Yobkwi 27:4 - NTSHOB NSI

⁴ Me be mbètte Tshùaben ta' ju ntshù', ze ntù àm be nkù bwe neshu là: Me be nkô neke ntswe ntùm ndà Tshùaben njoṅ lé'njù yôg sàm fa, ndùlala ndù me lôte bwôntù Tshùaben mba ndù me nyàmte ndà i.

Yobkwi 27:4 Iomraidhean Croise

2 Samuél 21:1

Mo' nziku' be num ngelaṅ David be mfen nà, ntswe ngu'njù tat. David bètte Tshùaben nu, a tshob yi ndù: Yen nu li b'a num nu Saulo bo tunndà i z'a be mfètte lem nà, nummb'a lo biagte ba Gabaon.

Yobkwi 23:6

Ṅ, fu' mba kondèn nsi nèn tshag àm num njoṅ lé'njù yôg sàm fa. me nsi tswe ntùm ndà Tshùaben tà nèn kum yàm miagte lé'njù.

Yobkwi 26:6

Me be nsôg mbu màm nummbe me b'a mbu'u. O! Tshùaben, me be diaṅ tômbwôg nele't'o yi mbume.

Yobkwi 26:8

Tshùaben! Me be nkô ndà z'o be ntswe bwe, dù' ze nkuni mu be mbe là.

Yobkwi 27:8

Ntù àm be ntshob num yu tu ndù: Diag se Tshùaben! Me be ndiag se o me Tshùaben.

Yobkwi 50:2

Nsi tsin mà Sion, dù' z'a bwô miagte là, nke nziage.

Yobkwi 65:4

Nukebwô fam àm. O nsi lagte mfànnu màm.

Yobkwi 84:10

O Nsi, wù z'o b'a tshètntsho yag là. Lôte se yu ngayo' mfèt!

Yobkwi 84:4

Tshùaben tàndà ntsho, mfen àm mba Nsi àm! ntôgzin be ngù ndà, nganelét ghù nkàn z'a be njab bon tse bwe là mbaṅ ntômbwôg neghamt'o yi.

Yobkwi 90:17

A bwô ndù nkondèn Tshùaben, Nsi yag be num bag. Tomte fa' mbu mage. Ṅ, tomte fa' mbu mage.

Yérémia 29:13

bin nsi diag àm yen àm, mb'a nummbe bin diag àm à ntù ntshù'.

Daniel 9:3

Me kaṅ wul àm ndôte Tshùaben Nsi, ndù me le't'é, ma' mbu yi ntùm netswe nziku'u, netôg nke'bàm bo nese' bwembwôge.

Sakaria 9:9

Ṅwate tsho me ngon Sion, tshag nz'o tù ntùm tsiaṅte me ngon Yérusalém! Tshù mfen o là z'a tshwèt nse' tèl o là a b'a mbétni mèn, mbe ngayob ngu'u, a mbétni mèn ndù a ko' num kekwène, num kekwèn z'a b'a metsit mén kekwèn nà!

Matio 6:33

Bin bwôgmbwe ndiag à nufen Nsi mba nunetsin Nsi, njoṅ tshen tshu là fa nsi se' bin njam bwe.

Lukas 10:42

Là tshu yàm ke' ywimte, ta' ju ntshù' ku'u. A b'a Maria bèn ntsho' bag i ze mebwô ze be bo ke bèn nkwé yi là.

Lukas 13:24

Là, a tshob bo ndù: Bin kagtùn num netsho à nzendà z'a fét là; nummbe me tshob bin ndù benntùn yàm nsi diag netsho bwe ke ku'ni.

Lukas 18:1

Yésu tshob bo tànkùt, ndo' nda'te mb'a bwô ndù mèn ke nde'te Nsi ke bot njoṅ ngelaṅ fa là.

Lukas 2:37

ntù' mfôg mènnzwi, nèn nkum num ngu' ntshob kuà ṅam fome, ke be tum Ndà Nsi, nke mfa' Nsi tèttswe' mba mbwôgtshù, ntswe nziku'u, nke nde'te Nsi.

2 Korintô 3:18

Là njoṅ be fa tse se be b'a nge là, num ndôte nkuni Tshùaben; mi a kaṅ be num mfuni mi mi a tum ntùm nkuni, ntsho ntùm nkuni, mb'a bwô Tshùaben z'a b'a Ywèt là.

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

Filipi 3:13

Fèt tshàm me ke' kwate ndù mba tu wul àm tshùb, là me lèn nda' ju ntshù', me lagte ju z'a tôg là, nke ma' zin nèn mbwe,

1 Timôtio 5:5

Là kua' mfôg mènnzwi z'a be tù' i là num nywinte num Nsi, nke nkagtùn ntùm nebu' mbu mba nele'te Nsi, tèttswe' mba mbwôgtshù.

Héber 11:6

Là bamntù be ke be, mèn ke ku'ni nebwô Nsi. Nummbe a bwô ndù mèn z'a tshwèt ngebte mbaṅ Nsi là bam ndù Nsi num bwe, mba ndù Nsi b'a mèn z'a tshwèt ngebte mbaṅ Nsi là bam ndù Nsi num bwe, mba ndù Nsi b'a mèn z'a num mfà ntsho'fa' ben tse bo num ndiag i là.

1 Samuél 1:11

A ghù nka'ni ntshob ndù: Tshùaben tàndà ntsho! A be z'o bame, ntam lag num sobni ngafa' o ze mènnzwi là, a be z'o kwimt'àm, ke lag ngafa' o me ze mènnzwi, a be z'o fà ta' mén mandum ngafa' o me là, mba m'a' yab i ntùm fa' so wù Tshùaben njoṅ ngelaṅ fa z'a nsi ke' ntùn nà, ke bam ndù shua' zi ntshùa tu i.

1 Samuél 22:10

Akimélék lo bètte Tshùaben nu, mfà ba jujù yi, mfà mba ṅwi Goliat ze Filistia yi.

1 Samuél 30:8

David bètte Tshùaben nu ntshob ndù: Me yab njam yen bwoṅ soyé là ké? M'a' kote yub ké? Tshùaben bùnte yi ndù: Yab njam bo, o nsi kote yube, kà tshu' ben tsho.