Yobkwi 21:5 - NTSHOB NSI

⁵ A lo ke mbètt'o yôg, o fà yi, yôg s'a tswe yàme, ntswe matmat là.

Yobkwi 21:5 Iomraidhean Croise

2 Samuél 7:19

Tshùaben Nsi, a tswe à mba yen njoṅ i là ke' yoṅ nku' num miag mu là. O tshwèt mbèn nka' tunndà ngafa' o mb'o nsi fà fu' yi. Tshùaben Nsi, ndù o bam netswite mènntùn tshen tshu là ké?

1 Fenfen 3:14

A be z'o bèn nzin num tshàm manze, nze ntshù' màm boa ntag màm mba tàan David na' ngù là, mba me nsi ghù ntswe'njù yôg mu sage.

1 Kronika 17:27

Tam ntse tunndà ngafa' o, ndùlala ndù a ghô matmat mbwe o! Nummbe mba ke lo ze wù Tshùaben tam ntse yi là, mb'o tam ntse yi à matmat.

Yobkwi 110:1

Yobkwi David. Tshù, Tshùaben Nsi tshob Tshùaben àm mfen ndù: Tswe num bag bu àm ze zwim, tà nkum ngelaṅ ze me nsi yab ghakeban tsho tun nku mu ndù bo be nko' nku mu là.

Yobkwi 133:3

A b'a mba meme' mi a fe Hermon, mi a be nswe' num ba mbat Sion nà; nummb'a b'a bwe là ze Tshùaben tsin ntum kàn be, mba yôg s'a tswe matmat là.

Yobkwi 3:3

Ben yàme be ntshob num àm ndù: Ywimte ke' bèn mbe yi mbaṅ Nsi.

Yobkwi 61:7

Kwi'te lé'njù yàm num tse lé'njù mfen, ndù ngu'njù tse nèn mbwe, ntswe ngu'ngu'.

Yobkwi 62:7

Ṅ, a b'a nda' yi bèn mbe yàm ngabloṅ mba ngayôg àm, yàm mà neta ndàlem. Me ke nsi zi tiag tshàm.

Yobkwi 8:5

ntshob ndù mènntùn b'a ke, k'o nke nkwimt'é, mén Adam b'a ke, k'o nke nkwimt'é ndù à?

Yobkwi 96:6

Nku'ni mba nkuni num mbwe i, ngù mba ghamte be mum ndà i ze nelàne.

Esaya 63:1

We z'a tshwèt mfe Edom nse'e, we z'a tshwèt mfe Bosra nse'e, ndù a ket nzwe tse meba, nzwe tse neziagte, ntsin tù ntùm ka'te, ntùm nkoṅ ze neta fa à? A b'a me na' mbèn mbù yôg, a b'a me bèn ngù mba' num netshu'u.

Matio 28:18

Là Yésu se' mbaṅ bo ntshob men ntshob li bo ndù: Nsi fà njoṅ ngù' fa me fe kamànyam mba num nsitsha'a.

Yohané 17:1

Yésu tshob ndùlala mbù' miag mi mfe kamànyam, ntshob ndù: Tà, ngelaṅ ku'u, kuni Mén o, ndùlala ndù Mén o kuni o.

Yohané 17:22

Nkuni mi o fà me là, me lo fà bo, ndùlala ndù bo be ntshù', mba be be ntshù' là.

Yohané 17:5

Ndonni, wù Tà, kuni àm mbaṅ tu wul o lèn nkuni mi me ghù mbaṅ o, kà njù njôg mbe là.

Héber 8:1

Tunu ze be lo netshob là b'a ndù: Be ghù lèn yen ngale'te Nsi ze ndùb là: A tswe num bag bu zwim mbaṅ ko'fen Nsi ndùb mfe kamànyam,

1 Pétro 3:22

yi z'a nèn kamànyam, ntswe num bag bu Nsi ze zwim, ba Angél, ba ngù' mba ba neta fà wut nsi mbwe i là.