Yobkwi 19:8 - NTSHOB NSI

⁸ Ntshù' Tshùaben bwô neshu, a be ntswe'te ntù, nkàn Tshùaben b'a mi nenùne, nkàn Tshùaben be ngù nkagni tù' nzenu.

Yobkwi 19:8 Iomraidhean Croise

Neto'te 26:5

Nummbe Abraham lo ju' nz'àm, nze ju ze me tshob là: Ntag màm, nkàn màm boa ntshù' màm.

2 Fenfen 17:37

Bin nsi ke ze, ke tshùb men nkàn nà, men ntag là, men ntshù' là boa ntag a na' nkite bin nà, ke bèn nke mbwôg tsemo' nsi.

Néhémi 8:12

Ngô fa nèn njù mbèn nu, ntum tsemo' bag tse, mfà wut tshob num tsiaṅte ndùbndùb. Nummbe bo lo ju' ntshob mi bo na' ntote bo là.

Néhémi 9:13

O lo swe' nse' num mbat Sinaï, o lo tsin mfe tù ntshob nu bo mfe kamànyam; o lo fà ntag netsin bo, mfà ntshù' nenùn bo, mfà ntag boa nkàn mi a bwô là bo.

Yobkwi 105:45

Ndùlala ndù bo tshùb ntag mi, mbèn nke nze ntshù' mi! Aléluya! Ghamte be Tshùaben.

Yobkwi 111:7

Mfa' mbu mi b'a nenùn mba netsine. Njoṅ nkàn mi fa b'a nenùne.

Yobkwi 119:105

Ntshob mu b'a lambo num nku màm, mbe nka' num manz'àm.

Yobkwi 119:12

Tshùaben, ghamte be wù, zi't'àm nkàn mu!

Yobkwi 119:121

Me be nze ntshù' mba nunetsine, kà ghua' àm mum mbu ghama'ni àm.

Yobkwi 119:128

A ndùlala me ke nzin à ndaṅndaṅ mb'a mum njoṅ ntshù' mu fa là. Me lo gha njoṅ manze tatte fa.

Yobkwi 119:130

Netswite ntshob mu be nké' miag. A be mfà zenu ben nebétni.

Yobkwi 119:14

Me b'a ntùm tsiaṅte num manze kwénta o, mbe ntùm bwe mebwô ntshùa ntùm fu'.

Yobkwi 119:143

Nge' bo ngùtni yab mbu num àm, là, nda' ntshù' mu bèn mbe yàm ju tanjoṅ.

Yobkwi 119:16

Me ke ngù yôg mebwô à ntùm ntshù' mu, me ke nsi lagte ntshob mu.

Yobkwi 119:171

A bwô ndù nkub ntshu màm tshob ghamt'o, nummb'o be nzi't'àm ntshù' mu.

Yobkwi 119:24

Me ke ngù yôg mebwô à ntùm ntag mu, ntshù' mu mbit b'a tshàm ghafà ntage.

Yobkwi 119:40

Tshù, me be nkô neze ntshù' mu. Ghù ndù me tshùa njam yu nunetsin njôge.

Yobkwi 119:54

Ntshù' mu b'a njobkwi me ntùm ndà ze me be ngùn bwe là.

Yobkwi 119:80

A bwô ndù ntù àm ze ntshù' mu kua' mebwô, ndùlala ndù kà tuswe ko àm!

Yobkwi 119:92

A lo mbe ndù me ke' ghù yôg mebwô ntùm ntshù' o, mba m'a bi ntùm nge' àm.

Yobkwi 12:6

Tshùaben tshob ndù: Mba bo tshwèt mfétte ghayennge', bwoṅbwoṅ nke mfam nà, me lo nsi ndonni neywimte mèn ze bo tshwèt mfétte là.

Yobkwi 13:3

Me nsi ke ghù nywin ntùm ntù mba sit lé'njù lo, me nsi ghù ngùtni ntùm ntù tà nèn kum à ndùke? Ngakeban àm nsi ke lo nsi num àm tà nèn kum à ndùke?

Yobkwi 40:8

Ndùlala me tshob ndù: Tshù, me se'e. Ntùm ṅwa'ni nebote bo kite nu num àm bwe ndù:

Yobkwi 93:5

Yu kwénta b'a nenùne. Nelàn be mbe ndà o mebwô. O Tshùaben! A ke mbe ndùlala num njoṅ ngelaṅ fa.

Netume 18:16

A num mbe ndùse bo ghù ntsha netèt bo là, mba bo a' se' njen àm, me tsho'te yube, ngù bo lèn ntshù' Nsi boa nkàn mi.

Tànkùt 2:6

Nummbe nelèn bo zete ke ntum à ntshu Mbom, z'a be mfà zenu là.

Tànkùt 30:5

Ntshob Nsi fa tôg ntùm laṅte. A b'a tshètntsho ben tshen nà tse bo num ndiag ndàlem num i là.

Tànkùt 6:23

Nummbe ntag b'a ta' lambo, netswite be ta' nelàne, nebem mèn z'a be ntùm netswit nkùn nà b'a manze yôg.

Esaya 64:5

Njoṅ yag fa tù' b'a mba ben nesagte là. Yag nunetsin b'a mba nzwe z'a sagte là; njoṅ yag fa lab mba mfu ntù là, nukebwô tshag nke nket yag mba fetmbaṅ nà nke nèn yi.

Yérémia 15:16

Me lo kwé ntshob mu, njoṅ mi njoṅ i fa; ntshob mu be mfà tsiaṅte ntù àm, bo nkôni yàme. Nummbe bo be ntsiaṅ àm lén so me Tshùaben, Nsi tàndà ntsho.

Ezékia 36:27

Me nsi so ywèt tshàm num bin, ghù kà bin ke nzin mb'a be ntùm ntshù' màm nà, bèn ke ze ntag màm.

Roma 3:20

Nummbe sàm mèn ke nsi be mèn netsin mbwe i ntshùa njam mfa' ntshù', nummbe a num ntshùa njam ntshù' mèn lèn nukebwô tse.

Roma 7:22

Nummbe me num ntsiaṅte num ntshù' Nsi, kua' ntùm ntù àm,

Roma 7:7

Ndùlala be nsi tshob à ndùke? Ntshù' b'a nukebwô ké? Nga, a ke b'a ndùlala. Là ntshù' bèn ngù kà me ndèn nukebwô; nummbe ntshù' na' mbe ke tshob ndù: Kà ghe'te, mba me ke' lèn ghe'te.

Galatia 2:19

Nummbe njam ntshù', me lo kwù num ntshù', ndùlala ndù me yôg num Nsi. Bo lo kwimt'àm bag Kristô num fanta'tù.

Galatia 3:21

Ndùlala, ntshù' b'a ngakeban nka'ni Nsi ké? A ke b'a ndùlala! Nummbe a lo mbe ndù bo fà ntshù' z'a ku'ni nefà yôg là, mb'a be nunetsin tum num ntshù'.

Nebwôgte 16:11

O nsi tsiaṅte ntùm dù' ze Tshùaben Nsi o tsho' nete lén se bwe là, mbwe tu wul i, wù bin nshum o, ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

Nebwôgte 16:14

A bwô ndù o tsiaṅte num sen jùa li, wù bin nshum o mba ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.