Yobkwi 146:9 - NTSHOB NSI

⁹ Tshùaben be ntshètte ghùn, Tshùaben be ntomte ménntse mba mfôg mènnzwi, là, a be nkaṅ manze ghatshùagntù.

Yobkwi 146:9 Iomraidhean Croise

2 Samuél 15:31

Bo se' ntshob David ndù: Netèt ben tse bo ze ntsham o là Akitofél num bwe. A b'a bo Absalom. David tshob ndù: Tshùaben, a bwô o ghù ndù mi ntag Akitofél tù' ju banban!

2 Samuél 17:23

Akitofél be yen mba bo ke' zin a num mi ntag là, nabte kekwèn nène. A nèn la' i ntùm ko' se tusô. A tshob ze nu tunndà, nzwi wul i ze tu. Tshù mba Akitofél lo' nkwù yi là. Bo tshoṅ i ntùm fi tàab.

Esta 5:14

Nzwi i Zéresh boa shun tse tshob yi ndù: A bwô ndù bo te ta' saṅ s'a sag nguan mbu ntshob tàn ṅam mbàa là tù, o tshag ndamnjù nkebnjù mbètte mfen bo taṅ Mardokai bwe, o nèn jùa bin mfen nke ṅwate. Men ntag li bwô Haman, a te sen saṅ nà tù.

Esta 7:10

Bo taṅ Haman num saṅ s'a na' nte tù num Mardokai là. Ndùlala yantù mfen kôgte.

Esta 9:25

Nda' ndù Esta lo nèn mbaṅ mfen, mfen tshob ndù bo kite, nkaṅ ma' tu Haman, nu z'a na' ntàmte num ba Yuda là tsho i, bo taṅ i tù boa bon tse.

Yobkwi 10:14

Là, mba ndùlala, o be ndôte, nummb'o be njen ntobni yub mba nge' yub, Ngayennge' ke njèn wul i à wù. O be njwimte ménntse.

Yobkwi 145:20

Tshùaben be mbéb njoṅ ben fa tse bo be nkô i là, mbiagte njoṅ ghatshùagntù fa.

Yobkwi 147:6

Tshùaben be ntomte ghayennge', nke nkôg ghatshùagntù ntshag nsi.

Yobkwi 18:26

O be nda'te ndù o ghù bwôntù mèn z'a ghù bwôntù là. O be ngù nunetsin mèn z'a be mèn netsin nà.

Yobkwi 68:5

Bin yob kwi mfà Nsi, bin ghamte lén se. Bin fag manze mèn z'a tshwèt ntshùa num ndot là! Lén se b'a Tshùaben. Bin tsiaṅte mbwe i.

Tànkùt 15:25

Tshùaben num ntèn ba' ghako'tewut ma' nsi, là nke ngù ndoṅ ndùnsi mfôg mènnzwi ta nsi.

Tànkùt 4:19

Ze manze ghatshùagntù b'a mba njam nà, bo ke' be yen ju z'a ghù bo vù nsi là.

Yérémia 49:11

Ndùse bin nsi be ke bèn mbe là, me nsi ghù bontse tsin yôge, tsin fôg bènnzwi nsi nywinte num àm.

ṄWA'NI OSÉ 14:3

Lo' nda' ntshob ntshu nse' yi, mbèn njam ntèt Tshùaben. Tshob yi ndù: Lagte njoṅ mfànnu mag fa, ndo' yag mebwô. Nummbe bag a' faṅ nefà ba nyàm wù, ndo' a nenyàmt'o nkub ntshu mag nse' yi.

Malashi 3:5

Me nsi ghebte num netsho'te, me nsi nànte kwé nta num ghatshaṅ ngàme, boa ghaghù màndà, num ben tse bo num nkàn mfe tatte là, me nsi nànte kwé nta num ben tse bo be ndé' nkàb ngafa', nke mfétte mfôg mènnzwi bo ménntse, nke ngù kebwô ngùn, ke be bwôg àm nà. Tshùaben tàndà ntsho bèn ntshobe.

1 Korintô 3:19

Nummbe zenu yen njù li b'a bà mbwe Nsi. Nummbe bo kite ndù: A num ntshùb ghazenu ntùm zete yub,

Nebwôgte 16:11

O nsi tsiaṅte ntùm dù' ze Tshùaben Nsi o tsho' nete lén se bwe là, mbwe tu wul i, wù bin nshum o, ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

Yakobo 1:27

Neghamte Nsi ze nelàne mba kelo' mbwe Nsi Tà be b'a yen ni ndù: Nelôte bontse mba fôg bènnzwi ntùm nge' yub, nzete num nesagte njù, mbe kelo'.