Yobkwi 145:1 - NTSHOB NSI

¹ Yobkwi David. Nsi àm, mbe mfen àm, me nsi nyàmt'o. Me nsi ghamt'o njoṅ ndù, ghamt'o matmat.

Yobkwi 145:1 Iomraidhean Croise

1 Kronika 29:13

Ndonni me Nsi yag, bag nyàmt'o, nke ngamte lén so se nekuni.

Yobkwi 100:1

Yobkwi nyàmte. Bin tshag nze zin Tshùaben tù ntùm tsiaṅte, njoṅ zin fa tse bin be ntswe num nsitsha' là!

Yobkwi 118:28

A b'a wù bèn mbe Nsi àm, me be ngamt'o, Nsi àm, me be nyàmt'o!

Yobkwi 145:21

Ntshu àm nsi tshob ghamte Tshùaben, njoṅ benntùn fa ghamte lén se se nelàn ngu'ngu'.

Yobkwi 146:2

Me nsi ghamte Tshùaben num njoṅ lé'njù yôg sàm fa. Me nsi ke yob kwi Nsi àm ngelaṅ me ke' ntùn nà!

Yobkwi 149:2

A bwô ndù Israél ke ntsiaṅte num Mbom i, bon Sion ke ṅwate num mfen yub.

Yobkwi 30:1

Yobkwi. Yobkwi num netsho' Ndà Nsi. Yobkwi David.

Yobkwi 30:12

O lo' njoṅ yàm nekua' fa nkaṅ tsiaṅte yi. O sô bam vù bu àm, ntôg nzwe nswe tun àm,

Yobkwi 30:2

O! Tshùaben, me nyàmt'o, nummb'o lo bù't'àm. O ke' bam ndù ghakeban tshàm tsiaṅte num àm.

Yobkwi 34:1

Yobkwi David. Ngelaṅ z'a na' ngù mba ngazwiaṅte mbwe Abimélék, nkù nèn ndùs'a ta' i là.

Yobkwi 44:4

Nummbe bo lo ke lo' yub ṅwi kà ndo' ngô yi. A ke' b'a mbu mub na' mbèn ngù bo ntshùa ntsho. Là, a b'a bu o ze zwim, a b'a bu o, a b'a nka' z'a be num se o là, nummb'o num nkô yube.

Yobkwi 45:1

Ntshagte yobkwi. Num ndoṅe. Se bon Koré. Yobkwi. Se nkôni.

Yobkwi 45:6

Bo kùa nkét mu. Benntùn nsi vùte mbwe o. Ghakeban mfen ke' bèn ngù fènntù.

Yobkwi 5:2

Tshùaben! Kù' ntoṅ nju' ntshob màm, ju' mba me tshwèt ndàn wù là!

Yobkwi 5:3

Kù' ntoṅ nju' mba me tshwèt ntsiaṅ o là, wù mfen àm mbèn mbe Nsi àm. A wù ze me tshwèt nde't'o là.

Yobkwi 52:9

Tshù mèn z'a na' mbe ke ke ndo' Nsi mba ngabéb i, nke njab ntù i num màmà mfu' mi, nke mbe ngatshùa ntsho ntùm nukebwô i là.

Yobkwi 68:4

Là, ben netsin be ntsiaṅte, nke ntshùa ntsho mbwe Nsi, ṅwate nke ndo' yub nèn yi.

Yobkwi 75:9

Mo' ntu' num bu Tshùaben, dù' ze tamte nsam ndu' be là. A be nke nsô, ghatshùagntù tse bo be num tsha' là nke mfine, nke nu, nu tà nkum num tun i.

Yobkwi 95:3

Nummbe Tshùaben b'a Nsi ndùb, a b'a mfen ndùb num njoṅ nsi fa.

Yobkwi 96:2

Bin yob kwi mfà Tshùaben, bin ghamte lén se. Bin ke ntshob nu num yôg se ke faṅ sàm lé'njù.

Esaya 33:22

Ṅ, Tshùaben b'a ze be ngasa'kame, Tshùaben b'a ze be ngafà ntshù', mbe ze be mfen; a kua' yi nsi bèn yôg be.

Esaya 38:20

Tshùaben yôg àm! Bag nsi dù' mag ndoṅe, num njoṅ lé'njù yôg sag fa ntùm ndà Tshùaben.

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Malashi 1:14

Ndon tu ngatatte z'a ghù fot nyàm netèt nyàm, nke nton nyàm z'a jum nà Tshùaben nà! Nummbe me b'a mfen ndùb, Tshùaben tàndà ntsho bèn ntshob ndùlala. Lén sàm b'a se nekuni netèt ngôngô.

Matio 25:34

Mfen nsi tshob ben tse bo be num bag bu i ze zwim nà ndù: Bin se'e, bin ghambotni Tàa, njù nufen se bo na' nabte bin fe ngelaṅ nenabte njù be là;

Apokalipse 19:16

Bo kite mo' lén num kum se mba num tammbwe i: Mfen fenfen ba Tshùaben.