Yobkwi 18:14 - NTSHOB NSI

¹⁴ Tshùaben fà nz'é tù mfe kamànyam, Nsi z'a mfe tù là ghù bo ju' nz'é.

Yobkwi 18:14 Iomraidhean Croise

ṄWA'NI YOB 37:4

Yen nà num mbe tôge, netshu' kam, nz'é ze nekuni fà là se tù. A ke' bèn mbe tshùb mbeba' mbaṅ ndùse mfambaṅ tsham nà.

ṄWA'NI YOB 37:5

Nsi num ngù be yen tshu nekuni tse be ke' ju' tu be bwe là.

ṄWA'NI YOB 38:35

B'o ghù mbeba'mbaṅ se', nkum mbaṅ o ntshob ndù: Tshù bag li, tum yag ké?

ṄWA'NI YOB 6:4

Nummbe nkét Nganeta Ntshùate lo tot'àm, tsheb s'a be ntshu bwe là nèn ntù àm. Tshùagntù Nsi ts'a yàm nà kùmte nkam àm ntsho.

Yobkwi 144:6

Kag mbeba'mbaṅ, nsate ghakeban, ma' nkét mu, ngù bo kaṅ wut yub.

Yobkwi 21:12

Bo jù' neghù nukebwô num àm, bo ghù nkwate kebwô, nda' ndù bo ke' ghù neta.

Yobkwi 29:3

Nze Tshùaben tum num ntse. Nze Nsi nkuni tshwèt nyi' dù'. Tshùaben b'a num ntse ndùbndùb.

Yobkwi 29:7

Nze Tshùaben be ngù ba lambwôg nke ntume.

Yobkwi 77:17

O Nsi, ba ntse lo yen o, ba ntse lo yen o, bo lo vètte; mba ngem lo vètte.

Yobkwi 77:18

Ba ndot sa ntse mube; ba ndot sa mfambaṅ, bo nke ma' nkét mu njoṅ bag bag fa.

Esaya 30:30

Tshùaben nsi ghù bo ju' nz'é ze nekuni a nsi shùte bu i ntùm tonkèt yantù, netèt mbwôg z'a tshwèt nkù dù' là, netèt tonkèt fetmbaṅ, netèt tonkèt mbaṅ mba netèt ntu'ntu' nywinmbaṅ.

Yoél 2:11

Tshùaben ghù bo ju' nz'é mbwe ntshu ntsho i; ze mbàn zi neshu, ngaghù ju z'a tum ntshu i là b'a nganeta, nummbe lé'njù Tshùaben ghu' neshu, nkuni neshu. We z'a ku'ni nefènte sen lé'njù l'à?

Habakuk 3:11

Lagnyam bo maṅwù tsin ntùm dù'ntswe yube, num nelàn nkét mu mi a tshwèt nèn nà, num neziag kô so s'a tshwèt nké' là.

Nesiaṅe 24:8

Nsi ghù a tum Egipto. A ghù neta mba nyatnyàm nà. Mi ngô tse bo à bo ke' be tum mebwô là, mbe'te mvôg mube, ndo' nka'-nkét ntamte yub yi.

Nebwôgte 32:23

M'a' nso nzenze nge' num bo, ma' nkét màm num bo k'a mi.

Nebwôgte 32:42

Nkét màm a' bum lem, ṅwi àm ywèt mbàb, lem ben bo ket mfaṅ nà mba tse kuan ntsho, bo tu fenfen ngakeban.

Yoshua 10:10

Tshùaben ghù bo kù mbwe ba Israél. Ba Israél yab nu num bo mbaṅ Gabaon, njoṅ yub num manze z'a tshwèt nko' nèn Bét-Horon nà, ntshùa yub ntsho Azéka bo Makkéda.

1 Samuél 2:10

Ghakeban Tshùaben nsi vètte; a nsi tsin mfe kamànyam tshag se fambaṅ num bo. Tshùaben nsi tsho'te kam ntôgnjù. A nsi fà ngù' ze mfen, bù'te ze neta mèn z'a yo' là.