Yobkwi 17:1 - NTSHOB NSI

¹ Nele'te Nsi. Ze David. Tshùaben ze yàm nunetsin ke mfe à yi là, ju' nkua' màm, kù' ntoṅ nju' yàm le'te ze me tshwèt nde't'o yi nkub ntshu màm mi tatte ke' be bwe là.

Yobkwi 17:1 Iomraidhean Croise

2 Samuél 22:24

Me be tshàm a ke lo' mbwe i, me bèn mbéb wul àm num nukebwô.

2 Kronika 7:15

Neto' ndonni me nsi te lag, kù' ntoṅ num le'te ze bo le't'àm yi num yen dù' li là.

Néhémi 1:6

A bwô ndù o kù' ntoṅ mbèn nga' miag mu. A bwô ndù o ju' le'te ze ngafa' o tshwèt nde't'o yi ndonni, tèttswe' bo mbwôgtshù là. A ke nde't'o à num tu ghafa' tsho bon Israél, nke mbam nukebwô bon Israél, nukebwô tshag tse bag ghù wù là. Nummbe tu wul àm mba tunndà tàa, bag lo ghù nukebwô.

ṄWA'NI YOB 16:17

Ne mbe be ndù mbu màm ke' fètte lem. Yàm le'te ze me num ntshag Nsi là b'a nelàne.

Yobkwi 102:2

Tshùaben, ju' le't'àm, nju' nkua' màm a se' tà nkum mbaṅ o!

Yobkwi 140:12

Kà ghatshob tatte ghubte num nsitsha'a, a bwô ndù nukebwô bwe ghafètte lem à vù vù.

Yobkwi 142:1

Yobkwi David. Ngelaṅ a na' mbe num ngabloṅ nà. Le'te.

Yobkwi 142:6

Tshùaben, me lo kua' wù ntshob ndù: o bèn mbe yàm ndàlem, yàm bag i ze me ghù mum njù benntùn nà!

Yobkwi 143:1

Yobkwi David. Tshùaben, ju' le't'àm, kù' toṅ num tshàm le'te, bùnte me num yu nenùne, num yu nunetsine.

Yobkwi 145:18

Tshùaben ghebte mbaṅ njoṅ ben fa tse bo be ntsiaṅ i là, njoṅ ben fa tse bo be ntsiaṅ i à ntùm nenùn nà.

Yobkwi 18:20

A lo kwé àm, ntshu' àm, nummb'a num nkô àm.

Yobkwi 18:44

O lo kwé àm mbu ghakag tshu'te njab àm num tu ngôngô. Ben tse me na' mbe ke lèn yub là bo lo fà yub me.

Yobkwi 43:1

O Nsi, ghù nunetsin me, tshètt'àm num nzwit ben tse kondèn ke bo là, tshu' àm mbu ghafùte mba ghafànnu.

Yobkwi 5:2

Tshùaben! Kù' ntoṅ nju' ntshob màm, ju' mba me tshwèt ndàn wù là!

Yobkwi 54:4

O Nsi, ju' le't'àm. Kù' ntoṅ num ntshob mi a tum ntshu àm nà.

Yobkwi 55:18

Me be nzwiage, nke nzi' mfetnjù, nkebnjù mba njagnyam. A nsi ju' nz'àm.

Yobkwi 61:1

Ntshagte yobkwi. Num ndoṅ nse'e. Yobkwi David.

Yobkwi 61:2

O Nsi, ju' nkua' màm. Kù' ntoṅ num yàm le'te.

Yobkwi 66:19

Là, Nsi lo ju' le't'àm, a lo kù' ntoṅ num yàm ma'mbu.

Yobkwi 7:8

Ke mbumte ngôngô lam o mbum no, o bèn ndo nsi num i.

Yobkwi 84:9

Tshùaben, Nsi tàndà ntsho, ju' le't'àm. Nsi Yakob kù' ntoṅ.

Yobkwi 86:1

Le'te David. Kù' toṅ nju' àm, mbùnte me! Nummbe me b'a ngayennge' mbe mbwoṅ.

Yobkwi 86:6

Tshùaben, kù' toṅ num yàm le'te, ju' nze njoṅ tshàm nema' mbu fa.

Yobkwi 88:3

A bwô ndù le't'àm zin nkum mbwe o! Kù' toṅ num tshàm nema' mbu!

Esaya 29:13

Tshùaben tshob ndù: Yen nzwit mèn ni num nkù'te nse' mbaṅ àm, nke ngamt'àm à ntshu mbèn nke ngamt'àm à nkub ntshu mi; là, ntù i b'a ngùanesà mbaṅ àm. Mba ze nebwôg àm tù' b'a nemi ngù ze mba bo tshob là.

Yérémia 3:10

Mba ndùlala ngon màab, ngatatte, ke' bèn njam ntèl àm njoṅ ntù i fa. A ke ndo' à fùte ntsho àm yi. Tshùaben bèn ntshobe.

Matio 15:8

Yen nzwit mènntùn ni ke ngamt'àm à nkub ntshu, là ntù tshob be tà ngùanesà mbaṅ àm.

Yohané 1:47

Yésu be yen Natanaél mb'a tshwèt nse' yi là, ntshob num i ndù: Tshù kua' mén Israél ze nenùn ze nkùnkù ke' be ntùm ntù i là.

1 Yohané 3:21

Fèt tshàm tse nkôni, a be ze ntù be ke' naṅ ntsha num be là, mba bag à bin ghù fènntù mbwe Nsi,