Yobkwi 22:16 - NTSHOB NSI

¹⁶ Ntag màm jum mba tsha' là, lém sàm lat bam ntag màm, o nsi yab àm mum mbàb vù.

Yobkwi 22:16 Iomraidhean Croise

Yobkwi 22:1

Ntshagte yobkwi. Num nze shutnyàm nkebnjù. Yobkwi David.

Yobkwi 22:20

Tu wul o, wù Tshùaben, kà nèn ngùanesà! Wù z'o be yàm neta là, se' ndende njwimt'àm!

Yobkwi 38:11

Ntù àm tshwèt ntame, neta àm mi. Mba kua' nelàn miag màm ke' bèn mbe me.

Yobkwi 59:14

Sate yub ntùm tshùagntù o, sate yub ndù kà bo bèn nebe. A bwô ndù bo lèn ndù Nsi be ntô Yakob tà nèn nkum num ntôg njù.

Yobkwi 59:6

Wù Tshùaben, Nsi z'a be tàndà ntsho là, Nsi Israél, lo nsi naṅ ntsha tu ba tum! Kà ko ndèn sàm mèn netèt tshen ben kebwô li tse bo ke' be ben nenùn nà!

Yobkwi 86:14

O Nsi, ghako'te wut lo nsi num àm. Mo' bwoṅ ghafètte lem tshwèt nkô nebiagte yôg sàm. Bo ke' yab nkwatenu mub num o.

Esaya 53:5

Bo na' mbe't'é à num nukebwô be, mbe't'é à num mfànnu be. Be be ghù fite ndù ze be nevù ntsha tsho à tu i. A b'a ntshu mfaṅ tse bèn ngù kà be njate.

Yérémia 12:6

Nummbe mba kua' fèt tsho tse bo tunndà tàan nà ze ntsham o. Mba bo tshwèt nto ku' njam o. Kà fà wul o bo, mba ndùse bo nsi tshob ntshob ntùn wù là.

Sakaria 12:10

Ndùlala me nsi naṅ ywèt kondèn mba tse le'te num tunndà David mba num ba Yérusalém; bo nsi kaṅ se yub te num àm, mèn ze bo na' nsob i là. Bo nsi kua' num i ndaṅndaṅ mba bo be nkua' num mén ntshù' là. Bo nsi làn i kua' zwezwe mba bo be ndàn tuswe mén nà.

Matio 26:57

Là ben tse bo tshùb Yésu là lo' i nèn yi ju Kaifa ngale'te Nsi ze ndùb, dù' ze ghalèn ṅwa'ni Nsi mba ghakwé mbwe na' ntse'te là.

Matio 27:35

Ngelaṅ bo miagte nekwimt'é là, bo lo' nzwe tse ntam tô yi.

Matio 7:6

Kà bin fà ju nelàn ba mbù, ke bèn ma' ntôgntse min mbwe ngùnyàm, mbwôg ndù kà bo tse' nku mube, mbèn nkaṅ wut yub, mfèt zine.

Marko 15:24

Bo kwimt'é num fanta'tù, ngabte nzwe tse, ntam tô num neyen ju ze mèn lo' là.

Lukas 23:23

Là bo bèn nkua' mà neta, mbètte ndù bo kwimte Yésu. Bo bèn nke nkua' nèn mbwe, kà mub ntshob jù.

Lukas 23:33

Ngelaṅ bo kum dù' ze bo ke ntsiaṅ ndù nkatu là, bo kwimt'é num fanta'tù bwe, boa ghaghù nukebwô bàa, mo' num bag bu i ze zwim, mo' num ze kwéb.

Yohané 19:23

Ndùlala ngelaṅ ba soyé kwimte Yésu num fanta'tù là, bo lo' nzwe tse ngabte nze kuà, ta' nze num ta' soyé, bo lo' mba kum se, là sen kum nà lo ke ghù dù' netam num bwe, bo na' mba' i neba' fe tù nkum nsi.

Yohané 19:34

là mo' mèn netèt ba soyé to nsa Yésu kô; be ndùse lem mba ntse tum.

Yohané 19:37

Ṅwa'ni Nsi bèn ntshob mo' dù' ndù: Bo nsi lôte mèn ze bo sob i là.

Yohané 20:25

Ndùlala tsemo' ghazi'te nu Yésu nke ntshob yi ndù: Bag yen Tshùaben. Là, a tshob bo ndù: A be ze me ke' yen ntshumfaṅ ntùm mbu mi, a be ze me ke' yab ntubu àm ntùm ntshumfaṅ ntùn nà, a be ze me ke' yab bu àm nsa i là, mba me ke nsi bame.

Yohané 20:27

Ntshob Tomas ndù: Se' ntubu o nsen ni, mbèn ndôte mbu màm! Se' mba bu o njab num nsa àm, kà bèn ntù' mèn z'a ke' bam nà, là tù' mèn z'a bam nà.

Filipi 3:2

Bin zete num ba mbù, bin zete num ghafa' kebwô, bin zete num nesi ket tuswe!

Apokalipse 22:15

Ba mbù, ghaka, ba kattù, ghazwi benntùn, ghaghamte nsi neto, njoṅ ghakô tatte fa mba njoṅ ghatatte fa nsi tsin à njam ngô.