Yobkwi 143:8 - NTSHOB NSI

⁸ Ghù ndù me ju' kondèn o fe nkebnjù, nummbe me yab ntù àm num o; ghù me lèn manze ze me zin bwe là, nummbe me ke mfà ntù àm à wù.

Yobkwi 143:8 Iomraidhean Croise

Yobkwi 119:34

Fà zenu me, ndù me lé' ntshù' mu, mbèn nz'é njoṅ ntù àm fa.

Yobkwi 119:73

Mbu mu lo nabt'àm, a lo bomt'àm; fà zenu me, ndù me zi'te nkàn mu.

Yobkwi 143:10

Zi't'àm neghù ju z'o kô là, nummb'o bèn mbe Nsi àm; a bwô ndù ywèt tsho tse mebwô tshagt'àm num dù' tsha' kù'kù'.

Yobkwi 25:20

Lem ntù àm, yôg àm! Kà bam ndù tuswe ko àm, ngelaṅ me tshwèt ndiag dù' nelem num o là.

Yobkwi 27:11

Tshùaben, tswit'àm yu manze, tshagt'àm num manze netsine, num nu ghakeban tshàm.

Yobkwi 30:5

Bin yob kwi mfà Tshùaben, bin tse bin be nkô i là. Bin ghamte nelàn i ntùm zin nenyàmte.

Yobkwi 32:8

Tshùaben tshob ndù: Me nsi tswit'o, la't'o manze z'o nsi zin bwe là, Me nsi tagt'o, me nsi te miag màm num o.

Yobkwi 42:8

Mo' mba' ntse be nse' ngwù num mo' mba' ntse. Njoṅ ntu'ntse fa mba njoṅ mba' ntse fa be ntamte nja' num àm.

Yobkwi 46:5

Nku ta'ntse be ngù ngô Nsi nke ntsiaṅte, dù' nelàne, dù'ntswe Nsi z'a tà mfe tù là.

Yobkwi 5:8

Là, mba me là, me be ntshùa njam kondèn o ze ndùb, ntsho ntùm nd'o. Me num ngwù nsi mbaṅ nd'o ze nelàne, ndù me dun bwôg.

Yobkwi 59:16

Bo be ntsha, nke nèn bag bag, nke ndiag jujù. Là nke nzi ke be ndù bo jù njwèle.

Yobkwi 86:4

Ghù ndù ntù ngafa' o tsiaṅte. Nummbe ntù àm ke ndo nsi, nse' à mbaṅ o me Tshùaben.

Yobkwi 90:14

Ke ngù ndù bag ywèt kondèn o njoṅ nkebnjù fa. Ndùlala mba bag nsi be ntùm tsiaṅte mba ṅwate mum njoṅ yôg sag fa.

Esaya 30:21

Ntoṅ mu nsi ju' ta' nze tshob njam i ndù: Tshù manze li, zin bwe. Nummb'o nsi nène, ke bu zwim ke bu kwéb lo.

Esaya 48:17

Tshùaben, ngatshu' o, Mèn Nelàn Israél, a b'a me Tshùaben Nsi o z'a tshwèt nzi't'o, ndù o tshùa num bwe njù bin nà. Me ke ntshagt'o à num manze z'a bwô ndù o zin bwe là.

Nsindàvù 3:41

Be tshag ntù be boa mbu be tù, mbaṅ Nsi z'a be kamànyam nà, ntshob ndù:

ṄWA'NI OSÉ 6:3

be lène, ndèn nediag Tshùaben. A tshwèt nse'e, ndaṅndaṅ mba mfôgnjù z'a be a ke tag ke se' là; a nsi kum num be mba mbaṅ nà, mba njwèt mbaṅ z'a be nzwi' tsha' là.

Ghasa'kame 13:12

A bùnte ndù ṅ, a b'a yi. Manoak tshob ndù: Ndonni, a be ze ntshob mu bumte là, mba bag nsi ghù à ndùke num mén à? Mb'a bwô a ghù à ndùke?

1 Samuél 23:12

David bèn mbètte ndù: Ba Keila nsi swèn àm bag ben tshàm mum mbu Saulo ké? Tshùaben bùnte ndù: Bo nsi swèn o.