Yobkwi 147:2 - NTSHOB NSI

² Tshùaben tshwèt mbèn nkut Yérusalém, a tshwèt ntse'te bon Israél tse bo nèn kuan nà,

Yobkwi 147:2 Iomraidhean Croise

Néhémi 6:15

Bo miagte nekut kàbngô mum lé'njù ntshob tàn ṅam mbàa ntùm ṅwù Elul, mum lé'njù ntshob bàa ṅam ntàn.

Néhémi 6:16

Ndùse ghakeban tshag ju' yen nu là là, njoṅ ngô fa tse bo diaṅ yag mbum nà b'a ntùm bwôg, mo' mà tuswe ndùb ghom yube, tu wut tshob lèn mbe sen fa' là b'a mba Nsi yag bèn nkô là.

Néhémi 7:4

Là tusô zi neshu, ngu'u, benntùn ke be bwe yàme, bo ke yoṅ mbèn nkut mba'.

Yobkwi 102:17

ngelaṅ Tshùaben a' bèn kut Sion nà, a nsi ṅwag bwe mum nkuni mi.

Yobkwi 51:18

B'o ke tsiaṅte num ju nele't'o yi, a be ze me ton mba ju neton nde't'o yi là, mb'o ke kô.

Esaya 14:32

Ke ze bo nsi bùnte tshob ghantum yen ngô l'à? A bwô netshob ndù Tshùaben bèn nte Sion mba ndù ben nke'nke' ntùm ze ngô be mfon ndàlem à bwe.

Esaya 27:13

Bo nsi tô nta ndùb num sen lé'njù là; ben tse bo nèn kùla' Asiria là nsi bèn njam. boa tse bo nèn Egipto là. Bo nsi te nkekwi' mub nsi mbwe Tshùaben, num mbat nelàne, z'a Yérusalém nà.

Esaya 56:8

Tshùaben Nsi tshwèt ntshobe. A tshwèt nkùmte ba Israél tse bo kù la' là, nke ntshob ndù: Me nsi tse'te tsemo' ngôngô so num Israél, yab num ben tse m'a kùmte là.

Esaya 62:7

Kà bin bam a tswe fite ke be ndù a bèn mbù'te Yérusalém, num nelo' i ngù ghamte yi num nsitsha'a.

Yérémia 31:10

Ngôngô, bin ju' ntshob Tshùaben, bin sa men ntshob là ntùm ngô ts'a tètntse, tà ngùanesà là! Bin tshob ndù mèn z'a na' nsate Israél là nsi bèn tse't'é, ke lôt'é mba ngabéb mbwe be mbéb bwoṅ nyàm tse là.

Yérémia 31:4

Me nsi bèn te o, bo bèn mbù't'o me ngô Israél; ba la' tsho nsi kwi wut, ma' lammbé mbe' bo tum tsho ntùm tsiaṅte tshu nenyiaṅe.

Yérémia 32:37

Me nsi tse'te yub ntùm njoṅ ngô fa tse me tshùa njam yantù àm, tshùagntù àm bo tonkèt yantù àm ntshag yub bwe là. Me nsi lo' yub bèn yi yen dù' li, ghù bo tswe bwe ntùm fite.

Ezékia 38:8

A nsi be tshùa tsemo' lé'njù me soṅ o mb'o ghù là. A nsi be tshùa tsemo' ngu'njù o kab mbu mum ngô ze ba la' tum a num ntshùag ṅwi là. Bo lo sôte yub a netèt ntumntum yàme, ndo' yub nèn yi num tse mbat Israél ts'a na' mb'a kônkwa ngelaṅ yàm nà. Fe ngelaṅ ze bo fagte yub num tsemo' benntùn nà, bo ke ntswe à mum fite njoṅ yub fa.

Daniel 9:25

Lèn ndùlala, nju'u. A be ndonni à ngabnjù sammbàa mba ntshob se' wù ndù bo nsi bèn kut Yérusalém nà. A nsi be ndùlala tà nkum ndùse Ngayo', Ngatshagte be là. A nsi be kum ngabnjù ntshob bàa ṅam ntôg bo kut ba dù', ntsiagte ba nsam. Là njoṅ i fa nsi tôg à mum ngelaṅ zwentù.

Mika 4:6

Tshùaben tshob ndù: A nsi be mum tshen lé'njù là me soṅte njùmbwe tse bo be nke'kèt là, kùmte tse bo sate là, mba tse me na' ma'ni yub là.

Sakaria 8:7

Tshùaben tàndà ntsho tshob ndù: Tshù, me tshu' yàm nzwit mèn ngô ntumnyam mba ngô mbinyam.

Matio 16:18

Mba tu wul àm me tshob wù ndù o b'a Pétro, num sen loṅ nà me nsi kut yàm Ndà Nsi bwe, nzendà ngô fe ben ke nsi ta tshùa i.

Nebwôgte 30:3

mba kua' me Tshùaben Nsi o nsi lo' ben tsho tse bo be kuan nà bèn yi njam bèn ko ndèn mu, kùmte ben tsho netèt ntumntum tse me Tshùaben Nsi o tshag o bwe là.