yobkwi 61:3

Me be ntsin mo' bag njù nke nkua' wù, ndù ntù àm à fam tse. Lo' àm nèn yi num ngabloṅ ze be me ke kum bwe yàm tu là.

Yobkwi 77:2

Me be ntshag nz'àm tù, nkua' ntsiaṅ Nsi. Me be ntshag nz'àm tù. Nsi a' ju' me.

Yobkwi 83:3

Tshù, ghamaṅt'o tshwèt ntshu'u, Ghakeban tsho bù' tu yub nsi.

Yobkwi 91:1

We z'a be ntswe bam netshaṅ Nsi z'a tà mfe tù, nke mfite bam netshaṅ Nsi Nganeta à?

Yobkwi 91:15

A nsi tsiaṅ àm, me bùnte yi. Me nsi be bag yi mum nge'. Me nsi tshu' i, me nsi ghù nku'ni yi.

Tànkùt 18:10

Lén Tshùaben b'a mba mà nesà ba' là; mèn netsin be nkù nèn ndem bwe, ke bèn mbwôg tse sàm ju.

Esaya 26:16

Tshùaben, bo lo diag o ndùse bo be ntùm nge' là; bo lo vùte nsi ntùm nele't'o ndùs'o na' naṅ ntsha tu bo là.

Esaya 26:20

Yàm nzwit mèn, nèn ntsho ntùm to'ndà o, mfùn nzendà num o. Lem wul o num tsemo' bon ngelaṅ, tà nkum ndùse yantù nsi tshùa là.

Esaya 32:2

Mba we lo nsi b'a mba ndà lem num fetmbaṅ nà, mba koṅntse num dù' tsha' z'a ghag là.

Matio 23:37

Yérusalém, Yérusalém, wù z'o num nke nzwite ghatshob ntshob Nsi, ntamte ben tse bo tum yub wù là ndoṅ nà, a yoṅ si' mba me diag netse'te bon tsho ndaṅndaṅ mba mà ngab be ntse'te bon tse tun mbàb mi bin ke kô à?

Kolosé 3:3

Nummbe bin kwù, yôg sin lem bo Kristô num Nsi.