Yobkwi 16:7 - NTSHOB NSI

⁷ Me num ngamte Tshùaben, yàm ngafà ntage, a num mbe mba tèttswe' ntù àm nke ntagt'àm.

Yobkwi 16:7 Iomraidhean Croise

Yobkwi 119:148

Me be mbwôgmbwe nga' miag màm kà njù ntshétte, num nekwate nu num ntshob mu.

Yobkwi 119:55

Tshùaben, me be nkwimte lén so tèttswe'; nke nze ntshù' o.

Yobkwi 119:7

Me nsi ke ghamt'o ntùm ntù nenùne, mba njoṅ ntù àm fa, ngelaṅ me nsi zi'te tsho tsho'te ntsha ts'a tsin nà.

Yobkwi 17:3

A be z'o lôte ntù àm, a be z'o nèn tshù i tèttswe' là, a be z'o laṅt'àm nà, mb'o ke yen sàm ju. Nkwat'àm ke b'a ze ghua, ntshob mi a num ntum ntshu àm nà ke be mi ghua.

Yobkwi 22:2

Nsi àm, Nsi àm! O ghua' àm numke? O nèn ngùanesà ke ywimt'àm, ke ju' nkua' màm numke?

Yobkwi 42:8

Mo' mba' ntse be nse' ngwù num mo' mba' ntse. Njoṅ ntu'ntse fa mba njoṅ mba' ntse fa be ntamte nja' num àm.

Yobkwi 63:6

Ntù àm nsi jù jujù nzit mba ze ndùmte ywèle. Tshu'te tsiaṅte nsi tum num nkub ntshu màm ke ghamt'o.

Yobkwi 73:21

Ngelaṅ zwentù na' ndun ntùm ntù àm, me nke nzwiaṅte kua' yàm tu wut là,

Yobkwi 73:24

O nsi tshùa njam ntag mu tshagt'àm; o nsi bèn lo' àm ntùm ghamte.

Yobkwi 77:2

Me be ntshag nz'àm tù, nkua' ntsiaṅ Nsi. Me be ntshag nz'àm tù. Nsi a' ju' me.

Yobkwi 77:6

Me num nkwate lé'njù ts'a be mbwe là. nke nkwate ngu'njù ts'a be mbwe là.

Tànkùt 8:14

Ntag bo nezin nkum ke mfe à me. Nezete bo neta ke mfe à me.

Esaya 26:9

Ntù àm num nkô o tèttswe', ywèt tshàm nke ndiag o kua' neshu. Nummb'a num be ndùs'o tshwèt ntsho'te njù ntsha là, ba ntùm njù nke nzi'te nunetsine.

Esaya 48:17

Tshùaben, ngatshu' o, Mèn Nelàn Israél, a b'a me Tshùaben Nsi o z'a tshwèt nzi't'o, ndù o tshùa num bwe njù bin nà. Me ke ntshagt'o à num manze z'a bwô ndù o zin bwe là.

Esaya 50:4

Tshùaben lo fà ntshob ta' ngazi'te nu i me, ndùlala ndù me lèn neke ntomte mèn z'a bot là. A be mbam àm mba zit nkebnjù lo, a be tôte màm ndù me ke nju' ndaṅndaṅ mba ghazi'te be nju' nu yi là.

Yérémia 12:2

O lo bwe yube, bo taṅ nga, nku'u, njam ntàme. O be mbe num nkub ntshu mube, là, mb'a ngùanesà ntù bo.

Yérémia 17:10

Me Tshùaben, me be ntswe' ntun ntù mèn, ndèn bam se, ngù mba we lo à mba nzin mi lo' mbe yi là, ndaṅndaṅ mba mfa' mi lo' mbe yi là.

Lukas 6:12

A be num tshen lé'njù là, a nèn num mbat num nele'te Nsi, nzi bwe nele'te Nsi.

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.