Yobkwi 20:7 - NTSHOB NSI

⁷ Me lèn ndonni ndù Tshùaben yôg ze ngayo' mfèt. A bwô ndù a ju' le't'é mfe kamànyam, ntùm dù'ntswe i ze nelàne, ntshùa njam neta ywimte z'a fe bu i ze zwim nà.

Yobkwi 20:7 Iomraidhean Croise

2 Samuél 10:18

Là ba Siria kù mbwe ba Israél. David biagte ntshu ntsho z'a ghù nkalig nkù sammbàa boa ghako' nyàm ntsha' ṅam nkuà là; nzwi mba Shobak tàndà ntsho, k'a kwù à kua' dù' i.

2 Samuél 8:4

David lo' ghako' nyàm bon sammbàa ntsha' boa benntùn ntsha' ṅam mbàa, soyé tse bo tshwèt nzin nku là. A ghù bo kebte nga nku nyàmdiaṅ tse bo ke nsoṅ nkalig là, k'a faṅ a nda' tse be bo soṅ nkalig nkù là.

2 Kronika 13:16

Bon Israél kù mbwe Yuda, Tshùaben swèn yub mum mbu mi.

2 Kronika 14:11

Tshùaben lab ba Etiopia mbwe Asa bo Yuda, ba Etiopia kù nène.

2 Kronika 32:8

A ghù à bu mènntùn, be ghù Tshùaben Nsi be z'a nsi ywimte be bèn ma' ntsho num ze be tu là. Ngô yab ntù num ntshob Ezékia mfen Yuda.

ṄWA'NI YOB 39:11

B'o yé'te num i mb'a ghù neta yàm nà ké? B'o fà mu mfa' yi ndù a fa' wù ké?

Yobkwi 28:8

Tshùaben b'a ze neta ze nzwit mèn, mbe ndàlem mba ngayôg ze ngayo' mfèt.

Yobkwi 45:17

Bon tsho nsi lo' ze dù' tà tsho. O nsi yabte yub mba bon mfen nà ntùm ngô fa.

Tànkùt 21:31

Bo ke nkwi nyàmdiaṅ àm mum lé'njù ntsho, là Tshùaben nke mbèn mfà netshùa ntsho.

Esaya 30:16

Bin lo tshob mbe nga! Bag nsi lo' nyàmdiaṅ kù nde yi. A ndùlala, me soṅ zin mbe bin nsi kù ndùse bin nsi be tshwèt nde là. Bag nsi yab ghakùnde tse wut tshob fùag là njam bin. Ndùlala ben bo nsi ta' zin nà nsi ghù fùagwut.

Esaya 31:1

Nge' tu ben tse bo tshwèt nswe' nèn Egipto diag ywimte bwe là. Bo tshwèt njé'te num ba nyàmdiaṅe, nke njab ntù num nkalig boa neta ghako' nyàm. Là, bo ke tshwèt ndôte Mèn Nelàn Israél z'a be Tshùaben nà, ke be diag i tshobe.

Yérémia 17:5

Tshùaben tshob ndù: njennge' b'a mèn z'a be njé'te num mèn nyiaṅtu là, mèn z'a tsho' ntù i num Tshùaben, ntsin tà ngùanesà là.

1 Samuél 13:5

Ba Filistia tse'te num nema' Israél ntsho. Bo lo ghù nkalig ntsha' ṅam ntat, ngù ghako' nyàm ntsha' ntôge, ngù soyé bo yàm mba nkwango' mi a kaṅ dibantse là. Bo nèn nkum Bét-Avèn nze ntumnyam, nte yub mbàn bwe.

1 Samuél 2:10

Ghakeban Tshùaben nsi vètte; a nsi tsin mfe kamànyam tshag se fambaṅ num bo. Tshùaben nsi tsho'te kam ntôgnjù. A nsi fà ngù' ze mfen, bù'te ze neta mèn z'a yo' là.