Yobkwi 16:10 - NTSHOB NSI

¹⁰ nummb'o ke nsi faṅ zwiag sàm ghô ntùm ngô fe ben, ke bam ndù mén o z'o be nkô i là bi.

Yobkwi 16:10 Iomraidhean Croise

ṄWA'NI YOB 11:8

O nsi ghù à ndùke mba nelèn Nsi sag nèn tù ntshùa kamànyam à? A tsho nèn ntshùa ngô fe ben, ke z'o nsi lèn bwe à?

Yobkwi 139:8

Me fe nko' nèn mfe kamànyam mb'o be bwe là, me nô be ntùm ngô fe ben mba tshù wù là bwe.

Yobkwi 49:15

Bo be njab yub ntùm ngô fe ben mba bwoṅ nyàm nà. Vùkob be ntshagte yube, bo swe' ndaṅndaṅ nèn tà mà ntùm fi, ngô fe ben, tù' dù'ntswe yube.

Yobkwi 9:17

Tshùaben la'te wul i, Tshùaben keb ntsha; mfa' mbu tshùagkèt mèn ma' i tàme.

Tànkùt 15:11

Ngô fe ben bo ghem tsho' nte nge mbwe Tshùaben, ntù benntùn ke' b'a nge mbwe i ntshùate ké?

Tànkùt 27:20

Mba ngô fe ben ke' be ywèt là, be ndaṅndaṅ miag mènntùn ke' be ywèt.

Esaya 14:9

Ngô fe ben tshwèt nyi'te bam tsha'a, nke nabte nelo' o ndùs'o ṅwag là. A tshwèt mbam ben ndùb tse bo na' nkwù là, ben ndùbndùb tse bo na' mbe num nsitsha' là; a tshwèt ntsho' fenfen num ndiaṅkwa mube, njoṅ fenfen ngôngô fa.

Esaya 5:14

A ndùlala ngô fe ben gha' ntshu i nte nge, ntsho' ntshu i nte nge neshu, ndùlala nkuni Sion junkàb i nke nswe' ntsho bwe bo bwoṅ benntùn tse bo tshwèt ntshu'te, nke ntsiaṅte là.

Daniel 9:24

Bo yab ngabnjù ṅam sammbàa num yu nzwit mèn mba ngô o ze nelàne, num neghù ndù mfànnu tsine, nukebwô mi, num nebiagte mfànnu, ndo' nunetsin z'a tswe matmat là nse' yi. Bo yab tshen ngabnjù l'a num neghù ndù njem ze ghatshob ntshob Nsi yen ntshob là bumte mba ndù bo yo' Mèn nelàn dù' z'a làn neshu là.

Lévitiko 19:28

Bin ke nsi tshebte mfaṅ num bin num lén mèn z'a kwù là; bin ke nsi vèn tshu num bin. Me b'a Tshùaben.

Amos 9:2

Bo tsho be ntùm ngô fe ben mba bu àm nsi soṅ yub bwe tum yi; bo ko' nèn be mfe kamànyam mba m'a' lo' yub nswe' yi mfe bwe.

Nesiaṅe 6:6

Num yen ngelaṅ nà z'a bam ju Tshùaben nà, a ke nsi ghebte mbaṅ fe mèn.

Lukas 1:35

Angél bùnte, ntshob yi ndù: Ywèt Nelàn nsi se' num o, neta mfe tù kabt'o netshaṅ i. A nsi tshùa ndùlala, kà bo tsiaṅ mén nelàn nà z'o nsi bwe là ndù Mén Nsi.

Lukas 16:23

A tswe ntùm ngô fe ben dù' z'a ke njen nge' là, mbù' miag mi mfe tù, njen Abraham ngùanesà mba Lazaro num ndàntù i.

Lukas 4:34

E! Ke z'o ghù ntùm yag nu Yésu ze Nazarèt? O se' a nebagte yag ké? Me lèn mèn z'o be yi là, o b'a mèn nelàn z'a fe Nsi là.

1 Korintô 15:42

A b'a be ndaṅndaṅ num nebam num vù. Bo num njwit z'a bagte là, z'a ke' bagte là bam.

Nebwôgte 32:22

Nummbe mbwôg yantù lo' mbwôge, a nsi kù tà kum ngô fe ben; a nsi kù tsha' boa tshu tse, kù ba tun mbale.

Apokalipse 1:18

me b'a ntùn; me lo kwù, tshù me b'a ntùn num ngu'ngu', me ghù fùn vù mba fùn ngô fe ben.

Apokalipse 20:13

Dibantse fà fe ben tse bo be ntùm bwe là; vù mba ngô fe ben fà fe ben tse bo be ntùm bwe là, bo tsho'te mba we lo num mfa' mi.