Yobkwi 18:8 - NTSHOB NSI

⁸ Tsha' lo vètte, nyi'te, tun mbat kumte. Bo lo vètte, nummb'a lo ya ntù.

Yobkwi 18:8 Iomraidhean Croise

Neto'te 19:28

A lôte nze Sodom bo Gomora, mba nze njoṅ bag ngô tômbo' fa, njen mba nzembwôg tshwèt nko' fe num tsha' nke ko' mba nzembwôg ndùb là.

ṄWA'NI YOB 41:19

Tùn ke mfut'a ntshwèn z'a bi là num ze tu. Fe meba be ndaṅndaṅ.

Yobkwi 104:32

A be ndôte tsha' a nyi'te, a be nkwag ba mbat bo sô nzembwôge!

Yobkwi 11:6

A be ngù nge' mbwôge, mba mbwôg njôg vù num tshùagkèt benntùn.

Yobkwi 21:9

Bu o nsi fon njoṅ ghakeban tsho fa. Bu o ze zwim nsi fon ben tse bo be mban o là.

Yobkwi 50:3

A tshwèt nse'e, Nsi yag tshwèt nse'e, a ke nsi tswe ntshu mi'i. Mo' mbwôg z'a tshwèt nkù là num mbwe i, mo' fetmbaṅ neta diaṅ i mbume.

Yobkwi 74:1

Yobkwi Asaf. O! Nsi, numk'o ngua' i yoṅ ntshù' à? Numk'o nja ntù num bwoṅ nyàm z'a be mfèt ntùm so kin n'à?

Esaya 24:18

Mèn z'a kù mbwe nkua' bwôg là vù ntùm gheme, mèn z'a tshwèt nko' ntùm ghem nà vù ntùm nkù; nummbe ntôndà mi à mfe kamànyam nà tsho' nte nge, tun tsha' kam nke nyi'te.

Daniel 7:10

Mo' mbwôg tum mbwe i mba ta'ntse là nke nké' nène. Ben ntsha'ntsha' nke mfa' yi. Ben ntshu'ntshu' tsinte mbwe i. Ghatsho'te tswete nsi, nga' ṅwa'ni.

Lévitiko 10:2

Ndùlala mbwôg tum mbwe Tshùaben nkù yube, bo kwù num miag Tshùaben.

Amos 4:11

Me lo sate zin ndaṅndaṅ mba Nsi na' nsate Sodom bo Gomora là; bin na' mbe à mba nesèn mbwôg ze bo sô ntùm mbwôg ndùb là. Mba ndùlala bin ke' bèn njam ntèl àm. Tshùaben bèn ntshob ndùlala.

Nesiaṅe 11:1

A lo be mo' lé'njù ba Israél te vù nke ndàne, Tshùaben ju' a ya i. A ju' ntù i ya, mbwôg Tshùaben kù mo' bag mbàn fa.

Nesiaṅe 16:35

Mbwôg Tshùaben bèt, nkù benntùn bon tàn nkù bàa, ngelaṅ ze bo ke mfà ju nelamte mbwe Nsi là.

Nebwôgte 29:20

Tshùaben a' sô i nte njam num nge' i, sô i ntùm tunndà Israél fa, kua' mb'a be ntùm ndon fa ts'a ntùm kàn bo kite ntùm ṅwa'ni yen ntshù' li là.

Apokalipse 11:5

A be ze mèn kô neghù nukebwô bo là, mba mbwôg a' tum ntshu bo, nkù ghakeban tshobe; a be ze mèn kô neghù nukebwô bo là, mb'a bwô ndù bo zwi i be ndaṅndaṅ.