Yobkwi 26:11 - NTSHOB NSI

¹¹ Tu wul àm, me ke nzin ntùm nzin mebwô. Tshu' àm, mbèn nko ndèn màm!

Yobkwi 26:11 Iomraidhean Croise

Néhémi 13:14

O Nsi àm, kwimt'àm num yen nu li, kà lagte numebwô tse me ghù num Ndà Nsi àm nà mba ba tshu ts'a bwô ndù bo ke nze là.

Néhémi 13:22

Me bèn ntshob ba Lévi ndù bo lànte wut tshobe mbèn nse' mbéb ba nzendà num nelànte lé'njù Sabbat. Nsi àm kwimt'àm num yen nu là, tsham àm num kondèn o ze ndùb.

Néhémi 13:31

me bèn mfà mba ntshù' num neke mfà ntshwèn ngelaṅ mba bo na' nka' là, mba nu nelo' mbwe njwit tshu nse' yi. Kwimte yen nu li me, me Nsi àm a tù' numebwô me.

Néhémi 5:15

Ngomna tse bo bwôg be me là lo nyu' ngô, nke nkwé bàn bo ndu' bo, kà mbèn ngù ndô nkàb silba ṅam nkuà; tshé' ghafa' tshob lo bèn nke ngù yub be ndaṅndaṅ, nke mfétte ngô. Tu wul àm me ke' ghù ndùlala, nummbe me tshwèt mbwôg Nsi.

ṄWA'NI YOB 1:1

Mo' mandum lo be ntùm ngô Uts, lén se Yob, mandum nà na' mb'a mèn netsine, mbe mèn ndaṅndaṅ. A lo ke mbwôg Nsi, nke ndo' mvèn i ntam nukebwô yi.

Yobkwi 101:2

Me nsi zete num manze ndaṅndaṅ. O nsi se' m'à ndùke? Me nsi zin ntùm nenùn ntù àm, ntùm ndà àm.

Yobkwi 26:1

Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.

Yobkwi 49:15

Bo be njab yub ntùm ngô fe ben mba bwoṅ nyàm nà. Vùkob be ntshagte yube, bo swe' ndaṅndaṅ nèn tà mà ntùm fi, ngô fe ben, tù' dù'ntswe yube.

Yobkwi 49:7

Bo yab ntù num tshu tshobe. Bo num nta' nsoṅ num fu' bo ghù là.

Yobkwi 69:18

Kà lem ngafa' o se o. Mba me b'a ntùm nge' là, nànte mbam le't'àm.

Esaya 38:3

Tshùaben, a bwô o lène, nkwimte ndù me lo zin mbwe o ntùm nenùne, mba ntùm nefà wut nsi ntùm ntù, mba ndù me lo ghù numebwô num miag mu! Ezékia fètte ntsenyà yàme.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

1 Tésalônikà 2:10

Bin b'a ghakwénta, mba Nsi, ndù bag lo be nelàne, netsine, ke lo', netèt bin, bin tse bin na' mbam nà;

Titô 2:14

z'a na' mfà tu wul i num tu be, ndù a tshu' be num njoṅ nukebwô fa, ndànte nzwil i z'a tsho'o, a nke nta num mfa' mebwô là.