Yobkwi 19:7 - NTSHOB NSI

⁷ A be ntum num mo' bag kamànyam, nèn miagte nde mi num mo' bag kamànyam. Be sàm ju ke le'te ndum mi.

Yobkwi 19:7 Iomraidhean Croise

2 Samuél 23:5

Tunndà àm ke' b'a ndùlala mbwe Nsi ké? Tshù, bag yi lo wat kàn s'a tswe matmat là. Sen kàn nà b'a se ntùn, nke nkabt'àm kua' mebwô.

ṄWA'NI YOB 23:12

Me ke' ghua' ntag mi a tum ntshu i là, ngù yàm nekô ke zin njam ntshob mi a tum ntshu i là.

Yobkwi 111:7

Mfa' mbu mi b'a nenùn mba netsine. Njoṅ nkàn mi fa b'a nenùne.

Yobkwi 119:105

Ntshob mu b'a lambo num nku màm, mbe nka' num manz'àm.

Yobkwi 119:111

Ntshù' mu bèn mbe yàm ju ntsi'i, ntshù' mu bèn nke mfà tsiaṅte ntù àm.

Yobkwi 119:130

Netswite ntshob mu be nké' miag. A be mfà zenu ben nebétni.

Yobkwi 119:14

Me b'a ntùm tsiaṅte num manze kwénta o, mbe ntùm bwe mebwô ntshùa ntùm fu'.

Yobkwi 119:152

Me lo tshùa njam ntshù' mu ndèn fe mbwe ndù o yab ntshù' mu à matmat.

Yobkwi 119:24

Me ke ngù yôg mebwô à ntùm ntag mu, ntshù' mu mbit b'a tshàm ghafà ntage.

Yobkwi 119:72

Ntshù' a tum ntshu o là be me mebwô ntshùa gol ntsha' mbùm, ke nkàb ntsha' mbùm no.

Yobkwi 119:9

Be nguanmèn lànte ze manz'a ndùke? A b'a neke nze ntshù' mu.

Yobkwi 18:30

Me be ntsho' ngwù num bwoṅ ben bo ghù tshuntshùag là ngelaṅ bag wù bèn mbe là. Me be ndut mà kàbngô ndùb, ngelaṅ bag Nsi àm bèn mbe là.

Yobkwi 23:3

A be ntswe'te ntù àm. A be ntshagt'àm num manze ts'a tsin nà, ngù ndùlala num lén se.

Yobkwi 93:5

Yu kwénta b'a nenùne. Nelàn be mbe ndà o mebwô. O Tshùaben! A ke mbe ndùlala num njoṅ ngelaṅ fa.

Tànkùt 1:4

num negha' manze yi fùag benntùn bo ju'u, num neghù ndù nguanmèn lèn nu, nkwate nu.

Esaya 8:16

Ma' men ntshob li mfe'; te màkwa num yen ju li ze me la'te wù là netèt tshàm ghazi'te nu.

Esaya 8:20

Num ntshù' bo kwénta! A be ze bo ke ntshob ndùlala là, mb'a be mfôgnjù ke bèn mbe num ze tu ngô.

Yohané 5:39

Bin num nke ntswe' ntun ṅwa'ni Nsi, nummbe bin be nkwate ndù bin a' ghù yôg matmat là num i, a yi bèn nke nkwé nta màm.

Mfa' Ghantum 10:43

Njoṅ ghatshob ntshob Nsi fa lo kwé nta num i ntshob ndù: Mèn z'a bam i là mba Nsi a' lagte nukebwô tse njam lén se.

Roma 12:2

Kà bin lo' fi'te yen njù li, là bin tshùa num zenu z'a tù' ze nswe là, mbate zin nebe, ndùlala ndù bin lôte, ndèn ze nekô Nsi, ju z'a bwô là, ju z'a bwô i là, ju z'a bwô miagte là.

Roma 15:4

Nummbe njoṅ i fa tse bo kite tà fe mbwe là, bo na' nkit'a num netswite be, ndùlala ndù be ghù nenywinte njam nefènte mba njam nefite ntù z'a fe ṅwa'ni Nsi là.

Roma 3:2

A yàm num njoṅ manze fa, mbwe i b'a ndù: Nsi lo lem ntshob mi à bo.

Nebwôgte 32:4

Tshùaben b'a gholoṅ sàm; mfa' mi bwô neshu, nummbe njoṅ tse manze fa b'a tse ntùn, a b'a Nsi nenùne, mfànnu ke tse num i, a b'a mèn netsine, mbe mèn ndaṅndaṅ.

Kolosé 3:16

A bwô ndù ntshob Kristô tswe netèt bin mà yàme; bin tswite mbèn ntagte wut tsin ntùm njoṅ zenu fa, ntùm kwi ma'mbu, kwi nenyàmte mba kwi Ywèle, nke njob kwi Nsi ntùm ntù tsin njam kondèn.

2 Timôtio 1:8

Ndùlala, kà ko tuswe nekwé nta Tshùaben be, ke ko tuswe num àm, ngandàtsha i, là bag wù tamte njen nge' num nkùn mebwô njam neta Nsi,

2 Timôtio 2:19

Mba ndùlala, tseba' Nsi ze neta tsin tù ndaṅndaṅ, ndù Nsi san i yen sitam ni ndù: Tshùaben lèn tse ben, mba ndù: Mba we lo z'a nsi tsi lén Tshùaben nà, gha nuketsin!

Yakobo 1:17

Njoṅ nda' mebwô fa mba njoṅ ju kondèn fa z'a bwô miagte là ke mfe à mfe tù, ntum à num Tà ba nka', ze sàm nebate mba netshaṅ nebate ke' be num i là.

Yoshua 1:8

Kà ntshob yen ṅwa'ni li ke ntag ntshu o mba zit ndù lo. Ke nsiaṅte nu bwe mbwôgtshù bo tèttswe', ndùlala ndù o ke ngù a mba bo kite ntùm bwe là. A nsi tshùa ndùlala o ke nju' mebwô ntùm nzin mu, tsho tshunu ke ngwù lag kua' mebwô.

Apokalipse 19:10

Me vù nsi num nku mi, num neghamt'é, a tshob me ndù: Bàm nà, me b'a nshun fa' o, mba ze fèt tsho tse bo ghù kwénta Yésu là; ghamte Nsi. Nummbe kwénta b'a Ywèt ntshob ghatshob ntshob Nsi.