13 Mfot mfô yàm kaṅt'àm, mfot mfô Basan diaṅ àm mbume.
Ghamaṅt'àm gha' ntshu yub num àm. Bo tam bu toṅ àm, ntut'àm. Njoṅ yub fa tam bwoṅ neghù ndù me bi.
Mba ngwayit ze nziku' ya i, a nke ndiag ju nefèt là, mba mén ngwayit z'a tshwèt nya' ju ntùm dù'ntswe i là.
Béb àm num ṅwi, béb yôg sàm num ba mbù!
Mba me là, me b'a ywèt, ke b'a mènntùn, me b'a ju tuswe netèt benntùn, mèn ze benntùn be ngwag i là.
Tshùaben, o nsi yen yen nu l'à ndùke? Tshu' ntù àm num ma'ni yub, kwé yôg sàm mbu bon ngwayit,
Bo be nga' ntshu yub nte nge num àm, ntshob ndù: Ah! Ah! Miag mag tshwèt njene.
Tshùaben Nsi àm, o bèn mbe yàm ndàlem, kwé àm bu ben bo tshwèt ntsho' nku màm kebàn nà, tshu' àm.
Njoṅ ghakeban tsho fa gha' ntshu yub num o, bo tshwèt ntôte fin, nke mfèt nsô, nke ntshob ndù: Bag mi i koṅkoṅ. Tshù kua' lé'njù bag ke mbéb li, bag zin tà nkum num i, bag yen i!
Njoṅ ghakeban tshag fa tshwèt nso ntshu nsi num bag.
Bin zete, nzi tshùalo! Ngakeban zin, Satan, mba ngwayit z'a tshwèt nkua' là, tshwèt nzinte, nke ndiag mèn z'a ghom nà.
