Yobkwi 149:3 - NTSHOB NSI

³ Bo lo' tshu nenyiaṅ ngamte lén se yi, bo lo' lammbé mba ndoṅ njob kwi yi yi.

Yobkwi 149:3 Iomraidhean Croise

2 Samuél 6:14

David lo ke nyiaṅ mbwe Tshùaben kua' njoṅ ze neta fa, ndù a ket kum nesag se bo num nket ngelaṅ fa' là num i; bo lo' à nzwe mebwô ntam kum nà yi.

2 Samuél 6:16

Ndùse Koṅ Tshùaben ke ntsho ntùm tusô David là, Mikal ngon Saulo lôte tônda njen mba mfen David tshwèt nyiaṅe, nke ntsho' mfe tù mbwe Tshùaben nà, ngwag i ntùm ntù i.

1 Kronika 16:42

Héman bo Yédutun lo be mbaṅ bo boa ba nta, ba netsha'a; bo nke ntshag là sob tù boa tshu nebu' ju yi, njob nkwi yi ngamte Nsi yi. Tse nshum Yédutun na' mb'a ghabéb nzendà.

1 Kronika 25:6

Njoṅ tshen ben nà fa, tà yub na' mbèn nke ntshagte yube, num neke njob kwi ndà Tshùaben. Bo lo ghù ba netsha'a, ndoṅe, ndoṅ nse' num neke mfa' yi ndà Nsi. Asaf, Yédutun bo Héman lo ke nkwé ntshob mfen.

2 Kronika 20:28

Bo tsho Yérusalém ntùm ndà Tshùaben ntùm nze ndoṅe, ndoṅ nse' boa ba nta.

2 Kronika 29:25

A lo ghù bo tete ben Lévi ntùm ndà Tshùaben boa ba netsha'a, ndoṅ nse' boa ndoṅe, ndaṅndaṅ mba David, Gad ngayente mfen bo Natan ngatshob ntshob Nsi na' ntshob là; nummbe Tshùaben na' mbèn ntshùa num ntshu ghatshob ntshob Nsi tse mbètte ndùlala.

Esdra 3:10

Ndùse ghafa' ma' tun ba' Ndà Nsi là, bo ghù ghale'te ket nzwe fa' mbe bwe, boa nta mba ben Lévi bon Asaf boa kekwale. Bo nsi ghamte Tshùaben mb'a be ntùm ntshù' David mfen Israél là.

Yobkwi 30:11

Tshùaben, ju'u, ko ndèn màm! Tshùaben, ywimt'àm!

Yobkwi 33:2

Ghamte Tshùaben num loṅe, bin ghamt'é num loṅ s'a ghù nsa gham nà.

Yobkwi 81:2

Bin yob kwi ṅwate num Nsi z'a be ze be neta là. Bin tshag nze zin tù, ntsiaṅte num Nsi Yakob!

Yobkwi 81:3

Bin yob kwi, bin bu' lammbé, loṅ nsa bo loṅ nse'e.

Yobkwi 87:7

Ben tse bo tshwèt njob kwi mba ben tse bo tshwèt nyiaṅ nà nke nkua' ntshob ndù: Njoṅ yàm tumnsi ntse fa b'a num o.

Netume 15:20

Ndùlala, ngatshob ntshob Nsi Miriam, ngon mà Aron lo' lammbé ntshùb bu i, njoṅ bènnzwi fa tam njam i, nke nyiaṅe, nke mbu' lammbé.

Yérémia 31:13

Ndùlala bonngon nsi tsiaṅte ndù nenyiaṅ sa. Nshumnshum boa ywèn benntùn nsi tsiaṅte yub. Me nsi lo' vù sob kaṅ ṅwate yi. Me Tshùaben nsi fite ntù yub ngelaṅ zwe, ghù bo tsiaṅte.

Yérémia 31:4

Me nsi bèn te o, bo bèn mbù't'o me ngô Israél; ba la' tsho nsi kwi wut, ma' lammbé mbe' bo tum tsho ntùm tsiaṅte tshu nenyiaṅe.

Ghasa'kame 11:34

Yéfté bèn njam ntùm ndà i Mitspa. Ngon i tum nse' mbwe i bo lammbé, nke nyiaṅe. A na' mb'a nkwi mén i ntshù'. A lo ke ghù mén mandum, ke bèn ngù mo' mén mènnzwi.