Yobkwi 19:14 - NTSHOB NSI

¹⁴ Tshètte ngafa' o mba num ghako'tewut. Kà bam ndù bo tô ntù àm, ndùlala me nsi be kelo', be mbu' num nukebwô ndùbndùb.

Yobkwi 19:14 Iomraidhean Croise

Yobkwi 104:34

A bwô ndù ntshob màm bwô i, tu wul àm, me be ntsiaṅte num Tshùaben!

Yobkwi 51:15

Ndùlala me nsi tswite manze tsho ben tse bo be mfàn nu là; ben kebwô nsi bèn njam tèl o.

Yobkwi 119:108

Tshùaben, bam nka'ni mi a tum ntshu àm nà, ntswit'àm ntshù' mu.

1 Pétro 2:5

Mba tu wut tsin tse bin be mba ndoṅ ntùn nà, bin tamte nkut ba' Ywèle, ntù' ntshufa' le'te Nsi ze nelàne, ndù bin fà tshule'te Nsi tse Ywèt ts'a bwô Nsi njam Yésu Kristô là.

Tànkùt 15:8

Jule'te ghatshùagntù num mbag Tshùaben. Là, ze nele'te ben netsin be mbwô i neshu.

ṄWA'NI YOB 19:25

Là me lèn ndù ngatshu' àm b'a ntùn, mba ndù a' be miagte ndo nsi num tsha'a.

Titô 2:14

z'a na' mfà tu wul i num tu be, ndù a tshu' be num njoṅ nukebwô fa, ndànte nzwil i z'a tsho'o, a nke nta num mfa' mebwô là.

Héber 11:4

Njam bamntù, Abél lo fà jule'te Nsi mebwô Nsi ntshùa Kain, a lo tshùa num bwe, nkwé kwénta ndù a b'a mèn netsine, Nsi lo kwé nta tshule'te Nsi tse, a tshùa à num i k'a nke' nke ntshobte, mba mb'a kwù là.

Roma 15:16

nke mfa' nkùn mebwô Nsi, ndù ghakelèn Nsi be jule'te Nsi z'a bwô i, ze Ywèt Nelàn lànt'é là.

Esaya 47:4

Ngatshu' ben ze lén se be Tshùaben tàndà ntsho là, Mèn Nelàn Israél bèn ntshobe.

Héber 13:15

Ndùlala be fà jule'te Nsi ghamte Nsi njam i njoṅ ndù fa, yen nà b'a tàm nkub ntshu mi a num mbam lén se là.

1 Tésalônikà 1:10

nke mbéb Mén i z'a fe kamànyam, Mén i z'a bam i num vù, Yésu z'a kwé be bu yantù z'a nsi se' là.

Esaya 44:6

Tshùaben, mfen Israél, ngatshu' i, Tshùaben tàndà ntsho tshob ndù: Me b'a mbwe i mbèn mbe njam i, Mo' nsi ke' bèn mbe bwe k'a ke nda' me.

Esaya 43:14

Ngatshu' zine, Mèn Nelàn Israél z'a be Tshùaben nà tshob ndù: Me nsi tshùa num tu bin tum ngakeban num Babilon. M'a' ghù njoṅ ba la' tse fa kù; mba ba Kaldéa nsi nèn num nsitima mi a ke ndo' nka'te yi là.

Esaya 54:5

Nummbe Mbom o bèn mbe yu ndu: Lén se b'a Tshùaben tàndà ntsho. Ngatshu' o b'a Mèn Nelàn Israél. Bo ke ntsiaṅ i à Nsi njoṅ nsitsha' fa.

Apokalipse 5:9

bo yob kwi nswe ntshob ndù: o ku'ni nekwé ṅwa'ni, mbétte sitam tse, nummbe bo lo se tô o, o tshùa njam lem tsho, ntshu' benntùn ntùm njoṅ tunndà fa, njoṅ ntshob fa, njoṅ ngô fa, njoṅ nzwit fa, mfà yub Nsi,