Yobkwi 141:2 - NTSHOB NSI

² A bwô ndù yàm le'te be mbwe o mba tshu nelamte là, netshag mbu màm tù be mba ju bwôntù mfetnjù là.

Yobkwi 141:2 Iomraidhean Croise

1 Fenfen 18:36

A kum ngelaṅ nefà jule'te, Elia ngatshob ntshob Nsi nèn mbwe, ntshob ndù: Tshùaben Nsi Abraham, Isak, Israél! A bwô o ghù bo lèn ndù o b'a Nsi Israél, mba ndù me b'a ngafa' o, mbe ndù njoṅ tshu fa tse me tshwèt ngù là b'a mb'o tshob là.

Esdra 9:4

Njoṅ benntùn fa tse ntshob Nsi Israél ke nkag bwôg num bo là kùmte mbaṅ àm, num nu mfànnu ben bo fe ndà kuan nà. Tu wul àm tàn nsi ntùm nenywine, tà nkum num ngelaṅ ju bwôntù ze mfetnjù.

Yobkwi 134:2

Bin tshag mbu min nze dù' ze ndà Tshùaben ze nelàn be bwe là njoṅ tèttswe' fa, nke ngamte Tshùaben.

Yobkwi 28:2

Ju' mba me tshwèt nde't'o ngelaṅ me tshwèt nkua' ntsiaṅ o là, ngelaṅ me tshwèt mbù' mbu màm ntshag nze mbaṅ ndà o ze nelàn nà.

Yobkwi 5:3

Kù' ntoṅ nju' mba me tshwèt ntsiaṅ o là, wù mfen àm mbèn mbe Nsi àm. A wù ze me tshwèt nde't'o là.

Yobkwi 63:4

Nummbe kondèn o tanjoṅ ntshùa yôg, nkub ntshu màm be nyàmt'o.

Netume 29:39

Ke nabte mbwe njùmbwe num nkebnjù, nabte mbatt'é num ndù mfetnjù, ndùse njù tamte là.

Netume 35:15

tômbwôg labinda boa fa tse, mfèt yo', labinda ze bo ton nà bo nzwe nzendà z'a nsi be netsho ndà là;

Tànkùt 15:8

Jule'te ghatshùagntù num mbag Tshùaben. Là, ze nele'te ben netsin be mbwô i neshu.

Daniel 9:21

me lo ke nke' ntshob nu num yàm le'te Nsi, ndùse mandum, Gabrièl, ze me bwôgmbwe njen i mum njem, fùt ndende nkù' nse' mbaṅ àm nà. A na' mb'a ngelaṅ nefà ju bwôntù ze mfetnjù.

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Nesiaṅe 16:35

Mbwôg Tshùaben bèt, nkù benntùn bon tàn nkù bàa, ngelaṅ ze bo ke mfà ju nelamte mbwe Nsi là.

Mfa' Ghantum 3:1

Pétro mba Yohané ko' nèn Ndà Nsi nyam bwe'e nele'te Nsi.

1 Timôtio 2:8

Ndùlala me kô ndù bandum ntùm njoṅ ndù fa, be le'te Nsi mbù' mbu nelàn tù, ke ya ntù, ke kam ntsha.

Apokalipse 5:8

Ngelaṅ z'a kwé ṅwa'ni là, tshu ntùn mba ywèn benntùn ntshob kuà ṅam mbàa vù mbwe mén njùmbwe, ndù mba zit lo tshùb loṅe, mba ntu' gol ts'a dun labinda là, tshen ni b'a le'te Nsi ben nelàne;