Yobkwi 16:4 - NTSHOB NSI

⁴ Tsemo' ben be ngù ba nsi neto nke njàm nèn mbwe, bo nke nkù nde njam tse nsi ba tum, mba me là, me ke nsi fètte lem bo mba jule'te Nsi là, me ke nsi tsi lén sob num nkub ntshu màm.

Yobkwi 16:4 Iomraidhean Croise

Neto'te 35:14

Yakob te loṅla' bwe, dù' ze Nsi tshob nu yi là, ntete ndoṅ bwe, naṅ ndu' num bwe bo mfèt.

Yobkwi 32:10

Ya yàm num tshùagkèt mèn, là mèn z'a be njab ntù i num Tshùaben nà, kondèn Tshùaben lam i mbume.

Yobkwi 97:7

Tuswe ghom ghafa' ba nsi neto. Bo tse bo be nka'te banban nà, njoṅ ba nsi fa be ngwù nsi mbwe i.

Netume 23:13

Bin nsi ke ze njoṅ i fa ze me tshob bin nà. Kà bin tsi lén tsemo' nsi, ke bam ndù bo ju' lén sub tum ntshu bin.

Esaya 57:6

Yu dù' b'a mfé' ndoṅ netshua'te mi a ntùm mfub là. Ṅ, tshù yu dù' là. A bwe là z'o be mfà tshu bwôntù là. O kwate mbe yen nu là ke toṅ àm ké?

Esaya 65:11

Là bin, tse bin ghua' Tshùaben, tse bin lag mbal àm ze nelàne, tse bin nabte ta' téblé nte Gad, nso ta' ntu' lamte ndu' nte Meni là,

Esaya 66:3

Mèn z'a tshwèt ngwat nyàmna' là b'a mba mèn z'a wal à mènntùn nà. Mèn z'a fà ta' njùmbwe num jule'te là b'a mba mèn z'a dù' à tô ta' mbù là. Mèn z'a fà ju bwôntù là b'a mba mèn z'a sa à lem ngùnyàm nà. Mèn z'a ton tshu nelamte là b'a mba mèn z'a ghamt'â ba neto là. Njoṅ tshen ben nà fa be ntsiaṅte num tshob manze tse bo tshùb là, ntù tshob nke ṅwate num tshùaya'nu tshobe.

Yérémia 7:18

Bon tshwèt ntswitte ntshwèn, ba tà nke nkwé'te mbwôge, bènnzwi nke ntshwébte tage, nelo' nabte makela' yi màmfen z'a kamànyam nà, mbèn nke ma' ndu' tsemo' nsi, num nelo' nkag yantù yi ntù àm.

Lévitiko 23:13

Bin nsi ghabte kesoṅ mbab bàn nze gham, lo' nze bàa tébte mfèt tamte mbaṅ mén njùmbwe ton Tshùaben, njwèt mi lamt'é kua' mebwô. Bin nsi ghabte ntu' ndu' nze kuà naṅ nze ntshù' Tshùaben nsi:

Yona 2:8

Ndùse zwiag sàm fam mà ntùm ntù àm nà, me kwimte Tshùaben, le'te se' tà nkum tà mbaṅ o, ntùm ndà o ze nelàne.

Yoshua 23:7

Kà bin so wut mum ngô tse bo ghô netèt bin nà; kà bin tsi lén tshob nsi, ke lo' yub nkàn mfe yi, ke fa' bo, ke bèn ngwù nsi mbwe bo.