Yobkwi 141:4 - NTSHOB NSI

⁴ Kà bam ndù ntù àm tshob nukebwô, mbwe mfa' kebwô boa ghatshùagntù, mba ndù kà me be num yub lantô.

Yobkwi 141:4 Iomraidhean Croise

Neto'te 27:14

Yakob nèn ndo' yub nse' mfà màab, a nabte jujù yi mba tàab ke nkô là.

1 Fenfen 13:8

Là, mèn Nsi bùnte mfen ndù: A be z'o fà mba ta' bag ndà o me là, mb'a be me ke nèn bag wù. Me ke nsi jù, ke bèn nu sàm ju ntùm yen ngô li.

1 Fenfen 22:22

A bùnte ndù: Me nsi tume, be ywèt tatte mba ntshu zit ngatshob ntshob Nsi lo netèt ghatshob ntshob Nsi tse fa. Tshùaben tshob ndù: O nsi lo' ntù i tà nèn miagte, nèn ngù kua' ndùlala.

1 Fenfen 8:58

Là, a bwô ndù a so ntù be num i, ndù be ke nzin num njoṅ tse manze fa, nke nze nkàn mi, ntshù' mi boa ntag mi, mi a na' nkite mfà tà be là!

Yobkwi 119:36

Fà ntù àm num ntshù' mu, ke b'a num nda' ntum.

Yobkwi 28:3

Kà lo' àm bag à ben kebwô mba ghatshùagntù, tse bo be ntshob nu fite mèn a ghebte mbaṅ i, là nukebwô be ntù i là.

Esaya 63:17

Tshùaben, numk'o mfaṅ bag ntsin ngùanesà num manze tsho à? Numk'o nkag sagntù ntù bag ndù kà bag nebwôg o à? Bèn nse' bag, ntshùa njam nkôni ghafa' tsho, mba njam nkôni z'o ghù num nzwit tshen nà ts'a be ntsi' mu là.

Nesiaṅe 25:2

Bo soṅte yube, boa bo nèn nke ngamte ba nsi neto tshobe, njù jujù bwe mbèn ngwù nsi mbwe bo.

Matio 6:13

Kà tshag yag ntùm laṅte, là kwé yag bu nukebwô. Nummbe nufen, neta, mba nekuni, b'a yu yoṅ ntshù' là, amén.

1 Korintô 10:31

Ndùlala, ke bin jù, ke bin nu, ke bin ghù mba ke lo, bin ghù njoṅ i fa num ghamte Nsi.

1 Korintô 15:33

Kà bin fùte wut tsine: Shunku kebwô num mbagte ntswendà.

2 Korintô 6:17

A ndùlala, Tshùaben tshob ndù: Bin tum netèt bo, ntsin tù' bin; kà bin kwag ju z'a sagte là;

Nebwôgte 2:30

Là Sion mfen Hesbon ke faṅ bag tshùa la' i; nummbe Tshùaben Nsi o, lo kag sagntù yi, ndù a tshùa njam bwe nswèn i ntùm mbu mu, mb'o tshwèt njen sènni là me Israél.

Nebwôgte 29:4

Me lo tshagt'o num kônkwa num ngu'njù ṅam nkuà, là nzwe tsho lo ke fagte num o, nketo' mu ke bèn mfagte nku mu;

Yakobo 1:13

Kà sàm mèn ze bo laṅt'é là tshob ndù Nsi bèn ndaṅt'é. Nummbe Nsi ke' b'a ngalaṅte num nukebwô, tu wul i ke' be laṅte sàm mèn,

Apokalipse 18:4

Me ju' mo' nze tum mfe kamànyam ntshob ndù: Nzwil àm, bin tum ntùm bwe, ndù kà bin tamte num nukebwô tse, mba ndù kà nge' tse tsho num bin.