Yobkwi 20:4 - NTSHOB NSI

⁴ A bwô ndù a kwimte tshule'te Nsi tsho, mbam tshule'te Nsi ts'o be nton yi là.

Yobkwi 20:4 Iomraidhean Croise

2 Samuél 24:23

Aravna fà njoṅ i fa mfen. Aravna tshob mfen ndù: A bwô ndù nu tsho bwô Tshùaben Nsi o!

2 Kronika 9:12

Mfen Salomon fà mba ke lo ze mfen mènnzwi z'a fe Séba kô là yi, mba ke lo z'a bètte là, mfà tshu yi ntshùa ts'a lo' nse' yi, mfà mfen nà. Yen nà be tôg mfen mènnzwi bèn njam ntùm ze ngô boa ghafa' tse.

Yobkwi 145:19

A be ngù ju ze ghabwôg i kô là, a be nju' mba bo tsiaṅ i là, njôg yube.

Yobkwi 21:2

Tshùaben, mfen be ntsiaṅte mb'o be ntshètt'é là. Tshù, yu ywimte be ngù a dun tsiaṅte.

Yobkwi 37:4

Yab yu tsiaṅte num Tshùaben, a nsi fà ju ze ntù o tshwèt nkô là wù.

Tànkùt 11:23

Ben netsin ke nkô yub à nda' numebwô, tshùagntù b'a ju ze ghatshùagntù be mbéb là.

Matio 21:22

Njoṅ tshu fa tse bin num ndon ntùm nele'te Nsi ntùm bamntù là, bin nsi kwé.

Yohané 11:42

Mba me là, me lo lèn ndù o num nju' àm njoṅ ndù fa, là me tshob yen ni à num bwoṅ benntùn z'a diaṅ àm mbum nà ndù bo bam ndù a b'a wù bèn ntum àm.

Yohané 16:23

Num sen lé'njù là bin ke nsi bètt'àm sàm nu. Kua' nenùne, kua' nenùne, me tshob bin ndù: A be ze bin bètte ju Tà là, mb'a nsi fà bin num lén sàm.

Ghasa'kame 13:23

Nzwi i bùnte yi ndù: A lo mbe ndù Nsi kô neghù be kwù, mb'a ke' bam nyàm ze be ton yi là bo jule'te be, mb'a ke' ghù be yen ju z'a la'te be là, ke bèn ngù ntoṅ be ju' lèn tshen nu li.

1 Samuél 26:19

A bwô ndù mfen, tshùaben àm bam neju' ntshob ngafa' i: A be ze Tshùaben bèn nke ntènt'o num àm nà, mb'a bwô ndù a bam labinda bwôntù li; là, a be z'a b'a benntùn bèn nke ntènt'o là, mb'a bwô ndù ndon tsho tu bo mbwe Tshùaben. Nummbe bo tshwèt nta' àm sènni num nesô àm num ntsi' Tshùaben, nke ntshob me ndù: Nèn mfa' tse nsi ba tum.