Yobkwi 18:30 - NTSHOB NSI

³⁰ Me be ntsho' ngwù num bwoṅ ben bo ghù tshuntshùag là ngelaṅ bag wù bèn mbe là. Me be ndut mà kàbngô ndùb, ngelaṅ bag Nsi àm bèn mbe là.

Yobkwi 18:30 Iomraidhean Croise

Nebwôgte 32:4

Tshùaben b'a gholoṅ sàm; mfa' mi bwô neshu, nummbe njoṅ tse manze fa b'a tse ntùn, a b'a Nsi nenùne, mfànnu ke tse num i, a b'a mèn netsine, mbe mèn ndaṅndaṅ.

Tànkùt 30:5

Ntshob Nsi fa tôg ntùm laṅte. A b'a tshètntsho ben tshen nà tse bo num ndiag ndàlem num i là.

2 Samuél 22:31

Tse manze Nsi bwô neshu, ntshob Tshùaben tsho nyàm; a ke mb'a tshètntsho num njoṅ benntùn fa tse bo num njab ntù num i là.

Yobkwi 12:6

Tshùaben tshob ndù: Mba bo tshwèt mfétte ghayennge', bwoṅbwoṅ nke mfam nà, me lo nsi ndonni neywimte mèn ze bo tshwèt mfétte là.

Apokalipse 15:3

bo yob kwi Mosé, ngafa' Nsi, mba kwi mén njùmbwe, ntshob ndù: Tshùaben, Nsi ngatô njù, mfa' mu b'a mi ndùb mba mi nekuni; mfen ngôngô, manze tsho b'a tse netsine, mbe tse nenùne.

Yobkwi 119:140

Ntshob mu làn neshu, là ngafa' o num nkô ntshob mu.

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Yobkwi 25:10

Kondèn mba fite num njoṅ tse manze Tshùaben fa, num ben tse bo be ndé' ntshù' mi mba nkàn mi là.

Yobkwi 18:2

A tshob ndù: O Tshùaben, me num nkô o, o b'a yàm neta.

Roma 12:2

Kà bin lo' fi'te yen njù li, là bin tshùa num zenu z'a tù' ze nswe là, mbate zin nebe, ndùlala ndù bin lôte, ndèn ze nekô Nsi, ju z'a bwô là, ju z'a bwô i là, ju z'a bwô miagte là.

Yobkwi 17:7

La'te kondèn o, wù ngayôg ben tse bo be ndiag ndàlem num o là. O be njôg yub mbwe ben tse bo be maṅte neta o là.