Yobkwi 17:3 - NTSHOB NSI

³ A be z'o lôte ntù àm, a be z'o nèn tshù i tèttswe' là, a be z'o laṅt'àm nà, mb'o ke yen sàm ju. Nkwat'àm ke b'a ze ghua, ntshob mi a num ntum ntshu àm nà ke be mi ghua.

Yobkwi 17:3 Iomraidhean Croise

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

1 Kronika 29:17

Nsi àm, me lèn o num ntswe' ntun num ntù, mbèn nke nkô nu ndaṅndaṅ; ndùlala me fà tshen tshu bwôntù li tse me kô là wù à ntù nenùne, ntùm ntù ndaṅndaṅ; ndonni ntù àm tsiaṅte neyen mba yu nzwit mèn be nsen ni nefà tse tshu bwôntù wù mb'a kô là.

ṄWA'NI YOB 23:10

A ne ndèn manze ze me tshùb là, mbe ndù a lo ndaṅt'àm mba m'a' làn à mba gol là.

ṄWA'NI YOB 24:14

Ngazwi mèn be ndo nsi mfôgnjù, nzwi mbwoṅ bo ke ju mbu, a be tèttswe' a yi.

Yobkwi 11:5

Tshùaben be ndaṅte mèn netsine. A be mban tshùagkèt mèn mba mèn ze nefétte lem be mbwô i là.

Yobkwi 119:106

Me lo ghù nka'ni nke' mbu' bwe, a nsi ghô be ndùlala. Yen nà b'a ndù me nsi ze ntshù' mu mi netsine.

Yobkwi 139:1

Ntshagte yobkwi. Yobkwi David. Tshùaben, o be nzwi't'àm.

Yobkwi 139:23

O Nsi, zwi't'àm, ndèn ntù àm, laṅt'àm, ndèn yàm nywin,

Yobkwi 16:7

Me num ngamte Tshùaben, yàm ngafà ntage, a num mbe mba tèttswe' ntù àm nke ntagt'àm.

Yobkwi 26:2

Tshùaben, momt'àm, Tshùaben laṅt'àm. Momte zwe' àm mba ntù àm.

Yobkwi 39:1

Ntshagte yobkwi. Se bo yob Yédutun nà. Yobkwi David.

Yobkwi 66:10

Kua' nenùne, Nsi lo laṅte be. A lo ghù be tshùa ntùm mbwôg ndàn mba tùn nkàb là.

Yobkwi 7:4

Tshùaben Nsi àm, a be ze me ghù ndùlala, mfaṅ nukebwô mum mbu màm,

Tànkùt 13:3

Mèn béb ntshu i mb'a' yôg tu i, mèn z'a ke' be tshùb nkub ntshu mi là ke nenèn bi.

Yérémia 12:3

Là, wù Tshùaben lèn àm, o be njen àm, ntswe' ntun num ntù àm z'a b'a mbaṅ o là. Sô yub mba njùmbwe tse bo nsi watte là. Nabte yub mum lé'njù nezwite.

Yérémia 50:20

Num tshen lé'njù là, num yen ngelaṅ nà, bo nsi diag mfànnu Israél be ke yen, diag nukebwô Yuda, a be ke bèn mbe. Nummbe me nsi lagte tshé' i ze me nsi faṅ nà. Tshùaben bèn ntshobe.

ṄWA'NI OSÉ 7:6

Ntù mfùm nke nkù mba mbwôg neka tag là, tèttswe' a fite, njù be làne a kù mba mbwôg nga là.

Mika 2:1

Nge' num tu ben tse bo be nô num kunndà sob ntàmte nu, nabte nukebwô ntù bo, njù yoṅ mbe làne, bo ghù be ndaṅndaṅ ndùse bo ghù mba' neta mum mbu mub là.

Sakaria 13:9

Me nsi ma' yen bag i ntshù' num bag tse tat là ntùm mbwôge, lànt'é mba bo be ndànte nkàb là. Me nsi lànt'é mba bo be ndànte gol là. A nsi tsiaṅ lén sàm, me ju' nz'é mbame; me nsi tshob ndù: A b'a yàm nzwit mèm, tu wul i tshob ndù: Tshùaben b'a Nsi àm.

Malashi 3:2

We z'a ghù nefènte lé'njù sen nà s'a nsi se' à? We z'a ku'ni netsin tù ndùs'a ṅwag 'a? Nummb'a nsi b'a mba mbwôg tàlàm nà, be mba zin ghadiaṅ ntu' là.

Mfa' Ghantum 11:23

A kum bwe, njen kondèn Nsi ntsiaṅte, ntagte yub ndù bo ghô njam Tshùaben ntùm ntù ntshù'.

Mfa' Ghantum 16:9

A be tèttswe', Paulo yen mo' njem: Mo' ze Makédônia tsin tù mbwe i, mbu' mbu yi, ntshob ndù: Dut nse' Makédônia, njwimte yage!

1 Korintô 4:4

Nummbe me ke' lèn sàm ju ze me fàn nà, là mba ndùlala me ke b'a mèn netsine, ngatsho't'àm b'a Tshùaben.

2 Korintô 1:12

Nta'nsoṅ mag b'a kwénta mi nzentù tshag num mfà bag, ndù bag tshwèt njôg ntùm njù ntùm nelàn mba nenùn Nsi, njôg mbe mbwe bin, ke b'a ntùm zenu mbàb wut, là ntùm kondèn Nsi là.

Yakobo 3:2

nummbe njoṅ be fa num ntam tshu yàm nku; a be ze mèn ke' tam ntshob nku là, mb'a b'a mèn z'a bwô miagte là, mèn z'a ku'ni netshùb mba njoṅ wul i fa là.

1 Pétro 1:7

Nummbe a bwô ndù laṅte bamntù zin z'a tanjoṅ ntshùa gol nebi ze bo laṅt'é mbwôg là, fà nyàmte, nkuni mba ghamte bin, ngelaṅ Yésu Kristô nsi tswite wul i là.

1 Samuél 24:10

David tshob Saulo ndù: O tshwèt nju' ntshob benntùn, bo nke ntshob wù ndù: Tshù David là z'a tshwèt ndiag kebwô num o là.

1 Samuél 24:12

Tshù njen tà, ndonni tshù tôg kummbaṅ so li bu àm. Mba me lo nkeb tôg kummbaṅ so ke zwi o là, yab tu o, ndèn ndù tshùagntù ke tatu lo ke ntùm nzin màm, mba ndù me ke' to' ghù kebwô wù. Mba wù là, o tshwèt mbùn àm njwi', nke nya' tu àm!

1 Samuél 26:11

Nga àm, a bwô ndù Tshùaben béb àm ndù kà me yab bu àm num mèn ze Tshùaben yo' i là! Lo' nda' kô s'a tu kun i là bo ntu' ntse be nèn tse be.

1 Samuél 26:23

Tshùaben a' ba' mba zit mèn no à mb'a ko' ntù i là, mb'a yen mb'a tsin nà. Tshùaben lo nswèn o me sènni, nda' ndù me ke kô neyab mbu màm num mèn ze Tshùaben yo' i là.