Yobkwi 148:13 - NTSHOB NSI

¹³ A bwô ndù bo ghamte lén Tshùaben, nummbe nda' lén se bèn nèn tù. Nkuni mi nèn tù ntshùa tsha' mba kamànyam.

Yobkwi 148:13 Iomraidhean Croise

1 Kronika 29:11

Tshùaben a bwô ndù nezi, neta bo nku'ni, neghô matmat bo ghamte be wù, nummbe ju z'a mfe kamànyam, num nsitsha' là o bèn ngù fa; Tshùaben, a bwô netô be wù nummb'o num ndo tù ntùm fen, nke ntô mba ke lo.

Yobkwi 108:4

Tshùaben, me nsi nyàmt'o netèt benntùn, me nsi bu' tshu wù netèt ngôngô.

Yobkwi 113:4

Tshùaben b'a tà mfe tù num njoṅ ngôngô fa, nkuni mi b'a tà mfe num kamànyam.

Yobkwi 150:6

A bwô ndù njoṅ tshu fa ts'a num nzwiag là ghamte Tshùaben! Aléluya! Ghamte be Tshùaben.

Yobkwi 57:6

O Nsi, sate wul o mfe kamànyam! A bwô ndù nkuni mu be num njoṅ nsitsha' fa!

Yobkwi 72:19

Ghamte be lén se se nekuni njoṅ ndù fa. A bwô ndù ghamt'é be num njoṅ nsitsha' fa. Amén! Amén! A bwô ndù a be ndùlala.

Yobkwi 8:1

Ntshagte yobkwi. Num loṅe. Yobkwi David.

Yobkwi 8:2

Tshùaben Nsi yag, lén so b'a se nekuni num njoṅ nsitsha'a fa! O yab nkuni mu mfe kamànyam.

Yobkwi 8:9

bon nsaṅ mfe kamànyam mba ngontse tse bo ntùm dibantse là, nyàm tse bo be nzinte ntùm ba ntse là.

Yobkwi 99:9

Bin ghamte Tshùaben Nsi yag, ngwù nsi mbwe mbal i ze nelàne! Nummbe Tshùaben Nsi yag b'a nelàne.

Nkwi Nkwi 5:16

Ntshu i dun mbétni, njoṅ wul i fa dun batte. Ngonngon Yérusalém, tshù mba nshun àm be là, tshù mba kôntù àm be là.

Nkwi Nkwi 5:9

Ngonngon bètte ndù: Wù mènnzwi z'o bwô ntshùa tsemo' bènnzwi là, ke ze nshun o ghù ntshùa tsemo' bandum à? A tshùa yub num zit nu k'o nke nde'te yag num i ndù à?

Esaya 12:4

ke ntshob num yen ngelaṅ nà ndù: Bin nyàmte Tshùaben, bin tsiaṅ lén se, bin soṅ ngôngô tshu ts'a ghù là, nkwimte lén se s'a zi neshu là.

Esaya 33:5

Nsi b'a mfe tù, nummb'a b'a tà mfe tù. A ghù nu ndaṅndaṅ bo nunetsin dun Sion.

Esaya 6:3

Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

Sakaria 9:17

Tshù mba bo nsi bwô njene, tshù mba bo nsi ziag njene! Ngefet nsi ghù nshumnshum ku'u, ndu' nedùmte ghù ngonngon ku'u.

Matio 6:13

Kà tshag yag ntùm laṅte, là kwé yag bu nukebwô. Nummbe nufen, neta, mba nekuni, b'a yu yoṅ ntshù' là, amén.

Efésô 4:10

Mèn z'a na' nswe' là, a be yi bèn nko' nèn tà mfe kamànyam, ndùlala ndù a dunte njoṅ tshu fa.

Filipi 3:8

Kua' nenùne, me lo' njoṅ i fa mba bi là num nelèn Kristô Yésu Tshùaben àm z'a tshùate là; me lo bi njoṅ i fa num i, me num ndo' njoṅ i fa mba ju neghua' là, ndù me ghù Kristô;

1 Pétro 3:22

yi z'a nèn kamànyam, ntswe num bag bu Nsi ze zwim, ba Angél, ba ngù' mba ba neta fà wut nsi mbwe i là.