Yobkwi 16:3 - NTSHOB NSI

³ Me bèn ntshob ben nelàn tse bo be ntùm ngô là ndù: Bo b'a kua' ben ndùbndùb tse me kô yub neshu là.

Yobkwi 16:3 Iomraidhean Croise

2 Kronika 6:41

Tshùaben Nsi, a bwô ndù o lo nsi ndonni, nse' num yu dù', dù' z'o fite là, bin Koṅ so, Koṅ nkuni mo. Tshùaben Nsi, a bwô ndù tsho ghafà tshule'te ma' yôg num bo, ben ts'o num nkô yub là tsiaṅte ntùm fu'!

Yobkwi 101:6

Me nsi te miag num ben nenùn tse bo ntùm ngô là. Ndù bo tswe mbaṅ àm. Mèn z'a zin num manze nenùn nà nsi be yàm ngafa'.

Yobkwi 116:15

Vù ben tse bo be nkô Tshùaben nà ghù njoṅ i mbwe i.

Yobkwi 119:63

me b'a nshun ben tse bo be mbwôg o là, mba ben tse bo be ndé' ntshù' mu là.

Yobkwi 122:8

Num nkôni fèt tshàm, shun tshàm, bam ndù me tshob ndù: Fite be wù.

Yobkwi 30:4

Tshùaben! O lo ghù zwiag sàm ko' mà ntùm ngô fe ben. O lo ghù me bèn njôg ngùanesà mbaṅ ben tse bo swe' nèn ntùm tô là.

Tànkùt 12:26

Mèn netsin be nda'te manze ntùn nshun i, là ze manze ghatshùagntù nke ntshag yub tshwèt.

Tànkùt 13:20

Mèn ke njôg boa ghazenu mb'a nsi tù' nzenu, là mèn z'a be nzin boa kagni là be njen kebwô.

Tànkùt 8:31

Me lo ke ntam ngùa mbwe i num nsitsha'a, nke mfon sàm fu' netèt bon mènntùn.

Nkwi Nkwi 7:10

A bwô ndù ntshu o be mba ndu' nelamte là, ménngon bùnte ndù: Men ndu' là ke ntshùm mebwô à num nshun àm. Ndu' là num nswe' num nkub ntshu mi mba mfé' nsô mi.

Esaya 62:4

Bo ke nsi bèn tsiaṅ o ghua' mènnzwi, ke bèn ntsiaṅ tsha' tsho ghua' tsha'a; bo nsi tsiaṅ o ndù kô ntù àm, ntsiaṅ tsha' tsho ndù nzwi àm me num nkô là. Nummbe ntù Tshùaben yab num o, mbe ndù tsha' tsho nsi ghù ndu.

Malashi 3:17

Bo nsi b'a tshàm ben, Tshùaben tàndà ntsho bèn ntshobe. Bo nsi be tshàm ben mum lé'njù se me nabte là; me nsi ko ndèn mube, mba mèn be nko ndèn nshum i z'a be mfa' yi là.

Mfa' Ghantum 9:13

Anania bùnte ndù: Tshùaben, me ju' benntùn yàm tshob ndù yen mèn nà ghù nukebwô yàm num ben tsho tse nelàn Yérusalém.

Galatia 6:10

Ndùlala, mba be ghù ngelaṅ nà, be ghù numebwô njoṅ benntùn fa, njôg mbe, ba ndà bamntù.

Efésô 1:1

Me Paulo, ngantum Kristô Yésu, njam ze nekô Nsi, me kite yen ṅwa'ni li à ben nelàn tse bo be Efésô là mba ben tse bo bam Kristô Yésu là.

Titô 3:8

Men ntshob li b'a nenùne, me kô ndù o tshob yen ni kua' mebwô, ndù ben tse bo bam Nsi là lab wut nefa' mfa' mebwô. Tshen tshu là bwô, nku'ni neywimte benntùn.

Héber 6:10

Nummbe Nsi ke' b'a mèn ketsin, a ke nsi lagte mfa' mine, mba nkôni ze bin tswite num lén se, bin tse bin na' mfa' ben nelàne, mbèn nke mfa' bo là.