Yobkwi 140:12 - NTSHOB NSI

¹² Kà ghatshob tatte ghubte num nsitsha'a, a bwô ndù nukebwô bwe ghafètte lem à vù vù.

Yobkwi 140:12 Iomraidhean Croise

1 Fenfen 8:45

mb'a bwô ndù o tsin mfe kamànyam nju' le't'é bo ze nema' mbu, ngù nunetsin yi.

1 Fenfen 8:49

mb'a bwô ndù o tsin mfe kamànyam dù' ze dù'ntswe o be là, nju' le'te boa yub nema' mbu, ngù nunetsin num bo.

Yobkwi 102:17

ngelaṅ Tshùaben a' bèn kut Sion nà, a nsi ṅwag bwe mum nkuni mi.

Yobkwi 12:3

Bo be nke ntatte bo bo, tatte bèn mbe num nkub ntshu mube, bo num ntshob ntshob mèn z'a ghù ntù bàa là.

Yobkwi 12:4

A bwô ndù Tshùaben biagte nkub ntshu mi a be ntatte là, mba lém s'a be mfùag wut netshob ka'te là.

Yobkwi 22:24

Bin tse bin be mbwôg Tshùaben nà, bin nyàmt'é! Njoṅ zin fa, nzwit Yakob, bin ghamt'é. Bin nzwit Israél, bin vètte mbwe i.

Yobkwi 35:10

Njoṅ nkam wut màm fa nsi tshob ndù: Tshùaben! We z'a ku'ni netshu' ngayennge' mba mbwoṅ, mbu mèn z'a tshwèt mfétt'é mba wù à?

Yobkwi 72:4

A nsi ghù nunetsin ghayennge' tse bo ntùm ngô là. A nsi yôg bon mbwoṅ nyiaṅte ngaghùtni nku.

Yobkwi 9:4

Ghakeban tshàm bèn mbèn njam, ngwùte nsi, mbite num miag mu.

Tànkùt 22:22

Kà fétte me fùag mèn mb'a be mbwoṅ nà, ke bèn mfétte njennge' nzendà ngô.

Esaya 11:4

là, a nsi tsho'te ben nebol à ntùm netsine, ghù nu ndaṅndaṅ bwoṅbwoṅ tse bo num nsitsha' là. A nsi lo' ntshob mi lab nsitsha' yi mba shua' là, lo' fet nkub ntshu mi zwite ghatshùagntù yi.

Yérémia 22:16

A lo ke ngù nunetsin mbwoṅ bo njennge', njoṅ i fa nke ntôg mebwô. A ke b'a nelèn àm nà ké? Tshùaben bèn ntshobe.

Matio 11:5

Ba mfùmiag tshwèt njene, ba kekat nke nzine, wut ghankin nke ndàne; ba mbu'ntoṅ nke nju'u, fe ben nke ndo num vù; bo tshwèt nke ntshob nkùn mebwô bwoṅbwoṅ.