Yobkwi 19:11 - NTSHOB NSI

¹¹ Bo tanjoṅ ntshùa gol, ntanjoṅ ntshùa gol z'a làn neshu là. Bo dùm ntshùa ṅwa'a, ndùm ntshùa ṅwa' z'a num nké num nkekùà ṅwa' là.

Yobkwi 19:11 Iomraidhean Croise

2 Kronika 19:10

Num njoṅ ntanta tse fèt tsin se' yi mbwe bin, ndù bo tum à ntùm mub ntusô là, bin lànte miag mube; ndùlala ndù kà fèt tsin be ghafànnu mbwe Tshùaben, nkamte yantù i num bin mba num yub tu. Tshen ntanta là ghù nekwag nu num nezwi mèn, ta' ntshù', ta' kàn, ba ntag boa nkàn. A mb'a bwô ndù bin ke ngù là. A nsi tshùa ndùlala bin ke tum ghafànnu.

Yobkwi 119:103

Ntshob mu dùm ntshu àm neshu, ndùm ntshùa ṅwa' mum ntshu àm.

Yobkwi 119:11

Me lem ntshob mu ntùm ntù àm, ndùlala ndù kà me ghù nukebwô num o.

Yobkwi 119:72

Ntshù' a tum ntshu o là be me mebwô ntshùa gol ntsha' mbùm, ke nkàb ntsha' mbùm no.

Tànkùt 11:18

Ngatshùagntù ke ngù à ntsho'fa' nu tatte, là mèn z'a ke njwil à nunetsin nà nke ngù nkàbfa' nenùne.

Tànkùt 24:14

Be ndaṅndaṅ a bwô ndù o ghù zenu num ntù o, a be z'o fon zenu là, mb'a' ywimte ndamnjù, o be ke bi yu nenywinte.

Tànkùt 29:18

Ngô ke nèn à ke ghom wut ndùse ba ghatshob ntshob Nsi ke' bem mèn nà. Là mènfen b'a mèn z'a ze ntshù' là!

Ezékia 3:3

A tshob me ndù: Mén mèn, kém wul o, njwèt yen ṅwa'ni li ze me fà wù là. Me fèl i, a tswe ntshu àm mba ṅwa' là.

Matio 3:7

A be yen mba ba Férésia mba ba Sadukai yàm tshwèt nse' num kwéntse là, ntshob bo ndù: Nzwit ngamnyu, we bèn ntshob bin ndù bin kù yantù z'a nsi se' l'à?

Matio 6:18

ndù kà benntùn lèn ndù o tshwèt ntswe nziku'u; là nda' Tàan z'a be ntùm dù' tsham nà, Tàan z'a be njen ntùm tsham nà, nsi bèn ba' wù.

Matio 6:4

ndù yu ju neywimte ghayennge' là tôg à ntùm tsham; Tàan z'a be njen ntùm tsham nà nsi ba' wù.

Matio 6:6

Là ngelaṅ z'o tshwèt nde'te Nsi là, o tsho ndà o, mfùn nzendà, nde'te Tàan z'a be ntùm dù' tsham nà; tàan z'a be njen ntùm tsham nà nsi ba' wù.

Mfa' Ghantum 20:31

Bin zi tshùalo, nke nkwimte ndù ntùm ngu'njù tat, tèttswe' mba mbwôgtshù, me lo ke fite netagte mba we lo netèt bin, ntùm ntsenyà.

1 Korintô 4:14

Me ke' kite yen ni à nelo' ma' tuswe yi num bin, a b'a nelo' ntagte zin yi mba bon tshàm tse me num nkô yub là.

1 Tésalônikà 5:14

Fèt tshag, bag tsiaṅ zine, bin tagte ntshagntshag benntùn, bin fà fènntù ben nebole, bin tomte ben nebole, bin fènte njoṅ benntùn fa.

Héber 11:26

ndo' nge' Kristô mba ju ndùb z'a tshùa tshunkàb Egipto là, nummbe a lo ke ndôt'a ntsho'fa' mi mànjam.

Yakobo 1:25

Mèn z'a be mfà wul i num ntshù' z'a bwô miagte, ntshù' netum kuan nà, mèn z'a ghô ntùm ntshù', nke nju' ke lagte, là nke nze i ntùm mfa' là, yen mèn nà nsi be mènfen ntùm neze ntshù'.

2 Yohané 1:8

Bin zete num tu wut tsine, ndù kà bin bi tshu tse be na' mfa' là, là ndù bin kwé ntsho'fa' mi a dun nà.

Apokalipse 14:13

Me ju' mo' nze tshob mfe kamànyam ndù: Kite! Ghafen b'a fe ben tse bo kwù num Tshùaben fe ndonni là. Ywèt tshob ndù: Ṅ, bo nsi fite mum mfa' mube; nummbe mfa' mub tam njam bo.