Yobkwi 14:4 - NTSHOB NSI

⁴ Ghatshùagntù ke' bèn ngù sàm nkwate ké? Bo be mi ben tshàm, ndaṅndaṅ mba bo be mi bàn nà. Bo ke' be tsiaṅ lén Tshùaben.

Yobkwi 14:4 Iomraidhean Croise

ṄWA'NI YOB 21:15

Nganeta Ntshùate tshwèt ndiag mfa' be ké? A ywimte be à ke neke nde't'é à?

ṄWA'NI YOB 27:10

A ghù neke njab ntù i num Nganeta Ntshùate, nke nkô i ké? A num nke nde'te Nsi njoṅ ndù fa ké?

Yobkwi 27:2

Ngelaṅ ghatshùagntù lo nsi nke nse' num àm, num nesé'te mbàb àm nà, mb'a b'a ghatsho' nku màm kebàn mba ghakeban bèn vù nsi.

Yobkwi 79:6

Sa tshùagntù o mum ngô ts'a ke' lèn o là. Sa yantù o num nufen ts'a ke' be tsiaṅ lén so là.

Yobkwi 82:5

Bo ke' lèn mo' ju, ke bèn ngù zenu. Bo ke nzin à ntùm njame. Njoṅ tun tsha' fa vètte.

Tànkùt 30:14

Mo' nzwit mèn num bwe ndù nsô mub b'a ṅwi, ngagntshu mub b'a mbi, num nemi njennge' num nsitsha'a, mi bwoṅbwoṅ netèt benntùn.

Esaya 27:11

Ndùse mbu ntù nsi jum nà, bo nsi be'te, bènnzwi se' nso mbwôg bwe. Nummbe yen nzwit mèn nà ke' ghù nkwate. A ndùlala ze Mbom i ke' ko ndèn mi là. Mèn z'a nabt'é là ke' tshàm ndèn mi.

Esaya 29:14

A ndùlala, me nsi bèn lab yen nzwit mèn ni njam tshu netshàm boa nsa; zenu tse ghazenu nsi bi.

Esaya 45:20

Bin tse'te, ntamte nkù'te nse'e, me tshob à ben tse bo tum ntshu vùkob netèt ngôngô là! Ben tse bo be ntsiaṅ ta' nsi z'a ke' ku'ni neyôg yube, nke nket neto ntshwèn tshob là; ts'a ke' ghù nkwate là.

Esaya 5:13

A ndùlala bo nsi ghom yàm nzwit mèn nèn yi ndà kuan. Nziku' nsi yub bwô i, nzi ntse lab ze neju'ni.

Esaya 64:6

Sàm mèn ke bwe num netsiaṅ lén so, neghom wul i, nso wul i num o, nummb'o lem yag se o, mfaṅ bag nke ntù' bwe à be njam nukebwô tshage.

Esaya 64:7

Tshùaben, mba tà ndùlala o b'a tà yag; bag b'a tsha' ts'o bèn mbe ngate là. A b'a mbu mu bèn mbomte yage.

Yérémia 10:25

Sa tshùagntù o num ngôngô tse bo ke' lèn o là, num ntumntum tse bo ke' be tsiaṅ lén so là. Nummbe bo tshwèt mi Yakob, nke mi i, nke mbiagt'é. Bo tshwèt nsate dù'ntswe i.

ṄWA'NI OSÉ 7:7

Njoṅ yub fa dum à mba tômbwôg là, bo be nkù tshob ghatsho'te. Njoṅ fenfen tshob fa vù nsi, sàm mèn netèt bo ke kua' ntsiaṅ àm.

Amos 8:4

Bin ju' yen nu li, bin tse bin be nyiaṅte njennge' nku, nke mbiagte ben nebétni mum ngô là.

Roma 1:28

Mba bo na' mbe ke kô nelèn Nsi là, Nsi ma' yub ntùm yôg kagni ndù bo ghù ju z'a ke' bwô neghù là.

Galatia 5:15

Là, a be ze bin num nke ntshôgte mbèn mfèt wut tsin bin bin nà, bin zete ndù kà bin sate wut tsin bin bin.