Yobkwi 16:5 - NTSHOB NSI

⁵ Tshùaben b'a màm ntsi'i, mbe sàm fu', a b'a wù Tshùaben bèn nke mbéb yàm njam.

Yobkwi 16:5 Iomraidhean Croise

Yobkwi 11:6

A be ngù nge' mbwôge, mba mbwôg njôg vù num tshùagkèt benntùn.

Yobkwi 116:13

Me nsi bù' ntu' netshu' àm tù, tsiaṅ lén Tshùaben.

Yobkwi 119:57

Tshùaben, m'a tshob ndù: Ju z'a ku'ni num àm nà b'a ndù me ze ntshob mu.

Yobkwi 125:3

Nummbe kôg fen nukebwô ke nsi yab num kam i z'a b'a ze ben netsin nà, ndùlala ndù kà ben netsin kwate netshag mbu mub num nukebwô.

Yobkwi 132:11

Tshùaben lo tshob nsaṅlaṅ bwe David; a b'a nenùne, a ke nsi gha yen nu là. Me nsi lo' mén à num mèn z'a tum zwe' o là kà yab num ko'fen s'a be so là.

Yobkwi 142:5

Lôte bag bu zwim njene, sàm mèn ke bwe z'a lèn àm nà, njoṅ ndàlem fa bi num miag màm, sàm mèn ke bwe ze nu tshàm tshwèt ntoṅ i là.

Yobkwi 2:6

A me bèn njo' yàm mfen, num mbat Sion, mbal àm ze nelàne!

Yobkwi 23:5

O be nabte téblé nte mbwe àm, ngù ndùlala mbwe ghakeban tshàm. O be njo' tu àm mfèt, ntu' àm dun mfètte.

Yobkwi 73:26

A be ze tu wul àm mba ntù àm bagte là, mba Nsi b'a gholoṅ ntù àm mba yàm bag i njoṅ ndù fa.

Yobkwi 89:4

Me lo wat kàn bag mèn ze me tsho' i là. Tshù, me lo tshob nu bag ngafa' àm David nsaṅlaṅ bwe.

Yobkwi 9:4

Ghakeban tshàm bèn mbèn njam, ngwùte nsi, mbite num miag mu.

Esaya 42:1

Tshù ngafa' àm ze me nsi tomt'é li. A b'a mèn ze me tsho' i, ntù àm yab num i là. Me so ywèt tshàm num i. A nsi soṅ ngôngô nunetsine.

Esaya 53:12

A ndùlala, me nsi fà ze dù' boa ben ndùbndùb. A nsi ghabte ntsha' boa ben neta, nummb'a lo fà wul i vùkob ze tu, bo bèn njab i netèt ben kebwô, nummb'a ket nukebwô benntùn yàme, mbèn nke mbu' mbu Nsi num tu ghavù ntsha.

Yérémia 10:16

Là, mèn z'a be mi ntsi' Yakob là ke' b'a ndùlala. A b'a yi na' mbèn nabte njoṅ tshu fa. Israél b'a kua' ze nzwit mèn. Lén se b'a Tshùaben tàndà ntsho.

Nsindàvù 3:24

Ntù àm tshob ndù: Tshùaben b'a màm ntsi'i. A ndùlala m'a ke nywinte num i.

Mfa' Ghantum 2:32

Yen Yésu li, Nsi bam i num vù; njoṅ yag fa b'a ghakwénta.

Mfa' Ghantum 5:31

Nsi bù' i bu i ze zwim, a be mfen mba ngayôg benntùn, ndù a fà nekaṅ ntù mba nelagte nukebwô Israél.

1 Korintô 15:25

nummbe a nsi bwôgmbwe be mfen tà kum ngelaṅ z'a nsi ma' njoṅ ghakeban tse fa tun nku mi là.

Efésô 5:18

Kà bin be mbum ndu'; a num mfà yôg kebwô, là bin dun ntùm Ywèle.

Nebwôgte 18:2

Ben Lévi ke nsi ghù ntsi' netèt fèt tshobe. Tshùaben bèn mbe mub ntsi', mb'a na' ntshob bo là.

Nebwôgte 32:9

nummbe ze kam Tshùaben b'a ze ze nzwit mèn; nzwit Yakob b'a mi ntsi' mi a lo' là.

Yoshua 22:25

Bin yen mbe Tshùaben lo' Yordan ngù ndùnsi yi netèt bin. Bin bon Rubèn boa tse Gad ke mbu bàn bin à Tshùaben. A ghù netôg ndùlala bon tsin ta' tshage, ke bam ndù boa bo ke ntamte mfa' Tshùaben.

Yoshua 22:27

Là ndù a be kwénta netèt be bag à bin, netèt bon tshag boa tsine, ndù be ke mfa' à Tshùaben, ntùm neton nyàm yi, ntùm nefà tshule'te yi boa tshule'te tse nema' mbu. Mbwôg ndù kà bon tsin tshag ndamnjù ntshob bon tshag mbe boa Tshùaben ke mbu bàn.