Yobkwi 2:7 - NTSHOB NSI

⁷ Me nsi bu' keka' tshob ntshù' Tshùaben. A tshob me ndù: O b'a mén àm. A me bèn mbwe o sènni.

Yobkwi 2:7 Iomraidhean Croise

2 Samuél 7:14

Me nsi be tàab, tu wul i be nshum; a be z'a ghù nukebwô là mba m'a' lo' shua' benntùn tshèl i yi, lo' nto' bon benntùn tsham i yi;

ṄWA'NI YOB 23:13

A yà ju' ze nu k'a ku', we z'a ghù nebù' tu i nsi num bwe à? Ntù i be nkô mba ke lo a ghù.

Yobkwi 148:6

a lo yab yub yoṅ ntshù', njoṅ ndù fa; a lo fà kàn se be bo ke fàn nà.

Yobkwi 89:27

Tu wul i nsi tsiaṅ lén sàm: O b'a tàa. Nsi àm mba gholoṅ yôg sàm!

Esaya 46:10

Me num ntshob ju z'a nsi se' là fe neto'te; ntshob mb'a nsi bumte là k'a njôg mbumte. Me tshob ndù ntàmtenu màm nsi bumte, me zwiagte njoṅ yàm nekô fa.

Matio 16:16

Simon Pétro bùnte, ntshob ndù: O b'a Kristô, Mén Nsi z'a be ntùn nà.

Matio 17:5

Mb'a ke nke' ntshob là, tshù, mo' ndot neké' se' ndam yub mbume; tshù, ntùm ndot nze mèn tshob ndù: Yen ni b'a mén àm ze me num nkô i, mbèn njab ntù àm fa num i là. Bin ke nju' i.

Matio 3:17

Tshù, nze mèn fe kamànyam, ntshob ndù: Yen ni b'a Mén àm ze me num nkô i, mbèn njab ntù àm fa num i là.

Matio 8:29

Tshù, bo kua' ntshob ndù: Ke z'o ghù ntùm yag nu, Mén Nsi? O se' à neghùtni yag ke ngelaṅ yoṅ nku' ké?

Yohané 1:14

Ntshob lo tù' mènntùn, nke ntswe netèt be; be yen nkuni mi, nkuni mi a kwé Tà, yi z'a be nkwi Mén ntshù', ndù a dun kondèn mba nenùn nà.

Yohané 1:18

Sàm mèn ke' yoṅ nto' yen Nsi; a b'a nkwi Mén Nsi ntshù' z'a be num ndàntù Tà là, a b'a yi bèn nto't'é.

Yohané 3:16

Nummbe Nsi lo kô njù neshu, kà mfà nkwi Mén i ntshù' ndù mba we lo z'a bam i là, k'a bi, là ndù a ghù yôg matmat.

Mfa' Ghantum 13:33

Nsi ghù a bumte num be bon tshobe, mbam Yésu num vù ndaṅndaṅ mba bo kite ntùm ṅwa'ni Yobkwi mbatte bàa là; O b'a Mén àm, me bwe o sènni.

Mfa' Ghantum 8:36

Mba bo ke nèn num manze là, bo kum mbaṅ ntse, njabmfenkun tshob ndù: Tshù ntse li, ke z'a tshwèt mbèn ntshètte ndù k'o nyu' àm ntse à? [

Roma 1:4

num mat Ywèt Nelàne, Nsi yab i Mén i ntùm neta ntshùa num nelo num vù;

Héber 3:6

là Kristô b'a ngatô ndà i mba mén nà. Ndà i b'a be, a be ze bag à bin tshùb fènntù mba nenywinte, nta'nsoṅ be, kua' mebwô tà nèn miagte là.

Héber 5:5

A b'a be ndaṅndaṅ num Kristô, a lo ke kuni tu wul i ndù a tù' ngale'te Nsi ze ndùb, là, a b'a mèn z'a na' ntshob yi ndù: O b'a Mén àm, sènni tu wul àm bwe o là,

Héber 5:8

Mba mb'a na' mb'a Mén nà, a lo zi'te neju' ntshu ntùm nge' ts'a yen nà,