Yobkwi 23:4 - NTSHOB NSI

⁴ Ngelaṅ me tshwèt nzin ntùm bu'to' nesènte là, me ke bwôg sàm nukebwô, nummbe bag wù bèn mbe. Shua' so mba kôg so be ntswe'te ntù àm.

Yobkwi 23:4 Iomraidhean Croise

ṄWA'NI YOB 24:17

Nkebnjù ke ntswe bo à mba njam nà. Là njam ke' be lo' ba bwôg ngom yub yi.

ṄWA'NI YOB 3:5

A bwô ndù njam bo netshaṅ vùkob kab mbu num sen lé'njù là. A bwô ndù ndot se ka num i, tshu nesèn ts'a kuni là nyi't'é.

Yobkwi 110:2

Tshùaben nsi tsin Sion nyit kôg fen neta o: Tô netèt ghakeban tsho!

Yobkwi 118:6

Tshùaben b'a num yàm njam, me ke bwôge, ke ze mènntùn ku'ni neghù m'à?

Yobkwi 138:7

A be ze me zin mba ntùm nge' là, mb'o a' ghù me yôg, o be mbù' bu o ntshag num ghakeban tshàm, bu o ze zwim yôg àm.

Yobkwi 14:5

Bo nsi vètte ntùm bwôg, ngelaṅ Nsi nsi ṅwag netèt nzwit mèn netsin nà.

Yobkwi 3:6

Me be nô nsi nzi, mbèn mbam num miaglo, nummbe Tshùaben be ntomt'àm.

Yobkwi 44:19

Ntù tshag ke' to' lo tse num o, nku mag ke' to' lo tse num yu manze.

Yobkwi 46:11

Bin tsine, ndèn ndù me b'a Nsi, me be ntô ngôngô, nke ntô njù.

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Yérémia 2:6

Bo ke' bètte tu wut yub ndù: Tshùaben b'a yà? A yi na' ndo' yag nko' yi Egipto, ndo' yag nzin yi kônkwa, num tsha' njum, ze ntô yàm bwe là. Num tsha' ts'a ghage, tse netshaṅ vùkob be bwe là, num tsha' dù' ze sàm mèn ke' be tshùa bwe, sàm mènntùn ke be tswe bwe là.

Mika 7:14

Lo' shua' so ntshagte yu nzwit mèn yi, bwoṅ nyàm z'a be yu ju ntsi' là, a ke ntswe à tù' i mum fèn netèt Karmél! A bwô ndù bo fèt nenà num Basan mba Galad, mb'a na' mbe num mo' ngelaṅ njù là.

Sakaria 11:10

Me lo' kôg kondèn sàm mbe'e, num nefagte kàn se me na' ngwat bag à njoṅ ntumntum fa là.

Sakaria 11:14

Me be' yàm mbatte kôg mbàa, ntse'te, num nefagte nu fèt yi netèt Yuda bo Israél.

Sakaria 8:23

Tshùaben tàndà ntsho tshob ndù: Mum tshen lé'njù là ben gham netèt njoṅ ntshob fa mi bo be ntshob ntùm ngôngô tshùbe, ṅat num tôg nzwe mèn Yuda, tshob ndù: Bag bin bèn bèn nène, nummbe bag ju' ndù Nsi num netèt bin.

Matio 1:23

Tshù, ménngon nsi be jùm, bwe mén mandum, bo tswi lén se ndù Emmanuél, yen nà bagt'a ndù: Be à Nsi bèn mbe.

Matio 28:20

bin tswite yub neze njoṅ tshu fa tse me na' ntshob bin nà. Tshù, bag à bin bèn ke be njoṅ lé'njù fa, tà kum miagte njù.

Lukas 1:79

ndù a ké' num ben tse bo tswe ntùm njam mba netshaṅ vù là, mbèn ntshagte nku be ntùm manze fite.

2 Timôtio 4:22

Tshùaben be bo ywèt tsho. Kondèn be bin.