Yobkwi 22:21 - NTSHOB NSI

²¹ Béb àm num ṅwi, béb yôg sàm num ba mbù!

Yobkwi 22:21 Iomraidhean Croise

Yobkwi 35:17

Tshùaben, o nsi yen yen nu l'à ndùke? Tshu' ntù àm num ma'ni yub, kwé yôg sàm mbu bon ngwayit,

Esaya 34:7

Ba nyatnyàm nsi vùte nsi boa bo, ba nyàmna' vùte nsi boa mfot mfô. Tsha' nsi ywèt lem; nzit nsi nywiaṅ ntùm tsha'a.

Nesiaṅe 23:22

Nsi lo ghù a tum Egipto. A ghù neta mba nyatnyàm nà.

Lukas 22:53

Njoṅ lé'njù fa, bag à bin lo ke mbe ntùm Ndà Nsi, bin ke nyit mbu num àm, là, a zin nyam ni, mba neta njame.

Yohané 14:30

Me ke nsi bèn tshobte bag à bin yàme; nummbe mfen yen njù li tshwèt nse'e, a ke' ghù sàm ju num àm.

Yohané 8:59

Ndùlala bo tswitte ndoṅ num netam Yésu yi, là Yésu lemte, ntum ntùm ndà Nsi.

Mfa' Ghantum 4:27

Nummbe Hèrodé mba Pontio Pilato boa ngôngô mba benntùn ntùm Israél lo ghù kua' ntse'te ntùm yen ngô li num nebàn ngafa' o ze nelàne, Yésu z'o yo' i mfèt là,

Nebwôgte 33:17

Yosèf ghù à neta ta' fot mfô, ndô mi b'a mba ndô nyatnyàm nà. A num ndo' ndô mi là ntsham ngôngô yi, tà nèn nkum dù' tsha' te ndù i là. Tshen nà b'a ben Efraim tse bo b'a ntshu'ntshu' là, ben Manasé tse bo b'a ntsha'ntsha' là.

2 Timôtio 4:17

Là Tshùaben lo be njam àm, ngù ntshob nkùn mebwô dun, ghakelèn Nsi ju'. A lo kwé àm ntshu ngwayit.

1 Pétro 5:8

Bin zete, nzi tshùalo! Ngakeban zin, Satan, mba ngwayit z'a tshwèt nkua' là, tshwèt nzinte, nke ndiag mèn z'a ghom nà.