Yobkwi 18:13 - NTSHOB NSI

¹³ Ndot lo ke ntum ntùm nkuni mi a tam mbwe i là, nke ma' nywinmbaṅ boa nge'mbwôge.

Yobkwi 18:13 Iomraidhean Croise

ṄWA'NI YOB 40:9

O ghù bu neta mba bu Nsi là ké? Be yu nze tshu' ntùm bwe mba yàm nà ké?

Yobkwi 104:7

O lo tshùag yub bo kù; bo lo bùn à nebùn ngelaṅ bo ju' nze fambaṅ so là.

Yobkwi 11:6

A be ngù nge' mbwôge, mba mbwôg njôg vù num tshùagkèt benntùn.

Yobkwi 140:10

A bwô ndù mfànnu mi a num nkub ntshu ben bo lam àm mbum nà vù be num tu bo,

Yobkwi 78:48

A lo ghù keya' bagte nyàm tshobe, ngù beba'mbaṅ bagte bwoṅ yàm tshobe.

Netume 20:18

Ngô tsin ngùanesà kà nke njen mfambaṅ, lambwôge, kà nke nju' nze nta, kà nke njen mbat z'a ke ndam nzembwôg là. Ngô be yen ndùlala mbwôg neshu.

Netume 9:24

Nywinmbaṅ be, beba'mbaṅ tamte num nywinmbaṅ. Nu ta neshu, mbe ndù njoṅ ngô Egipto ke' to' yoṅ njen lèn i fe mb'a be ngô là.

Ezékia 10:5

Tshu'te mbàb ba kérubim nèn nkum bam ntshundà njù, ntswe mba nze Nsi Nganeta Ntshùate ndùs'a be ntshob nu là.

Habakuk 3:5

Keya' be nzin mbwe i, keya' b'a num ntshùa mi.

Yohané 12:29

Ndùlala bwoṅ benntùn bo tsin bwe, nju' là, nke ntshob ndù a b'a fambaṅ bèn ntshu'u. Tsemo' nke ntshob ndù: Angél tshob nu yi.

Nebwôgte 32:24

Nziku' a' jum yube, saṅte wut kù yube, tonkèt ngokèt bèn nkù yube; m'a' ghù tshùagkèt nyàm fèt yube, ntshag nyu num bo.

Yoshua 10:11

Mba bo be mbwe ba Israél nke nkù, nke nswe' dù' swe'swe' Bét-Horon nà, Tshùaben ghù nkô ndoṅ swe' mfe kamànyam ngwù num bo tà nèn nkum Azéka, mbiagte yube. Ben tse men nkô ndoṅ nywinmbaṅ nà na' nzwite yub là yàm ntshùa ben tse bon Israél zwite yub ṅwi là.

Apokalipse 19:6

Me ju' mo' nze mba tshu'te bwoṅ benntùn nà, mba tshu'te ntse ndùb là, mba tshu'te mfambaṅ neta là, a tshob ndù: Aléluya, nummbe Tshùaben Nsi yag, ngatô njù, lo à be mfen.

Apokalipse 4:5

Ba beba'mbaṅ, ba nze mba ba fambaṅ nke ntum num ko'fen.

Apokalipse 8:5

Angél lo' kab, naṅ mbwôg tômbwôg le'te Nsi ntùm bwe, ma' num le'te Nsi, ba fambaṅ, ba nze, ba beba'mbaṅ, tum, mba tsha' nyi'te.

1 Samuél 7:10

Ndùse Samuél ke nton nyàm nà, ba Filistia ghebte nekam Israél ntsho. Tshùaben ghù fambaṅ se tsham num ba Filistia sen lé'njù là, ngù bo kaṅ wut nkù nène. Bo vù ntsho mbwe Israél.