Yobkwi 18:9 - NTSHOB NSI

⁹ Nzembwôg lo ke ntum mum mfaṅ ntselag mi, mo' mà mbwôg nke ntum ntshu i, nge'mbwôg meba nke ntum bwe.

Yobkwi 18:9 Iomraidhean Croise

2 Samuél 22:10

A ben kamànyam, nswe'e. Mo' bwoṅ ndot be tun nku mi.

Yobkwi 50:3

A tshwèt nse'e, Nsi yag tshwèt nse'e, a ke nsi tswe ntshu mi'i. Mo' mbwôg z'a tshwèt nkù là num mbwe i, mo' fetmbaṅ neta diaṅ i mbume.

Yobkwi 68:4

Là, ben netsin be ntsiaṅte, nke ntshùa ntsho mbwe Nsi, ṅwate nke ndo' yub nèn yi.

Yobkwi 97:3

Mo' mbwôg tshwèt nzin mbwe i, nke nkù ghamaṅt'é ndiaṅ mbume.

Netume 19:18

Nzembwôg lo lam mfe num mbat Sinaï, nummbe Tshùaben lo swe' ntùm mbwôg nse'e. Nzembwôg mi ko' mba nzembwôg ndùb là. Mbat kumte, mvètte njoṅ dù' tse fa.

Esaya 51:6

Bin bù' miag min mfe kamànyam, bin lôte num nsitsha'a. Nummbe kamànyam nsi sate mba nzembwôg là. Tsha' nsi vù mfémfé mba nzwe là; ba la' tse nsi vùt'a mba nzenze là. Là, yôg sàm nsi tswe matmat, yàm nunetsin be ke ghù ndù i.

Esaya 66:15

Tshù Tshùaben nà z'a tshwèt nse' ntùm mbwôg là. Nkalig mi b'a mba ta' zim nà. A kaṅ yantù i a tù' b'a mba nge'mbwôg là, ze tshùag b'a mba lambwôg là.

Matio 24:29

Là nge' tshen lé'njù là nsi yoṅ be mi, lagnyam sène, maṅwù ke bèn mfà nka' i, nsà mfe kamànyam nsi vùte nsi, neta mfe kamànyam bèn nyi'te.

Marko 15:33

A be be njagnyam, njam sèn ntùm njoṅ dù' fa tà nèn nkum nyam tat.

Yohané 13:7

Yésu bùnte ntshob yi ndù: Ju ze me tshwèt ngù là, a b'o ke lèn ndonni, là o nsi ju' à ngelaṅ mànjam.

Nebwôgte 33:26

Sàm mèn ke bwe z'a fute Nsi Israél là. A tshwèt ntsho' nde mfe kamànyam nse' ywimt'o. A tshwèt nkuni ntùm ndot z'a kel i nke nse' yi là.

Héber 12:26

Mèn ze nz'é na' nyi'te tsha' fe mbwe là mfà nka'ni ndonni, ntshob ndù: Tu wul àm, me nsi bèn nyi'te dù' mo' yoṅ i, ke b'a nda' tsha'a, là mba kamànyam.

2 Pétro 3:10

Là lé'njù Tshùaben nsi se' à mba ntshô là; ntùm sen lé'njù là, kamànyam nsi tôg ntùm fet neta, tshu njù ts'a tshwèt nkù là sate, tsha mba tshu tse bo fa' ntùm bwe là kù ntùm mbwôge.

Apokalipse 20:11

Me yen mo' ko'fen se ndùb mba mèn z'a tswe num bwe là; tsha' mba kamànyam kù mbwe i, bo ke bèn njen dù' yube.