6 Ndam vù lo lam, njwi' vù lo ghom àm.
Me lo tsin ntùm nge' àm ntsiaṅ Tshùaben, me lo tsiaṅ Nsi àm num ywimte. A lo tsin ntùm dù'ntswe i nju' nz'àm, nkua' màm nèn tà nkum num ntoṅ mi.
Ghafà tshule'te boa ben Lévi lo nsi naṅ mbotni mum ngô, nze yub tum tù, le'te yub zin tà nkum kamànyam, nzin tà nkum ntùm dù'ntswe Tshùaben z'a làn nà.
Tshùaben b'a ntùm ndà i ze nelàne, ko'fen Tshùaben b'a mfe kamànyam. miag mi be ntsha' dù', miag mi nke ndaṅte bon mèn nyiaṅtu.
Yobkwi ko'ko'. Me tshag nz'àm tù ntsiaṅ Tshùaben ntùm nge'. Me tsiaṅ, a bùnte me.
Kù nukebwô, ngù numebwô. Diage, mbèn ntam njam fite.
o be mbiagte ghatatte. Tshùaben be mbàn ghafètte lem mba ghamfùm.
Tsiaṅ àm mum lé'njù nge'; me nsi yôg o, o ke ngamt'àm.
Ntù àm tshwèt mvètte ntùm bwe. Bwôg vù ghom àm.
Ngelaṅ yàm lo be tôge, mfen Egipto kwù. Bon Israél tse bo ke nke' ntsham zwe ntùm ndà kuan nà, tshag nze yub tù nkua' mà ndà kuan, nze yub nèn tà kum mbaṅ Nsi.
Tshùaben b'a ntùm ndà i ze nelàne, a bwô ndù njoṅ njù fa tswe ndù kam mbwe i.
A nke ntshob ndù: Abba, Tà, o ku'ni neghù njoṅ nu fa, lo' yen ntu' li nèn yi ngùanesà mbaṅ àm. Là kà ghù ju ze me kô là, là ju z'o kô là.
Ndùlala bo nke mbéb Pétro ntùm ndàtsha, là ntse'te benkristô nke nde'te Nsi num tu i ke bot.
Ndà Nsi gha' nte nge mfe kamànyam; Koṅ Kàn se tum ntsin ntùm ndà Nsi i; ba beba'mbaṅ, ba nze, mfambaṅ be, tsha' nyi'te, nywinmbaṅ yàm vù.
