Yobkwi 19:9 - NTSHOB NSI

⁹ Ntshob Tshùaben b'a mi netsine, ntshob Tshùaben num ngù ntù mèn tsiaṅte. Kàn Tshùaben làn, kàn Tshùaben be ndànte miag.

Yobkwi 19:9 Iomraidhean Croise

Neto'te 22:12

Angél tshob ndù: Kà yab bu num mén nà! Kà ghù sàm kebwô num i. Me lèn ndonni ndù o be mbwôg Nsi, nummb'o ke' gha me nelo' nshum o ngamt'àm yi, yi z'a be nkwimén nà.

Neto'te 42:18

A be kum mbatte lé'njù tat Yosèf tshob bo ndù: Me be mbwôg Nsi. A be ze bin kô neyôg wut tsin nà, bin ghù ju ze me nsi tshob bin nà.

1 Fenfen 18:12

Ndonni ndùse me nsi lo mbaṅ o là, Ywèt Tshùaben nsi kel o nèn yi dù' me ke' lèn nà. A be me nèn nsoṅ Akab a ke yen o là, mb'a nsi zwi àm. Mbe ndù ngafa' o me, be mbwôg Tshùaben fe ndùse me be ménnshum nà.

Néhémi 5:15

Ngomna tse bo bwôg be me là lo nyu' ngô, nke nkwé bàn bo ndu' bo, kà mbèn ngù ndô nkàb silba ṅam nkuà; tshé' ghafa' tshob lo bèn nke ngù yub be ndaṅndaṅ, nke mfétte ngô. Tu wul àm me ke' ghù ndùlala, nummbe me tshwèt mbwôg Nsi.

Yobkwi 10:5

Njoṅ mfa' mi fa num ngwù lag njoṅ ndù fa. Njoṅ tse tsho'te ntsha Nsi fa b'a ngùanesà mbaṅ i, a be ntôg ntsi num ghamaṅt'é.

Yobkwi 111:10

Nebwôg Tshùaben b'a neto'te zenu. Ben tse bo be ngù ndùlala là ghù nkwate nelàne. Ghamt'é be ntswe matmat.

Yobkwi 115:13

a nsi yab kàn ben tse bo be mbwôg Tshùaben nà, ben nke'nke' mba tse ndùbndùb.

Yobkwi 119:1

Ghafen b'a ben tse manze yub mbwô, ben tse bo be nzin mb'a be mum ntshù' là!

Yobkwi 119:106

Me lo ghù nka'ni nke' mbu' bwe, a nsi ghô be ndùlala. Yen nà b'a ndù me nsi ze ntshù' mu mi netsine.

Yobkwi 119:111

Ntshù' mu bèn mbe yàm ju ntsi'i, ntshù' mu bèn nke mfà tsiaṅte ntù àm.

Yobkwi 119:142

Nunetsin o b'a z'a tswe matmat là, ntshù' o b'a ze nenùne.

Yobkwi 119:39

Lo' tshabte ze me tshwèt mbwôg là nèn yi ngùanesà mbaṅ àm! Nummbe tsho tsho'te ntsha bwô neshu.

Yobkwi 119:62

Me be ndo nsi tshaṅ tèttswe' nenyàmt'o; mba num tsho'te ntsha ts'a be tse yu nunetsin nà,

Yobkwi 119:7

Me nsi ke ghamt'o ntùm ntù nenùne, mba njoṅ ntù àm fa, ngelaṅ me nsi zi'te tsho tsho'te ntsha ts'a tsin nà.

Yobkwi 119:75

O Tshùaben, me lèn ndù tsho tsho'te ntsha tsin. O tshùa njam nenùn kà ngù me mfà wut nsi.

Yobkwi 12:7

Ntshob Tshùaben b'a ntshob nelàne, nkàb ze bo lànt'é ntshu tô dù' ze bo fon i là, ze bo lànt'é yoṅ sammbàa là.

Yobkwi 147:19

A lo la'te ntshob mi Yakob, nda'te ntshù' mi mba nkàn mi Israél;

Yobkwi 36:1

Ntshagte yobkwi. Se ngafa' Tshùaben. Se David.

Yobkwi 36:6

Tshùaben! Kondèn o be nèn tà nkum mfe kamànyam, nenùn o nèn tà nkum num ndot.

Netume 21:1

Tshù ntshù' mi o nsi fà bo li:

Tànkùt 8:13

Nebwôg Tshùaben b'a ngakeban nukebwô. Ka'te bo ko'tewut b'a manze nukebwô, ntshu kebwô b'a tshu tse me num mbàn i neshu là.

Esaya 26:8

Wù Tshùaben, bag tshwèt mbéb o num manze tsho tsho'te ntsha. Ntù yag num ntam ndùse bag tsi lén so, nkwimt'o là.

Esaya 45:19

Me lo ke tshob à ntùm nelemte, ntùm dù' njam num nsitsha'a; me lo ke tshob nzwit Yakob ndù: Bin diag àm à banban! Me Tshùaben ke ntshob à nenùne, me ke ntshob à nu ndaṅndaṅ.

Mfa' Ghantum 10:22

Bo bùnte ndù: Kôrneliô ngatô soyé nkù, mèn netsin mba ngabwôg Nsi, ze njoṅ ba Yuda fa num nkwé nta mi kua' mebwô là lo yen Angél nelàne, a tshob yi ndù: Tshùaben tshwèt nkô ndù o se' ndà Kôrneliô ndù yen ni ju' ntshob mu.

Roma 11:22

Lôte bwôntù mba yantù Nsi njene; yantù num ben tse bo vù nsi là, bwôntù num o, a be z'o kagtùn ntùm bwôntù là, ntag ndùlala, mba bo nsi keb mba wù yu.

Roma 2:2

Là be lèn ndù netsho'te ntsha Nsi num ben tse bo num ngù lèn tshen tshu là là b'a ntùm mat nenùne.

Nebwôgte 4:8

A kua' zit nzwit mèn ndùb z'a ghù ntshù' boa nkàn netsin mba yen ntshù' li ze me tshwèt nda'te bin sènni l'à?

Apokalipse 15:3

bo yob kwi Mosé, ngafa' Nsi, mba kwi mén njùmbwe, ntshob ndù: Tshùaben, Nsi ngatô njù, mfa' mu b'a mi ndùb mba mi nekuni; mfen ngôngô, manze tsho b'a tse netsine, mbe tse nenùne.

Apokalipse 16:7

Me ju' tômbwôg le'te Nsi tshob ndù: Tshùaben Nsi ngatô njù, ṅ, yu netsho'te ntsha b'a nenùne, mbe netsine.

Apokalipse 19:2

nummbe tse netsho'te ntsha b'a nenùne, mbe netsine. Nummbe a keb ntsha kattù mènnzwi ze ndùb z'a ke mbagte njù ntùm kal i là; Nsi yagte lem ghafa' tse, lem tse bu kattù mènnzwi fètte là.

1 Samuél 12:24

Bin bwôg nda' Tshùaben, bin ke mfa' yi ntù ntshù', kua' ngô ntù zin fa. A bwô bin yen lèn neta z'a tshwèt nda'te netèt bin nà.